د پاکستان د کرېکټ ملي لوبډلې پخوانی لوبډلمشر یونس خان د افغان کرېکټ ملي لوبډلې سلاکار روزونکی وټاکل شو. د افغانستان کرېکټ بورډ ویاند سید نسیم سادات وايي، کرېکټ بورډ یونس خان ته د چمپینز ټرافي لپاره دغه دنده سپارلې ده.
د هغه په وینا، یونس خان به د چمپینز ټرافي له پیله له افغان لوبډلې سره یوځای شي.
یونس خان تر دې وړاندې په ۲۰۲۲ کال کې د افغان لوبډلې د توپ وهنې روزونکی و.
تمه کېږي، چې د چمپینز ټرافي سیالۍ به د راتلونکې (فبرورۍ میاشتې په ۱۹مه نېټه) د پاکستان په کوربهتوب پیل شي.
خو یوازې د هندوستان لوبډلې سیالي به په متحده عربي اماراتو کې ترسره شي.
له دې وړاندې هم د راشد لطیف، کبیر خان، انضمامالحق، او عمرګل په شان د پاکستان پخواني لوبغاړي د افغانستان د کرېکټ ملي لوبډلې د روزونکو په توګه کار کړی دی.
په دغو سیالیو کې افغان ملي لوبډله په بي ګروپ کې له اسټرالیا، انګلنډ او سریلانکا سره لوبې لري.
