طالبانو او قزاقستان د سوداګرۍ او پانګونې په برخه کې ۲۰ هوکړه‌لیکونه لاسلیک کړل

د جرمني ډي پي اې اژانس د سې شنبې په ورځ د دغه هېواد د امنیتي سرچینو په حواله خبر ورکړ، چې د چارشنبې ورځې پلان شوې الوتنې په اړه تر اوسه اړندو ادارو معلومات نه دي ور کړي، نو تمه نه کیږي، چې دغه الوتنه دې ترسره شي.

جرمني رسنیو تېره اونۍ رپوټ ورکړی و، چې د بهرنیو چارو وزارت د اپرېل میاشتې تر پایه له اسلام اباده دوه نورې الوتنې تنظیم کړې، چې د رسمي ژمنپاڼو درلودونکي افغانان برلین ته و لیږدوي.

په ورته وخت کې بیلډ ورځپاڼې هم رپوټ ورکړی، چې الوتنې په لنډمهالي ډول ځنډول شوې دي.

په جرمني کې د افغانانو پر انتقال نیوکې په دې وروستیو کې ډېرې شوې او د ټاکنو ګټونکي ګوند سي ډي یو له خپل ایتلافي ګوند اېس پي ډي سره په هوکړه لیک کې دې ته اشاره کړې، چې د منلو پروګرامونه به تر ممکنه حده محدودیږي او نوي پروګرامونه به نه پیلوي.

تېره چارشنبه د لایپزیګ په هوايي ډګر کې یوه الوتکه راکوزه شوې وه چې ۱۳۸ افغانان یې جرمني ته ولېږدول.

تر دې مخکې، د همدغه کال په اوږدو کې څو ورته الوتنې شوې دي، چې ټولټال پکې۴۶۱ کسان جرمني ته لیږدول شوي دي.

د جرمني د بهرنیو چارو وزارت د معلوماتو له مخې، شاوخوا ۲۶۰۰ له خطر سره مخ افغانان لا هم په پاکستان کې جرمني ته د انتقال په تمه دي.

د جرمني د زرغون ګوند استازې شاهینه ګمبیر ویلي چې په پاکستان کې پر افغان کډوالو د اسلام اباد فشارونو ته په کتو اوس تر هر وخت مهمه ده چې د جرمني د ژمنپاڼو لرونکي افغانان زر برلین ته ولېږدول شي.

د افغانستان خبريالانو مرکز د سې شنبې په ورځ په یوه خبرپاڼه کې ویلي، چې طالبانو په بامیان کې د یوه مکتوب له لارې د ساکښو د انځورونو په اخیستلو او خپرولو بندیز ولګاوه.

مرکز اندېښنه ښودلې، چې پر رسنيو د طالبانو ورته بندیز د خبر رسونې، بیان ازادۍ او معلوماتو ته د خلکو د لاسرسي بهير ستونزمنوي.

دغه بندیز د طالبانو د بامیان والي عبدالله سرحدي ابلاغ کړی او د طالبانو امربالمعروف اداره یې عملي کوي.

په مکتوب کې ځايي ادارو ته امر شوی: «له دې وروسته له خپلو پروګرامونو او ناستو څخه انځورونه وانخلئ او هېچا ته هم د دې کار اجازه ورنه کړئ. له دې حکم څخه د سرغړونې په صورت کې به له سرغړوونکو سره قانوني چلند وشي.»

په بامیان کې د طالبانو تر واک لاندي د ملي راډيو ټلویزیون او باختر اژانس ترڅنګ بامیان او نسیم خصوصي راډيوګانې فعالې دي.

د افغان خبریالانو مرکز زياتوي، چې واک ته د طالبانو له رسېدو وروسته د دغې ډلې د امربالمعروف قانون له جوړېدو وروسته دوی په ۱۵ ولایتونو کې د ساکښو د انځورونو پر اخیستلو بندیز لګولی.

طالبان د امربالمعروف د قانون پر عملي کولو ټينګار کوي

د خبریالانو مرکز له طالبانو غوښتي، چې پر لګېدلو بندیزونو له سره غور وکړي او له خپلو سختو پرېکړو تېر شي.

په سیمه کې د پولیسو یوه جګپوړي چارواکي د نوم نه ښودلو په شرط فرانس پریس خبري اژانس ته وویل چې بریدګرو په پیلګام سیمه کې سیلانیان په نښه کړي او دا سیمه له مرکز سرینګر څخه ۹۰ کېلو میتره فاصله لري.

د ګرځندوی ادارې یوه لارښود وویل چې هغه د ډزو له اوریدو وروسته د پیښې ځای ته ورسید او یو شمیر ټپیان په اسونو ولېږدول شول.

وحيد وويل:«ما يو څو سړي پر ځمکه پراته وليدل، داسې ښکارېدل، چې مړه دي.»

تر اوسه کومې کشمیرۍ ډلې د دغه برید پړه پر غاړه نه ده اخیستې خو نوی ډیلی په دغسې پېښو کې ډېری پاکستان میشتې ترهګرې ډلې ښکیلې ګڼي.

د کشمیر مقاومت په نامه یوې ډلې په ټولنیزو شبکو کې ددغه برید مسوولیت پرغاړه اخېستی.

دا وسله وال برید داسې مهال کیږي، چې د هند لومړی وزیر د سعودي عربستان به سفر بوخت دی او د امریکا د ولسمشر مرستیال جې ډي وېنس نوي ډيلي ته په څلور ورځني سفر تللی دی.

د اتریش د نړیوالو چارو انسټیټیوټ رییس او د ویانا غونډې کوربه له افغانستان انټرنشنل سره په ځانګړې مرکه کې له طالبانو سره د مخالفو سیاسي ګوندونو او شخصیتونو پر ژمنتیا ټینګار وکړ او ویې ویل چې د افغانستان په اړه په پرېکړو کې باید افغانان ونډه ولري.

پیتریش د طالبانو د اپوزیسیون پر استازو او مشرانو غږ کړی، چې ویانا ته سفر وکړي او په غونډو کې برخه واخلي.

هغه وویل:« موږ له ۲۰۲۳ کال راهیسې د لارې نقشه باندې بحث کوو، یو قوي پلان باید د برخه اخیستونکو له خوا په چټکۍ سره رامینځته شي».

پیتریش د ویانا د غونډې د اهدافو په اړه خبرې وکړې او ویې ویل چې د دې غونډې وروستۍ هدف له طالبانو سره اړیکه نیول او د خبرو په پیلولو کې د دې ډلې شاملول دي.

هغه وويل:«طالبان د افغانستان حقيقت دى.زموږ هدف د جګړې جوړول نه دي. افغانستان بې شمېره جنګونه تجربه کړي دي. موږ باید له طالبانو سره د خبرو د پیل لپاره یوه لاره ولټوو. لومړني تماسونه باید جوړ شي.»

نوموړي همداراز پر طالبانو د امریکا، اروپايي ټولنې او د سیمې د سترو قدرتونو د فشار پر اړتیا هم ټینګار وکړ، څو دغه ډله له خپلو مخالفینو سره خبرو ته وهڅوي.

د اتریش د نړیوالو چارو د انسټیټیوټ مشر وویل چې د طالبانو په منځ کې منځلاري کسان شته چې ټاکنو ته حاضر شي.

هغه دا هم وویل: «زموږ تر ټولو مهم هدف دا دی، چې بین الافغاني مذاکرات په مثبت او د کار وړ حل لارې بدل کړو.د دوحې د هوکړې له مخې، طالبانو ژمنه کړې چې په افغانستان کې له ټولو غیر طالب یا طالب ضد ځواکونو سره خبرو ته کښېني.»

د ویانا پروسه د پخواني افغان حکومت له نسکورېدو وروسته د مهمې ناستې په توګه مطرح شوې،چې د طالب ضد سیاسي او پوځي خوځښتونو په ګډون جوړېږي.

د دې غونډې پنځم کنفرانس د تېر کال په فبرورۍ میاشت کې د اتریش په پلازمېنه کې د ملي مقاومت جبهې مشر احمد مسعود، ازادۍ جبهې مشر یاسین ضیا او د افغانستان د ملي امنیت د پخواني سلاکار رنګین دادفر سپنتا په حضور کې جوړ شو.

په پنجشېر کې د طالبانو د کانونو او پټرولیم رياست مسوولینو د سې شنبې په ورځ ویلي، چې په دغه ولایت کې د زمرد کان ۲۱ نوې سېمې رامنځ ته شوې او د زمردو کان کېندنه پکې پیل شوې ده.

د دغې ادارې د معلوماتو له مخې، په پنجشېر ولایت کې د زمردو په کان کېندنه کې دا مهال په زرګونو ځوانان په کار بوخت دي.

دوی ویلي، چې تر اوسه په پنجشېر کې د زمرد د کانونو د استخراج او کان کېندنې په برخه کې ۶۰۰ شرکتونه رسمي جوازونه لري او په کارونو بوخت دي.

دغه اداره نژدې هره اونۍ د زمردو د پلور خبر ورکوي.

همدا تېره اونۍ په پنجشېر کې د طالبانو د کانونو او پټرولیم ریاست ويلي و، چې د دغه ولایت له کانونو کېندل شوي ۱۵ زره او ۵۵۲ قیراطه زمرد یې د ۳۲۸ زره او ۹۵۰ ډالرو په ارزښت پلورلي دي.

تر ډېره پر طالبانو نیوکې کېږي چې، دغه کانونه په نامسلکي توګه راباسي چې تر ډېره د کانونو اصلي زېرمو ته زیان اړوي.

پر دې ډلې تور دی، چې د افغانستان د کاني زېرمو په اېستلو کې پراخ فساد کوي.