خواجه اصف: د تحریک انصاف ګوند د مخنیوي لپاره له زور کارولو پرته بله لاره نه ده پاتې
د پاکستان د دفاع وزیر خواجه اصف وایي، چې اوس هغه حالت رسېدلی چې پرېکنده عمل وکړو، ځکه تر اوسه د مذاکراتو خبرې اترې مو بې پایلې پاتې شوې.
د پاکستان د دفاع وزیر خواجه اصف وایي، چې اوس هغه حالت رسېدلی چې پرېکنده عمل وکړو، ځکه تر اوسه د مذاکراتو خبرې اترې مو بې پایلې پاتې شوې.
نوموړي دغه څرګندونې له جیونیوز سره په یوې مرکه کې کړې دي.
هغه تر دې وړاندې ویلي و، چې له تحریک انصاف سره نور مذاکرات نه کوي.
دغه پاکستاني چارواکي ویلي و، چې اسلام اباد ته د تحریک انصاف ګوند د کاروانونو په راتګ کې کومه ستونزه نه لري؛ خو د بې نظمۍ مخه به نیسي.
په اسلام اباد کې د پاکستان تحريک انصاف د لاریونونو په لړ کې د سري نګر په لويه لار د پولیسو په ګاډي ډزې شوې، چې په پایله کې یې څلور امنیتي سرتېري وژل شوي او پنځه نور ټپیان شوي وو.
د امنيتي سرچينو د معلوماتو له مخې، تر اوسه په دغو لاریونونو کې له سلو زيات پوليس ټپيان شوي.
ه بل پلوه بشرا بي بي وایي:« ځيني فرصت طلبه عناصر غواړي، چې موږ د ډي چوک پرځاى په بل ځاى کې اعتراض وکړو؛ خو عمران خان راته په هر صورت ډي چوک ته د تلو سپارښتنه کړې.»
د پاکستاني سرچينو له مخې، د خيبرپښتونخوا سر وزیر علي امين ګنډاپور د مذاکراتو په مسله کې په بشپړ توګه خاموشه پاتې شوى او د پي ټي ای سرپرست هم کومه پرېکړه نه ده کړې.
له بل پلوه د پاکستان د کورنیو چارو وزیر د یوه پولیس د وژنې په تور د پي ټي ای د مشرتابه پر ضد د مقدمې درج کولو خبر ورکړی دی.
هغه ویلي، چا چې د لاريون غږ اوچت کړ، چا چې خلک يې وربللي، هغوى به ټول تر عدالته راکاږي.
له بل پلوه د پاکستان لومړي وزیر د مظاهره کوونکو لهخوا د پوليس وژنه غندلې ده.
