د انګلستان په لېورپول کې د فوټبال اتلولۍ پر نمانځونکو د پېښې د ټپیانو شمېر ۵۰ تنو ورسېد

د انګلستان په لېورپول سیمه کې د فوټبال اتلولۍ په نمانځونکو باندې د موټر خېژولو د پېښې د ټپیانو شمېر ۵۰ تنو ته لوړ شوی. د لېورپول ښار پولیسو ویلي، چې د ټپي شویو کسانو څخه یې ۲۷ تنه روغتون ته لېږدولي، چې د دوه تنو روغتیایي حالت د اندېښنې وړ دی.

د نیویارک تایمز د راپور له مخې، پېښه هغه مهال رامنځته شوه، چې د لیورپول په ښار کې د فوټبال اتلولۍ د نمانځونکو په ګڼه ګوڼه باندې یوه ۵۳ کلن سپین پوستي برېتانیایي سړي موټر وخیژاوه.

د پولیسو یوه چارواکي زیاته کړې، «دا یوه بده پېښه ده، زه باور نه لرم چې د ترهګرۍ سره دې کوم تړاو ولري.»