په البرز او اصفهان کې د بې‌پیلوټه الوتکو او بم جوړولو کارخونې کشف شوې

ګودرزي چې د ایران له دولتي تلویزیون سره یې خبرې کولې، وویل، « په سرحدونو کې د وضعیت په اړه د ځینو شایعاتو خپرېدل د دښمن رواني جګړه او تبلیغاتي سناریو ده».

نوموړي د ایران د پولو په اوږدو کې د وسله‌والو ډلو د خوځښتونو په اړه خبرداری ورکړ او زیاته یې کړه: « زه ټولو مخالفو ډلو، تروریستانو، ناقانونه وسله‌والو، او قاچاقبرو ته خبرداری ورکوم چې که د هېواد د سرحدي حریم خلاف هر ډول عمل ترسره کړي، قوي او قاطع ځواب به وویني».

چارواکي ویلي، اسراییل هڅه کوي په خپلو بریدونو کې داسې چلند وکړي چې د اټومي فاجعې خطر رامنځته نه شي.

چارواکي دا هم ویلي: « تر اوسه ایران شاوخوا ۴۰۰بالستیک توغندي او سلګونه بې‌پیلوټه الوتکې پر اسراییل توغولي دي، چې هم نظامي او هم ملکي ځایونه یې هدف ګرځولي.»

هغه زیاتوي چې د تېرو څو ساعتونو په اوږدو کې د توغندیو د بریدونو کچه ټیټه شوې، چې دا ښيي اسراییلي بریدونو د ایران د توغندیو د توغولو وړتیا ته زیان رسولی دی.

نوموړی وویل: «په تهران کې له لسو ډېر اټومي هدفونه شته چې موږ یې د ویجاړولو په هڅه کې یو».

هغه زیاته کړه، چې دا بریدونه به د اسراییلي هوایي ځواک د "هوایي برلاسي" له برکته عملي شي او د دې موخه د ایران د بنسټونو له منځه وړل دي.

نوموړي دا هم یادونه وکړه، چې د اسراییل هوايي ځواکله خوا به له برید مخکې د سیمې خلکو ته د تخلیې خبرداری ورکړل شي.

کاتز دا هم وویل چې د ایران د اټومي پروګرام کلیدي ځای، د فردو ځمکتلي تاسیسات، به هم په دغو بریدونو کې هدف وګرځي.

هغه د ایران مذهبي مشر علي خامنه یي ته په اشارې زیاته کړه:"دا به ښه وي، چې د ایران د ګاونډي د دیکتاتور برخلیک په یاد ولري، چې د اسراییل د حکومت په وړاندې یې ورته لاره غوره کړې وه.»

کاتز د عراق د ځواکمن مشر صدام حسین په اړه خبرې کولې، چې په ۲۰۰۳ کال کې د امریکا له خوا پر عراق برید کې له واکه وغورځېد او وروسته له اعدام کېدو څخه مخکې په یوه غار کې پټ وموندل شو.

کاتز تیره ورځ په تهران کې د ایران د دولتي نشراتي ادارې صدا او سیما پر مرکزي دفتر د اسراییل برید ته اشاره وکړه او ویې ویل چې د ایران د رژیم نور ملکي سکتورونه هم په نښه کیدای شي.

هغه زیاته کړه: "موږ به نن په تهران کې د پوځي او رژیم د اهدافو په وړاندې خپلو اقداماتو ته دوام ورکړو، لکه څنګه چې موږ پرون د تبلیغاتي رسنۍ مرکز په وړاندې اقدام وکړ."

کاتز د تهران له اوسیدونکو وغوښتل چې "په فارسي د اسراییل د پوځ ویاند له لارښوونو سره سم د خپل ځان د ساتنې لپاره دا سیمې خالي کړي."

یو تن افغان افغانستان انټرنشنل ته وویل:«د ټرانسپورت اجازه نشته او هغو خلکو ته، چې د بریدونو له شدت وروسته د کفالت دفتر ته یې مراجعه کړې، ویل شوي تاسې چې په سوله کې دلته وئ نو په ستونزه کې هم دلته واوسئ».

د راپورونو پر بنسټ په تهران کې افغانانو ته بله ستونزه دا ده، چې دوی د تهران په لوړو سیمو او ساختمانونو کې د چارواکو د ساتونکو او صفايي د کارکوونکو په حیث کار کوي، چې دا کورونه د اسراییل اصلي هدف ګرځیدلي دي.

یوه عیني شاهد وویل چې د تهران خلک او د کورونو مالکین له ښاره وتلي او کورونه یې افغانانو ته سپارلي دي.د حافظ بوستاني په نوم یو افغان وګړی، چې ۴۵ کلن دی، د سالنګ ولسوالۍ اصلي اوسېدونکی دی په تهران کې ووژل شو.

د هغه یو خپلوان افغانستان انټرنشنل ته وویل چې ایران لا تر اوسه د هغه جسد ورته نه دی سپارلی.

یوه عیني شاهد وویل:«په دې حساسو سیمو کې ډیری افغانان د کورونو چوکېداران او ساتونکي دي. زیاتره سیمې خالي شوې دي خو کورونه افغانانو ته پرېښودل شوي چې لوټ نه شي او ایرانیان له تهرانه وتلي دي».

تر اوسه پورې د وژل شویو افغان کډوالو شمېره نه ده څرګنده او نه هم په دې اړه ایراني چارواکي څه ویلي دي.