د "اېکس" ټولنیزه شبکه له تېرې اونۍ راهیسې دا دویم ځل دی چې له فعالیته لوېږي

د انټرنټ څارنې نړیوالې ادارې «نت بلاکس» راپور ورکړی، چې د اېکس ټولنیزې شبکې فعالیتونه د شنبې په ورخ (د غبرګولي درېیمه) له تېرې اونۍ راهیسي د دویم ځل لپاره له فعالیته ولویدل.

د «نت بلاکس» په وینا، دغه تخنیکي ستونزه له هېوادونو سره د انټرنېټ د فلټرېنګ یا بندېدو سره هېڅ تړاو نه لري، بلکې دا یوه نړیواله تخنیکي ستونزه بلل شوې ده.

کاروونکو په بېلابېلو هېوادونو کې دغې شبکې ته نه لاسرسی تجربه کړی دی. تر اوسه د اېکس شبکې له‌خوا د ستونزې د دقیق علت او د حل لارې په اړه رسمي څرګندونې نه دي شوې.