د کابل ښار ځینو اوسېدونکو افغانستان انټرنشل – پښتو ته ویلي چې د یکشنبې ورځې (چنګاښ ۱۵مه) سهار راهیسې په دغه ولایت کېمخابراتي شبکې قطعه شوي دي. لامل یې په کابل ښار کې د عاشورا ورځې د نمانځلو امنیتي تدابیر ښوول شوي.
سرچینې وایي، یوازې د ځینو مخابراتي شبکو وایفای انټرنیټي خدمتونه کار کوي خو هغه هم ډېرکمزوري دي.
د کابل ښار اوسېدونکې نرګس په دې اړه وویل: «نهپوهیږم له نن سهاره مخابراتي شبکې کار نه کوي، موږ کور کې وایفای لرو هغه کارکوي خو د نورو ورځو پرتله یې سرعت ډیر کمزوری دی».
د کابل ښار یو بل اوسېدونکی چې نه غواړي نوم یې یاد شي هم ورته ستونزه تاییدوي او وايي د مخابراتي شبکو پرې کېدو له ستونزو سرهمخامخ کړي دي. د طالبانو رسمي سرچینو په دې اړه څه نه دي ویلي، خو څو څو ځله یې تر دې وړاندې هم د اختر او عاشورا په ورځو کېد امنیتي تدابیرو په پلمه مخابراتي شبکې بندې کړي
د غزې په تړانګه کې د ۲۰۲۳ کال د اکټوبر میاشتې د اسراییل او حماس ترمنځ د جګړې له پیل راهیسې، په اسټرالیا کې د یهودانو خلاف بریدونه په بېساري ډول ډېر شوي دي. په دې موده کې د یهودانو پر عبادت ځایونو، موټرو او ودانیو بېلابېل بریدونه شوي دي.
رویټرز داسټرالیا د یهودانو شورا په حواله ویلي چې، د ۲۰۲۳ کال له اکټوبر نه تر ۲۰۲۴ کال پورې په ټول هېواد کې د یهودانو خلافتردوو زرو ډېرې پېښې ثبت شوې دي. دغه بریدونه تر ډېره د سیډني او میلبورن په ښارونو کې شوي دي.
د ۲۰۲۳ کال د اکتوبر پر۱۳مه په سیډني کې د یهودي د یوه نانواييپر دېوال د یهود ضد شعار لیکل شوې و. همداراز د نانوايي مالک ته یو خبرداری لیک هم غورځول شوی چې پهکې لیکل شوي وو: «محتاط اوسه.»
د ۲۰۲۳ کال د نوامبر پر ۲۱مه د سیډني په ختیځ کې چې د یهودانو لوی نفوس لرونکی هېواد یادېږي، څو موټرونه وسوځول شول او ځینې ودانۍ ویجاړې شوې.
د ۲۰۲۳ کال د ډېسمبر پر ۶مه د میلبورن په سوېل کې د «اداس اسراییل» په نوم د یهودانو یوه عبادت ځای ته اور واچول شوی و. پولیس دا پېښه د احتمالي ترهګریز برید بللی و.
د ۲۰۲۳ کال د ډېسمبر پر ۷ مه، د اسراییل لومړي وزیر بنیامین نتنیاهو ویلي و چې په ملګرو ملتونو کې د فلسطین په تړاو د اسټرالیا د حکومت د رسمي دریځ له امله به په دغه هېواد کې د یهودانو خلاف بریدونه ډېر شوي دي.
د ۲۰۲۳ کال د ډېسمبر پر ۹مه د اسټرالیا فدرالي پولیسو د یهودانو خلاف قضیو د اداره کولو لپاره یوه ځانګړې څانګه جوړه کړه ترڅو د دا ډول بریدونو پر وړاندې جدي چلند وکړي.
د ۲۰۲۳ کال د ډېسمبر پر ۱۱مه، د دویم ځل لپاره د سیډني په ختیځ کې موټرو ته اور واچول شو او ځینې ودانۍ زیانمنې شوې.
د ۲۰۲۵ کال د جنوري پر ۷ مه، د سیډني په شمال کې یو سړی د پولیسو لهخوا ونیول شو. هغه د چاباد شمالي ساحل عبادت ځای ته نږدې د یهودي عبادت کوونکو پر ګواښلو تورن دی.
د اسټرالیا د یهودانو شورا وايي چې دې پېښو د کورنیو ترمنځ پراخه وېره او ډار رامینځته کړی او د اسټرالیايي چارواکو خبرداری ورکړی چې د مذهبي کرکې هر ډول وینا، ګواښونو او تاوتریخوالي پر وړاندې به قانوني چلند وشي.
د ننګرهار ولایت یو شمېر اوسېدونکو افغانستان انټرنشنل ـ پښتو ته ویلي چې د یکشنبې ورځې سهار وختي په بېلابېلو ولسوالیو کې د بارانونو له امله سېلابونه راوتي دي. د ګوشتې، مومندرې او لعلپورې ولسوالیو اوسېدونکي وایي، د دوی سیمو کې یې درانه مالي زیانونه اړولي.
سرچینو زیاته کړې چې د دغو سېلابونو له کبله په یادو ولسوالیو کې زرګونه جریبه کرنیزې ځکمې زیانمنې شوي او همدا راز یو شمېر څاروي هم لاهو شوي دي. ځایو اوسېدونکو خبر ورکړی چې یو شمېر کورونه هم د دغو سېلابونو له کبله نړېدلي دي، خو لا تر اوسه پورې د انساني مرګ ژوبلې معلومات نهشته.
خواله رسنیو کې د ننګرهار یو شمېر اوسېدونکو نیوکې کړي چې تر اوسه پورې د طالبانو ژغورونکې ډلې سېلاب ځپلو سیمو ته نه دي رسېدلي او نه هم د خلکو لاسنېوی شوی دی.
د پاکستان د فدرالي څېړنو ادارې (FIA) اعلان کړی چې د ویزو د درغلۍیوه لویه ډله یې کشف کړې چې د جعلي اسنادو په کارونې سره یې افغانانو ته د پاکستان برېښنايي ویزې صادرولې. په دې قضیه کې د پاکستان د بهرنیو چارو وزارت او ایاېسای یو شمېر کارمندان هم له دې شبکې سره پر همکارۍ تورن شوي.
د یادې ادارې د ادارې په وینا، د اسلاماباد په جي-۸ سیمه کې د یو لړ عملیاتو په ترڅ کې دوه افغانان نیول شوي او د شپږو نورو پر وړاندې قضیه ثبت شوې ده. دغه اداره وايي چې د پاتې کسانو د نیولو لپاره عملیات روان دي.
د پاکستان د څېړنو ادارې زیاته کړې چې دغې شبکې د اسلاماباد په جي ۸ سیمه کې د موټرو په نندارتونونو کې فعالیت کاوه او هغو افغانانو ته چې امنیتي ارزونې یې نه وې ترسره شوې، له قانوني بهیر له تېرېدو پرته یې له ۲۴نه تر ۴۸ ساعتونو پورې د پاکستان برېښنايي ویزې صادرولې. دا کار د امنیتي ادارو له خبرتیا پرته د جعلي ملاتړکوونکو اسنادو او معلوماتو په کارونې سره ترسره کېده.
د دغې ادارې د معلوماتو پر بنسټ، د دې شبکې مشري د سمېعالله افریدي په نوم د پاکستان د بهرنیو چارو وزارت یوه کارکوونکي کوله. د پاکستان اېکسپرېس ټربیون وېبپاڼې په راپور کې راغلي چې له نوموړي کس سره د مطبوعاتو د معلوماتو افسر او څو نور کسا هم په دې کار کې ښکېل وو.
د پاکستان د فدرالي څېړنو ادارې زیاته کړې، د دې عملیاتو په ترڅ کې څرګنده شوې چې د سمېعالله افریدي په بانکي حساب کې ۴۰ مېلیونه پاکستاني روپۍ ثبت شوي او ګومان کېږي د ویزې درغلۍ له شبکې یې ترلاسه کړې دي.
په راپور کې راغلي چې د نیول شویو کسانو په منځ کې د افغانستان د ننګرهار ولایت اصلي اوسېدونکی عاطف احمدزی هم ښکېل دی او نوموړي د یوه سیاحتي شرکت مشري پر غاړه لرله. ویل کېږي هغه د جعلي اسنادو له لارې د افغانانو لپاره د پاکستان ویزې صادرولې.
دې شبکې د بېړنۍ سیاحتي ویزې لپاره ۷۵۰ډالر او د طبي او سوداګریزو ویزو لپاره شاوخوا ۳۵۰ډالر اخیستل. راپورونه وايي چې د دې پیسو ۸۰ سلنه د استخباراتو ادارې یا ایاېسای کارکوونکو جیبونو ته تللي دي. نوموړې ادارې ټینګار کړی چې او د دې شبکې د ټولو غړو د نیولو هڅې روانې دي.
د پاکستان د څېړنو اداره داسې مهال د یادو کسانو د نیولو خبر ورکوي چې د دغه هېواد سیاحتي او بېړنۍ ویزې لا هم په تور بازار کې له ۸۰۰ تر ۱۲ ډالرو پلورل کېږي. همداراز د نوملیکنې بهیر په ترڅ کې د ډېریو افغانانو ویزې کنسل کېږي او په دې سره د دغه بهیر د لګښت روپۍ هم د پاکستان دولت ته ځي.
د یادونې ده چې په پاکستان مېشت افغانان هم د دغه هېواد د ویزو له تمدید نه شکایتونه کوي او دوی اړ دي چې هره میاشت د زرګونو کلدارو په بدل کې ویزې تمدید کړي. د ویزو د تمدید پرمهال د ویزو نه صادرېدل او د پاکستاني پولیسو ځورول او اقتصادي وس نه لرل، نورې هغه ستونزې دي چې افغان کډوال ورسره لاس او ګرېوان دي.
د ملګرو ملتونو سرمنشي انتونیو ګوترېش د روسیې له لوري پر اوکراین د بې پېلوټه الوتکو تازه بریدونه غندلي او په سملاسي توګه یې یو ځل بیا د اوربند غوښتنه کړې ده.
هغه نن یکشنبه د (چنګاښ ۱۵مه) پر اېکس پاڼه زیاته کړې: « د بریدونو له کبله د ژاپوریژیا اټومي بټۍ ته د برېښنا رسول یو ځل بیا ګډوډشوي، چې دا د اټومي خوندیتوب په تړاو دوامداره خطرونه څرګندوي».
د ملګرو ملتونو سرمنشي یو ځل بیا د دواړو هېوادونو ترمنځ د جګړې د پای ته رسېدو لپاره له ځنډ او ځنډ پرته پراوربند ټینګار کړی دی.
په دې وروستیو څو ورځو کې د روسیې لهخوا د اوکراین پر پلازمېنه کییف او یو شمېر نورو ښارونو پراخ توغندیز او د ډرون الوتکو بریدونه شوي. د یاد هېواد د ولسمشر په وینا، د بریدونو په دغه لړۍ کې لږه تر لږه ۴۴۰ ډرونونه او ۳۲ توغندي کارول شوي دي.
د ایران د دولت مشر علي خامنهيي له راڅرګندېدو سره جوخت، اسراییلي نشریې «اسراییل هیوم» لیکلي چې نوموړی هڅه کوي څو د دغه هېوادپر اټومي او پوځي تاسیساتو د تلابیب تر هوایي بریدونو وروسته د سمبولیک او سیاسي بیرته راګرځېدو سره خپل زیانمن شوی مشروعیت بېرته ترلاسه کړي.
دغې نشریې یکشنبه (جولای ۶مه) د خامنهيي ۲۲ ورځنې غیابت ته په اشارې زیاته کړې چې د ایران۸۶ کلن مشر د اسراییل له بریدونو نه وېرېدلی او پټ و. د اسراییل هیوم په وینا، دې ناڅاپي غیابت په ایران او بهر کې د هغه د فزیکي وضعیت او ژوندي پاتې کېدو په اړه بېلابېلې تبصرې خپرې کړې وې.
یادې نشریې ویلي چې خامنهيي د هغه د عامه څرګندېدو دمخه یو ثبت شوی ویډیو پیغام خپور کړ او ادعا یې کړې وه چې ګواکې ایران د اسراییل او متحده ایالاتو پر وړاندې بریا ترلاسه کړې ده. دغه نشریه وړاندې وايي چې دا ادعاوې له ځمکنیو حقایقو او نړۍوالو راپورونو سره په ټکر کې دي.
اسراییلۍ نشریه د تاسوعا پر مذهبي ورځ د خامنهيي د بیا راڅرګندېدو لپاره په بشپړ ډول محاسبه شوې او سمبولیکه شېبه یادوي. تاسوعا چې له عاشورا نه یوه ورځ مخکې ده، د شیعهګانو په تاریخ کې ځانګړی ځای لري او په ایران کې د ظلم او ایډیالوژیکي مقاومت ښودنې لپاره کارول کېږي.
اسراییلۍ نشریه دا څرګندونې داسې مهال کوي چې د ایران مشر علي خامنهیي له عاشورا وړاندې د تاسوعا په مناسبت د شیعهګانو او خپلو پلویانو په مراسمو کې د خپل دفتر په حسینیه کې راڅرګند شو. په خپاره شویو ویډیوګانو کې ښکاري چې د هغه پلویان په شعارونو سره دی بدرګه کوي.