سوریې او کویټ د دوهاړخیزو اړیکو پر پیاوړتیا ټینګار وکړ
د سوریې ولسمشر احمد الشرع کویټ ته د یو رسمي سفر په ترڅ کې د دغه هېواد له امیر شېخ مشعل الاحمد الجابر الصباح سره کتنه کې د سوریې او کویټ د دوهاړخیزو اړیکو پر پیاوړتیا ټینګار وکړ.
د سوریې د دولتي خبري اژانس سنا د راپور له مخې، دواړو لوریو د یکشبنې په ورځ (د غبرګولي ۱۱مه) سره کتلي او په دې کتنه کې د سوریې د وحدت او حاکمیت ملاتړ مهم بلل شوی دی.
دا کویټ ته د سوریې د ولسمشر لومړنی سفر دی.