برېتانیا د سوریې له نوي رژیم سره د ۵۰ میلیونه پونډ مرستې کوي
د برېتانیا د بهرنیو چارو وزیر له سوریې سره د پنځوس میلیونه پونډ بشردوستانه مرستو خبر ورکړ او ویې ویل، چې په سوریه یې کې له نوي رژیم سره ډیپلوماتیکه اړیکه نیولې ده.
د برېتانیا د بهرنیو چارو وزیر له سوریې سره د پنځوس میلیونه پونډ بشردوستانه مرستو خبر ورکړ او ویې ویل، چې په سوریه یې کې له نوي رژیم سره ډیپلوماتیکه اړیکه نیولې ده.
که څه هم ډېوېډ لمي تحریر شام یو ترهګریز سازمان ګڼي، خو زیاتوي چې برېتانیا کولی شي له دغې ډلې سره اړیکه ولري.
لمي همداراز زیاته کړه: «مونږ غواړو د یوه ټولګډونه حکومت شاهد واوسو. مونږ غواړو وګورو چې د کیمیاوي وسلو زېرمې اېمن شوي دي، استفاده شوي نه دي او غواړو ډاډ ترلاسه کړو، چې په دغه هېواد کې تاوتریخوالي پایته رسېدلي دي.»
د امریکا د بهرنیو چارو وزیر هم تېره ورځ وویل، چې له تحریر شام ډلې سره یې اړیکه نیولې ده.
دغه ډله چې د سوریې د مخکیني حکومت د مخالفانو د اېتلاف رهبري کوي، په دمشق کې واک په لاس کې لري.
دا په داسې حال کې ده، چې برېتانیا تېره اونۍ د ترهګرو له نوملړ څخه د تحریر شام ډلې د اېستلو د احتمال خبره کړې وه، ځکه اوسمهال له قانوني اړخه له دې ډلې سره د حکومت د همکارۍ امکان نه شته.
له دې سره، فرانسې هم د یکشنبې په ورځ اعلان وکړ، چې سوریې ته به د دوی یو ډیپلوماټیک پلاوی د تحریر شام ډلې سره د اړیکو د جوړولو په موخه ولېږي.
له دې ټولو سره - سره بیا ترکیې اعلان کړی، چې په سوریه کې به د حاکمې ډلې ځواکونو ته روزنه ورکړي.
د ترکیې د دفاع وزیر ویلي، چې د سوریې د نوي حکومت د غوښتنې په صورت کې به دغه هېواد له دوی سره مرستې وکړي.
