د ملګرو ملتونو د ماشومانو وجهي صندوق (یونېسف) په یوه راپور کې ۲۰۲۴ کال په جګړه ځپلو سیمو کې د ماشومانو لپاره تر ټولو بد کال بللی او لیکلي یې دي، چې د نړۍ پر ماشومانو د جګړو اغېزې ویجاړونکې کچې ته رسېدلې دي.
یونېسف په خپل راپور کې د هغو ماشومانو شمېر چې په نړۍ کې د جګړو له امله اغېزمن شوي او د ماشومانو له حقونو څخه د سرغړونې سره مخامخ کېږي بې ساری بللی او د وژل کېدو، ټپي کېدو، له زده کړو پاتې کېدو، د ژوند ژغورونکي واکسینونو نه شتوالی او سخته خوارځواکي د دوی د حقونو څخه د سرغړونې ځیني مثالونه یاد شوي.
د ملګرو ملتونو د ماشومانو وجهي صندوق د جمعې په ورځ (د زمري ۷ مه) لیکلي، چې اوسمهال په نړۍ کې له ۴۷۳ میلیونو څخه زیات ماشومان په جګړه ځپلو سیمو کې دي او له هرو شپږو ماشومانو څخه یو یې د جګړې له امله اغېزمن شوي دي.
د یونېسف موسسې د روان کال د غبرګولي په میاشت کې په یوه راپور کې دې ته په اشارې سره چې په ټوله نړۍ کې د ماشومانو په منځ کې خوراکي توکي او بېوزلي په یوه جدي ناورین بدل وی دی.
دغې موسسې جګړې په دې برخه کې یو له اغېزمنو عواملو یاد کړي دي.
یونېسف په خپل نوي راپور کې دې ته په اشارې سره چې په جګړه ځپلي چاپېریال کې د ښځو او نجونو پر وړاندې د جنسي تیري پراخ راپورونه خپاره شوي، لیکلي دي: «په هایټي کې سږ کال د ماشومانو پر وړاندې د جنسي تیري راپور شوي پیښې ۱۰۰۰ سلنه زیاتې شوي دي. "
راپور ټینګار کړی چې په دې حالت کې معلولیت لرونکي ماشومان هم په غیر متناسب ډول د تاوتریخوالي او د دوی له حقونو څخه سرغړونې سره مخ کېږي.
یونېسف اټکل کړی، چې په جګړه ځپلو هېوادونو کې تر ۵۲ میلیونه زیات ماشومان د غزې په تړانګه او د سوډان یوه مهمه برخه له څه باندې یوه کال راهیسې له ښوونځیو بهر دي.
په دې راپور کې دې ته اشاره شوې، چې د اوکراین، کانګو او سوریې په څېر هېوادونو کې ښوونځي زیانمن شوي، ویجاړ شوي او یا هم بدل شوي او له امله یې په میلیونونو ماشومان د زده کړو له حقه بې برخې پاتې شوي دي.
په دې سیمو کې د ماشومانو د زده کړې خراب وضعیت مخ په زیاتېدو دی."
د یونېسف مشرې کاټرین رسل وویل: "د ټولو اقداماتو له مخې ۲۰۲۴ کال د سازمان په تاریخ کې په جګړو کې د ماشومانو لپاره د ریکارډ ترټولو بدترین کال دی."
