عراقچي: پر تهران برید د امریکا او ایران ترمنځ اټومي خبرې اترې سبوتاژ کړي دي

نتنیاهو په یوه انلاین خبري کنفرانس کې وویل، تر دې دمه د ایران لس لوړپوړي اټومي ساینسپوهان وژل شوي او ګڼې سنټرفیوژ جوړوونکې فابریکې ویجاړې شوې دي.

نوموړي زیاته کړه، چې د نطنز یورانیم غني کوونکي مرکز ته "شدید زیان" رسول شوی او نور اټومي هدفونه هم په منظم ډول له منځه وړل کېږي.

د ده په وینا، اسراییلي ځواکونو سلګونه بالیستیک توغندي، تولیدي فابریکې، توغندي توغوونکي، درې ایراني جنرالان او د ایران د هوايي دفاع شبکه "یوه په بله پسې" له منځه وړې ده.

نتنیاهو وویل: «موږ د تهران فضا تر کنټرول لاندې راوستې، د هوا له لارې مو ځان ته لاره خلاصه کړې او د غرب ایران دفاعي سیستم مو له منځه وړی دی.»
هغه ادعا وکړه، چې د ایران نیمایي بې‌پیلوټه الوتکې (UAVs) هم تباه شوي، مهم رادارونه، د حکومت ټلوېزیون، نظامي قرارګاوې او نور ستر حکومتي اهداف مو په نښه کړي دي.

نتنیاهو زیاته کړه: «موږ خلک تخلیه کوو او خلک سیمه پرېږدي. موږ د بریا پر لور روان یو او ایران هم دا درک کړې ده.»

د ایران دولتي ټلوېزیون ویلي، دغه خبرداری د اسراییل له خوا د ایران د دولتي خپرندویې ادارې پر ودانۍ د "دوښمنانه" برید په غبرګون کې ورکړل شوی.

په راپور کې راغلي، چې ایران د اسراییلي N12 او N14 چینلونو ته د تخلیې امر کړی.

دا پرمختګ د دواړو لوریو تر منځ د رسنیز او پوځي فشار یوه نوې څپه بلل کېږي.

جانسن ویلي، د اسراییلي پارلمان (کنسټ) له مشر امیر اوهانا سره په ګډه پرېکړه شوې چې ځانګړې پارلماني غونډه وځنډول شي.

هغه زیاته کړې: «موږ هیله لرو چې دا غونډه ژر بېرته تنظیم کړو او د اسراییل او منځني ختیځ د خلکو لپاره دعا کوو.»

دا پرېکړه په داسې وخت کې شوې، چې د دواړو هېوادونو ترمنځ نظامي او سیاسي ترینګلتیا لوړه شوې ده.

تر اوسه ددغه کنفرانس جزیات رسنیز شوي نه دي.

په پام کې ده، چې نتنیاهو به په دې کنفرانس کې د اوسني امنیتي وضعیت په اړه خبرې وکړي او د اسراییل د اقداماتو په اړه به توضیحات وړاندې کړي.

دا کنفرانس د سیمې د ترینګلتیا په یوه حساس پړاو کې ترسره کېږي.

د امریکا د بهرنیو چارو وزارت د یوې خبرپاڼې په خپرولو سره خپلو وګړو ته خبرداری ورکړی، چې په اسراییل کې د ناسم امنیتي وضعیت له امله دې محتاط پاتې شي او د خپل امنیتي پوهاوي د زیاتوالي لپاره مناسب ګامونه پورته کړي.

په خبرپانه کې امریکایانو ته دا هم ویل شوي، چې "په هېڅ دلیل" اشغال شوې لوېدیځې غاړې او غزې ته سفر ونه کړي.

همدا راز ویل شوي، چې د لبنان او سوریې سره د پولو په څلور کیلومترۍ (2.5 میله) کې د شمالي اسراییلو سیمو ته له ورتګ څخه ډډه وکړي.