د ایران د بهرنیو چارو وزیر عباس عراقچي مصر ته ولاړ

ایراني رسنیو راپور ورکړی، چې د ایران د بهرنیو چارو وزیر عباس عراقچي مصر ته تللی دی. د راپورونو له مخې، ټاکل شوې چې نوموړی په دې سفر کې د مصر له ولسمشر عبدالفتاح السیسي او د دې هېواد د بهرنیو چارو له وزیر بدر عبدالعاطي سره وګوري.

ویل کېږي، چې عراقچي به تر دې وروسته لبنان ته هم ولاړ شي.
د دې سفرونو موخه دوه اړخیزې اړیکې او د سیمې پر وضعیت خبرې اترې بلل شوې دي.