عبدالسلام ضعیف: پنجاب پښتانه د جهاد په نامه له هند سره جګړې ته هڅوي
په اسلام اباد کې د طالبانو د تېرې دورې سفیر عبدالسلام ضعیف وایي، پنجاب پښتانه د جهاد په نامه د هند پر وړاندې جګړې ته هڅوي؛ خو «دوی باید ځانونه او اولادونه له دې لوبې وباسي.»
په اسلام اباد کې د طالبانو د تېرې دورې سفیر عبدالسلام ضعیف وایي، پنجاب پښتانه د جهاد په نامه د هند پر وړاندې جګړې ته هڅوي؛ خو «دوی باید ځانونه او اولادونه له دې لوبې وباسي.»
نوموړي پر اېکس پاڼه په پاکستان د هند برید ته په اشارې سره لیکلي، چې دا د هندوانو او پنجابیانو ترمنځ یوه سیاسي جګړه ده؛ کوم مذهبي اړخ نهلري او باید پښتانه ترې ځان لرې وساتي.
تر دې وړاندې د پښتونخوا ځینو سیاستوالو او مشرانو هم د پاکستان حکومت د تمې خلاف ویلي و، چې په دغه جګړه کې دې پنجابیان مخکې شي.
د پاکستان د پارلمان غړي شېرافضل خان مروت په یوې مرکه کې ویلي و، چې د پښتونخوا پښتانه نور د پاکستان لپاره د هندوستان خلاف نه جنګېږي او دا ځل باید د پنجاب په ګډون د سند ایالت اوسېدونکي دا دنده ترسره کړي.
د پښتون ژغورنې غوځنګ مشر منظور احمد پښتین هم ویلي و، چې پښتانه یوازې د خپل وطن له پاره ولاړ دي.
نوموړي زیاته کړې وه، چې نور پښتانه د پښتنو په وینو کاروبار کوونکو پنجابي جرنیلانو او د هغوی په وطنونو کې د جنګونو سره نه درېږي.
