زلمی خلیلزاد پاکستانیانو ته د اختر په مبارکۍ کې؛ په پاکستان کې ملي پخلاینې ته اړتیا ده
د طالبانو خواخوږي او افغانستان په چارو کې د امریکا پخواني استازي زلمي خلیلزاد د پاکستان ولس ته د لوی اختر د مبارکۍ ویلو ترڅنک ټینګار کړی چې دغه هېواد ملي پخلایني ته اړتیا لري.
نوموړي امریکايي-افغان ډېپلوماټ د شنبې سهار (جون ۷مه) یو وار بیا د پاکستان له واکه ګوښه شوي او بندي لومړي وزیر، د تحریک پاکستان بنست اېښودونکي عمران خان د خوشېکېدو غوښتنه کړې ده.
خلیلزاد پر خپلې اېکسپاڼې لیکلي دي: «عمران خان او ټولو پاکستانیانو ته دې اختر مبارک وي. پاکستان ملي پخلاینې ته اړتیا لري. د عمران خان خوشېکول یو اړین لومړنی ګام دی. اختر مبارکي او نیکې هیلې.»
د پاکستان مخکېنی لومړی وزیر عمران خان دا مهال په زندان کې دی او د هغه د خوشېکېدو موضوع په دغه هېواد او نړۍواله کچه د سیاسي بحثونو یوه ګرمه موضوع ګرځېدلې ده.
یاده دې وي چې نن شنبه په پاکستان او افغانستان کې د لوی اختر لومړۍ ورځ ده خو په سعودي عربستان او زیات شمیر نور اسلامي هېوادونو کې د جمعې ورځ د لوی اختر لومړۍ ورځ وه.