ډنالډ ټرمپ تېره چهارشنبه د ایران پر اټومي تاسیساتو د برید پرېکړه کړې وه
د اسراییلي رسنیو په وینا، د امریکا ولسمشر ډونالډ ټرمپ تېره چهارشنبه پرېکړه کړې وه چې د ایران اټومي تاسیسات دې بمبار شي.
د اسراییلي رسنیو په وینا، د امریکا ولسمشر ډونالډ ټرمپ تېره چهارشنبه پرېکړه کړې وه چې د ایران اټومي تاسیسات دې بمبار شي.
د راپور له مخې، یوازې څو لوړپوړي اسراییلي چارواکي د دې پرېکړې نه مخکې خبر وو.
ویل کېږي، چې د امریکا مرستیال ولسمشر جی ډي ونس هم که څه هم لومړی اندېښمن و، خو بیا یې د برید ملاتړ وکړ.
دا پرېکړه وروسته له هغه وشوه، چې د اسراییل لومړي وزیر نتنیاهو او د ستراتیژیکو چارو وزیر رون دیرمر ټرمپ ته مشوره ورکړه، چې «په تاریخ کې برخه واخلي.»
د برید پر مهال نتنیاهو یو مهمه ناسته وځنډوله او وروسته یې وزیرانو ته د برید اعلان وکړ. سرچینې وایي، چې هغوی دا برید په ژوندۍ بڼه له قوماندې مرکز څخه وکتلو.
یوه سرچینه وايي: «موږ د تاریخ لیکل کېدل د خپلو سترګو مخې ته ولیدل.»
