هند د پاکستان لپاره خپل هوايي حریم وتاړه

د پهلګام له برید وروسته هند په یوه تازه اقدام کې د پاکستان لپاره خپل هوايي حریم وتاړه. تر دې څو ورځې وړاندې پاکستان هم د هندي الوتکو لپاره خپل هوايي حریم تړلی و.

د پاکستان تر دغې پرېکړې وروسته له شمالي هند څخه لویدیځ ته د نړۍوالو الوتنو لپاره اوږد واټن هم خلکو ته سرخوږی جوړ کړی او ځیني شرکتونه د الوتکو لپاره د سون توکو د لوړ لګښت ستونزو سره مخ دي.