اصف علي زرداري د پاکستان د ملي ورځې مراسم لغوه کړل
د پاکستان ولسمشر اصف علي زرداري سږکال د پاکستان د ملي ورځې په مناسبت د ټولو پوځي مراسمو او غونډو د لغوه کولو امر کړی دی.
د پاکستان ولسمشر اصف علي زرداري پر خپلې اېکسپاڼې لیکلي، چې د پاکستان د لومړي وزیر په مشوره یې په منځني ختیځ کې د تېلو د کړکېچ او په پاکستان کې د تېلو د سپما د اقداماتو په پام کې نیولو سره د ۲۰۲۶ کال د پاکستان د ملي ورځې ټول مراسم او غونډې لغوه کړې.
تمه وه، چې د پاکستان ملي ورځ د مارچ په ۲۳مه ترسره شي، خو زرداري ویلي چې په پاکستان کې د تېلو د کمښت له امله دا مراسم د اپرېل تر ۲۸مې نیټې ځنډول شوې دي.
دا په داسې حال کې ده، چې پر ایران د امریکا او اسراییل له ګډو بریدونو وروسته د نړۍ ګڼو هېوادونو ته د تېل لېږد ټکنی شوی دی او د پاکستان حکومت په دغه هېواد کې د تېلو د کمښت له امله د سپما برنامې پیل کړي دي او ان د ځینو دولتي ادارو کاري ورځې راکمې کړې دي.
