پاکستان: له نړۍوالې ټولنې مو غوښتي، چې په افغانستان کې د «ترهګرو» پټنځایونه له منځه یوسي

خو بیا ښاغلی ګنډاپور د خپلې وینا په بله برخه کې وايي، چې څومره ډېر «ترهګر» چې وژل کېږي، هومره ډېر نور له افغانستانه راځي.

پاکستان تل ادعا کړې ده، چې وسله‌وال د افغانستان له خاورې پر ډیورنډ کرښه پاکستان ته اوړي او بیا په دغه هېواد کې لوی، لوی بریدونه کوي.

د پاکستان حکومت وایي، چې طالبانو وسله‌والو ډلو ته په خپله خاوره کې پټنځایونه او روزنیز مرکزونه ورکړي دي.

خو دا هغه اداعاوې دي، چې طالبانو په وار، وار رد کړې دي.

علي امین ګنډاپور وړاندې په دغه بیان کې ویلي: «د اټکل له مخې، شاوخوا ۹۵۰۰ څخه تر ۱۱۵۰۰ پورې وسله‌وال زموږ سیمې ته راغلي دي؛ په داسې حال کې چې په ډیورنډ کرښه او نور شاوخوا سیمو کې بیا ۲۲۵۰۰ وسله‌وال حضور لري. که خلک زموږ سره وي او نیتونه مو روښانه وي، موږ به ورسره مبارزه وکړو.»
د پښتونخوا سر وزیر په نېوکې سره وایي، چې د ملي امنیت کمېټې غونډه د کیفیت له اړخه کمه او د پریزنټیشنونو په برخه کې غښتلې وه.
د هغه په وینا، که ترهګري د پریزنټیشنونو او اعلامیو له لارې ختمېده؛ نو دا کار به تر اوسه پورې شوی وای.
هغه زیاته کړې، چې د ملي امنیت کمیټې په غونډه کې د تحریک انصاف د بنسټ اېښودونکي په اړه هیڅ بحث نه دی شوی او د حالاتو د سمون لپاره باید عمران خان خوشې شي.

تر دې وړاندې د افغانستان لپاره د امریکا پخواني ځانګړي استازي زلمي خلیلزاد هم ویلي و، چې پاکستان د پرځېدو له ګواښ سره مخ دی او د سقوط د مخنیوي لپاره باید عمران خان بېرته له بنده خوشې شي.

له فنلینډ وروسته، ډنمارک، ایسلینډ، سویډن او هالنډ په ترتیب سره د نړۍ تر ټولو خوشحاله هیوادونو په توګه له دویم څخه تر پنځم مقام پورې ځای لري.

افغانستان، چې ۱۴۷م ځای لري، ورپسې سیرالیون چې ۱۴۶م ځای لري، لبنان په ۱۴۵م ځای، مالاوي چې ۱۴۴م مقام لري، او زیمبابوې بیا ۱۴۳م مقام لري، د لیست په پای کې دي او د نړۍ تر ټولو غمجنو هیوادونو په توګه پیژندل شوي دي.

د سږ کال د خوښۍ په راپور کې امریکا هم د تیر کال پرتله یو ځای ښکته شوې ده، او په ۲۴م ځای کې ده.

برېتانیا له ۲۰۱۸ کال راهیسې د خوښۍ تر ټولو ټیټې درجې ته رسېدلې ده، چې په ۲۳م ځای کې راغلې ده. کاناډا د خوښۍ په راپور کې د ۲۰ غوره هېوادونو په ډله کې پاتې ده، چې ۱۸م ځای لري.

دغه راپور د ګیلپ، د اکسفورډ روغتیا مطالعاتو مرکز، د ملګرو ملتونو د دوامداره پراختیا حل لارې شبکې او د خوښۍ کلني راپور نړیوالې ادارې د بورډ په همکارۍ چمتو شوی دی.

نوموړي د نوي لمریز کال په مناسبت پر اېکس پاڼه کاږلي، تاریخ مخ پر وړاندې روان دی او یوازې هغه ولسونه ورسره هم‌ګامه روان دي، چې په سمه لاره د تاریخ سم ګام اخلي.
د هغه په وینا، د کابل او کندهار واکمنان د تاریخ د بهیر خلاف ناسم اړخ ته ولاړ دي.
نوموړي په خپل یادښت کې د ښځو یادونه هم کړې ده؛ د هغه په وینا ښځې، چې د بشري تمدن د ودې او پرمختګ یوه نه بېلېدونکې برخه ده؛ له حذفېدو سره مخ شوې او د تاریخ له کرښو څنډې ته شوې دي.

د نجونو پر وړاندې د زده‌کړو، پرمختګ او وړتیاوو دروازې تړل شوې دي، چې دا یو غیر انساني او د اسلامي ارزښتونو خلاف کړنه ده، چې جبران به یې عمرونه وخت ونیسي.
د هغه په وینا، هلکان هم د باکیفیته زده‌کړو او مهارتونو د لاسرسي په برخه کې محروم شوي دي او د زده‌کړو ترلاسه کول ورته خورا سخت شوي دي.
هغه ادعا کړې، چې طالبانو له دولتي بنسټونو څخه کارپوه او وړ کسان ګوښه کړي او د دوی پر ځای یې داسې کسان ګومارلي چې د پوهې کچه یې کمزورې ده.
نوموړي دا رنګه د طالبانو له‌خوا د لوړو مالیو، د ځمکو غصب، د کانونو لوټل، د خلکو شخصي شتمنۍ لوټل، د ملي سرتېرو د وسلو پلور، په عام محضر کې د خلکو وهل ډبول، هدفي وژنې، پراخه ربړونې، ناقانونه نیونې، تېری، فساد او د بشري حقونو او ازادیو پر سختو محدودیتونو یې نیوکه کړې او یلي یې دي، چې دا اوس د اوسنیو واکمنانو په ورځني سیاست بدل شوی دی.

طالبانو د درېیو کلونو په تېرېدو لا هم د ښوونځي د نجونو او ښځو پر زده‌کړو بندیزونه لګولي او د هلکانو د ښوونځیو کیفیت هم په نشته حساب دی.

دغې ډلې دا مهال یوازې دیني مدرسو ته پاملرنه زیاته کړې.

مفتي شاکر د روانې کب میاشتې په ۲۵مه پېښور کې خپل کورته څېرمه په یوه بمي چاودنه کې ووژل شو.

د مفتي شاکر زوی عبدالله شاکر د هغه تر وژنې یوه ورځ وروسته چې جنازه یې لا خاورو ته نه وه سپارلې ویلي وو، چې تر هغه وخته د خپل پلار د جنازې لمونځ نه ادا کوي، چې د پاکستان لومړی وزیر، د صوبې وزیر اعلی او د پولیسو قوماندان یې د پلار د مرګ په اړه ځواب نه وي ورکړی.

د پاکستان حکومت لا د مفتي شاکر د وژلو په اړه څه نه دي ویلي، او نه هم په پاکستان د دا ډول وژنو د سپیناوي په اړه حکومت اقدام کوي.

عبدالله شاکر وايي، چې د ده د پلار پلویانو ورته ویلي، چې که حکومت یې د پلار په وژلو کې ښکېل کسان نه ور په ګوته کوي، نو باید بله پرېکړه وکړي، چې مسوولیت به یې بیا د پاکستان حکومت او پوځ پر غاړه وي.

خو عبدالله شاکر دا نه دي ویلي، چې د دوی بله پرېکړه به څه وي.

هغه په بیا بیا ویلي و، چې پولیسو ته یې د مفتي شاکر د ژوند د ګواښ په اړه معلومات ورکړي و، خو پولیسو ورته هېڅ امنیتي تدابیر ونه نیول.

عبدالله شاکر تر دې وړاندې د پاکستان لومړی وزیر د خپل پلار د مرګ لامل بللی و او ویلي و: «لومړی وزیر تا ته وایم، وزیر اعلی تاته وایم او د پوځ مشره تاته وایم، دا خبره په ګپ کې تېره نه کړې زما پلار تاسو شهید کړی، که تاسو ورته لایسنس ورکړی وای، تاسو ورته سیکیوریټي ورکړی وای نن به دا حال نه و.»

عبدالله شاکر زیاتوي، چې پولیسو یې لایسنس ځنډولی و او د هغه لاسونه یې ورتړلي و.

عبدالله شاکر همداراز ویلي و، چې دوی د مفتي شاکر د امنیت په نه ټینګولو غوښتل چې هغه ومري.

د پښتونخوا مشهور دیني عالم مفتي منیر شاکر د کب مساشتې په ۲۵مه د مازدیګر لمانځه لپاره جومات ته روان و، چې چاودنه پرې وشوه، لومړی ټپي شو او بیا په روغتون کې د درملني پرمهال مړ شو.

مفتي منیر شاکر په وروستیو کې ویلي و، چې پاکستاني امنیتي ادارو ورته ویلي، چې ژوند یې له ګواښ سره مخ دی او د خپل ځان د ساتلو لپاره دې تدابیر ونیسي.

نوموړي د پاکستان پر امنیتي ادارو هم نیوکې کړې وې، چې د ده د امنیت په برخه مرسته نه کوي.

تر اوسه پورې کومې وسله والې ډلې د مفتي منیر شاکر د وژلو مسوولیت پر غاړه نه دی اخیستی.

زرداري د چهارشنبې په ورځ د یو ورځېني سفر لپاره کویټې ته ورسېد او هلته یې د امن او ثبات د وضعیت پر سر د یوې مهمې غونډې مشري وکړه.

نوموړي په دغه سفر کې د بلوچستان د پارلماني ګوندونو له غړو سره هم لیدلي دي.

په کویټه کې د زرداري په مشرۍ د امنيتي وضعيت په اړه مهمه غونډه وشوه، چې د پاکستان پیپلز ګوند مشر بلاول بوټو زرداري هم په کې ګډون وکړ.
په غونډه کې د بلوچستان وزیر اعلیٰ سرفراز بګټي ګډونوالو ته ځانګړې معلومات ورکړ.
زرداري وویل: “موږ به د ترهګرو عناصرو ته په هره بیه ماته ورکوو. ترهګر هڅه کوي چې ملت تقسیم کړي، خو وضعیت روښانه دی، ریاست به پاتې کېږي او موږ به د ترهګرۍ پر ضد جګړه ګټو.”
علي زرداري زیاته کړه: «د ترهګرۍ ضد څانګې ته به پرمختللې وسلې چمتو کړو. بلوچستان زموږ زړه ته نږدې دی، موږ د دې ولایت پرمختګ او دوامداره سوله غواړو.»
هغه دا هم وویل، چې دی غواړي د بلوچستان هر ماشوم په ښوونځي کې وویني او د عصري ټېکنالوژۍ سره د ماشومانو اشنا کول د وخت اړتیا ده.
د بلوچستان د پارلماني ګوندونو غړو سره په لیدنه کې زرداري وویل: “زموږ اقدامات به د بلوچستان په تاریخ کې د سرو زرو په تورو ولیکل شي.”
‎تر دې مخکې، په پاکستان کې د تاوتریخوالي د زیاتوالي او د بلوچستان په یوه اورګاډي کې د یرغمل نیولو له پېښې وروسته، پاکستاني چارواکو د جرمني خبري اژانس ډي پي اې ته وویل، چې پاکستان په پام کې لري، څو په افغانستان کې د وسله والو پټنځایونه په نښه کړي.
‎د پاکستان د استخباراتو یوه چارواکي دغه خبري اژانس ته وویل: "موږ به جګړه د هغو کسانو دروازې ته یوسو چې په پاکستان کې د تاوتریخوالي تر شا دي."
پاکستاني چارواکو په وار - وار ویلي، چې طالبانو په افغانستان کې د پاکستان وسله والو مخالفینو ته پناه ورکړې او دوی له افغانستان څخه په پاکستان کې بریدونه کوي.
‎طالبانو بیا تل د پاکستاني چارواکو دا ادعاوې رد کړې دي.
تېره ورځ د پاکستان دفاع وزیر خواجه اصف په افغانستان کې د ترهګرو موجودیت ته په اشارې سره وویل: «ترهګر چې هر هېواد کې وي او د پاکستان امنیت ګواښي، ورپسې ورځو.» خواجه اصف له پاکستاني رسنۍ جیو‌نیوز سره په مرکه کې وویل، چې طالبان د ټي ټي پي وسله والې ډلې ملاتړ کوي.