فلمي نړۍ: جکلین ته د سکېش لخوا د کرسمس حیرانوونکې ډالۍ
د میلیاردونو روپیو په اندازه د پیسو مینځلو په قضیه کې نیول شوي تورن سکېش چندر شېکر له زندان څخه د هندي سینما بالیووډ فلمي ستورې جکلین فرنانډیس ته یو ځل بیا لیک لیکلی.
د میلیاردونو روپیو په اندازه د پیسو مینځلو په قضیه کې نیول شوي تورن سکېش چندر شېکر له زندان څخه د هندي سینما بالیووډ فلمي ستورې جکلین فرنانډیس ته یو ځل بیا لیک لیکلی.
د هندي رسنیو د راپورونو له مخې، سکېش چندرشېکر د ۲۰۰ کروړه هندي روپیو د پیسو مینځلو په قضیه کې له ۲۰۱۵ کال راهیسې د هند په تهار زندان کې بندي دی، چې له هغه ځایه یې جکلین ته د یوه لیک ترڅنګ د کرسمس ډالۍ هم استولې ده.
سکېش دغه لیک د ډسمبر په ۲۵مه د کرسمس په مناسبت جکلین ته لیکلی، چې د ډېرو خلکو پام یې ځانته اړولی دی.
په لیک کې سکېش جکلین د "بي بي ګرل" په توګه مخاطب کړې او هغې ته یې د کرسمس مبارکي ویلې ده او دغه راز یې خواشيني څرګنده کړې، چې د کرسمس جشن له جکلین څخه جلا لمانځي.
د سکېش د لیک متن داسې دی،« جکلین ته، 'زما مینې! زه تا ته سږکال یوه ځانګړې ډالۍ لرم، نن زه تا ته د شرابو بوتل نه، بلکې د فرانسې په هېواد کې د انګورو باغ وړاندې کوم هغه ډالۍ چې تا هېڅکله په خوب کې هم نه دی لیدلی».
د هندي رسنیو په وینا، جکلین د سکېش د ټولو پخوانیو لیکونو په څېر دې لیک ته هم ځواب نه دی ویلی.
د يادونې وړ ده، چې تر دې وړاندې سکېش هم د خبريالانو له لارې اداکارې جکلین ته د ويلنټاين مبارکي ورکړې وه، چې د هندي رسنيو له مخې اداکاره جکلین فرنانډس له خپل ملګري چندر شېکر څخه د ګرانو سوغاتونو په اخيستلو تورنه ده.
د میلیاردونو روپیو په ارزښت درغلۍ او اختلاس جدي تورونه دي، چې تر څېړنې لاندې دي.