انځوریز راپور؛ د کابل نوروز، د طالبانو بندیزونه او د خلکو محدود نمانځل
نوروز چې د افغانستان په ګډون په یو شمېر اسیایي هېوادونو کې قومي او کلتوري دود بلل کېږي، له نږدې څلورو کلونو راهیسې د طالبانو له بندیزونو سره مخ دی.
نوروز چې د افغانستان په ګډون په یو شمېر اسیایي هېوادونو کې قومي او کلتوري دود بلل کېږي، له نږدې څلورو کلونو راهیسې د طالبانو له بندیزونو سره مخ دی.
نوروز د طالبانو له واکمنۍ وړاندې په تېرو وختونو کې د بلخ په مزار شریف او د کابل په کارته سخي کې په ځانګړو مراسمو سره نمانځل کېده، خو پر افغانستان د طالبانو له بیا واکمنېدو وروسته پکې دغه ورځ نه ده نمانځل شوې.
دغه انځورونه د کابل له بېلابېلو برخو لکه کوته سنګي، منډه یي، کارته سخي او شهرنو څخه اخیستل شوي دي.
د هفت مېوې لپاره د وچې مېوې پلورونکي په خپل خرڅلاو اخته دي، ښځې د کورونو په پاکولو بوختې دي، ځيني خلک نوې جامې جوړوي او اخوا بیا طالبان کارته سخي زیارت ته د خلکو د تلو مخه نیسي.
دا د کارته سخي زیارت دی، چې هره غځېدلې لار د طالبانو له خوا بنده شوې.
دا په کارته سخي کې هغه جنډه چې هر کال پکې پورته کېده، خو سږکال یې مخه نیول شوې.
دا د شهرنو (نوي ښار) سیمې هغه کور دی، چې ښکاري د نوي کال چمتوالی یې نیولی دی.
دا د کوټې سنګي سیمه ده، چې د سړک پر سر وچه مېوه پکې خرڅېږي.
دا انځور د دارلامان له سیمې څخه هغې کورنۍ افغانستان انټرنشنل - پښتو ته استولی، چې نوی کال یې نمانځلی دی.
دا له دردونو سره مل انځور دی، چې د دغه ښوونځي یوې زدهکوونکې استولی او وایي، چې سږکال بیا هم د دوی د زدهکړو برخلیک روښانه نه شو.
دا انځور هم هغې ښځې را استولی چې د نوي کال لپاره جامې جوړوي.
