د اسراییل د مالیې وزیر د غزې جګړې د پالیسۍ په اړه پر نتنیاهو نیوکه کړې

د بریټانیا د سمندري سوداګرۍ عملیاتو مرکز (UKMTO) ویلي، چې له پېښې سره هم مهاله د بېړۍ د امنیتي کسانو له‌خوا متقابلې ډزې شوې دي.

د امبري په نوم یوه سمندري امنیتي شرکت ویلي، پر یادې بېړۍ اتو وسله والو برید کړی او لا هم څرګنده نه ده چې، بریدګر څوک دي.

د اسوشېټډ پرېس اژانس د راپور له مخې، دغه موضوع په منځني ختیځ کې د امریکا له سمندري ځواکونو سره هم شریکه شوې، خو تر اوسه څه غبرګون نه دی ښودل شوی.

سره له دې چې، تر اوسه د دغه برید مسوولیت هېڅ یوې ډلې نه دی منلی، خو تر دې مخکې د یمن حوثیانو په سره بحیره کې پر سوداګریزو او نورو نظامي بېړیو بریدونه کول.

د یمن حوثیانو ویلي وو، تر هغه چې، پر غزې د اسراییل بریدونه نه وي درول شوي نو په سره سمندرګي او همداراز عدن خلیج کې د لویدیزوالو هر ډول بېړۍ به په نښه کوي.

د اسوشېتد پرس د راپور له مخې، د یمن حوثیانو د ۲۰۲۳ له نومبره د ۲۰۲۵ کال تر جنورۍ په سرې بحیرې کې پر څه باندې سلو بېړیو بریدونه کړي او په ترڅ کې یې دوه بېړۍ ډوبې شوي او څلور سمندري کارکوونکي وژل شوي دي.

سرچینه وايي، دغه وضعیت د سره سمندرګي له لارې نړیوال سوداګریز بهیر چې، کلنی سوداګریز ارزښت یې څه باندې یو ټریلیون ډالره کېږي، ټکنی کړی دی.

امریکا بیا د همدې موضوع په تړاو د روان کال په مارچ میاشت کې د یمن پر حوثیانو سخت هوايي بریدونه وکړل او بالاخره د دواړو لوریو تر منځ اوربند وشو او تر هغه را وروسته د سیمې په سمندرونون کې پر بېړیو برید نه دی شوی، خو په دې موده کې حوثیانو کله نا کله پر اسراییل توغندیز بریدونه کړي دي.

دا سپوږمکیز راداري معلومات، چې د جګړه‌يیزو سیمو د بمباریو د اغېزو د ارزونې لپاره کارول کېږي، د اورېګن ایالت پوهنتون له خوا د بریتانیا ټلګراف ورځپاڼې ته ورکړل شوي دي.

د معلوماتو له مخې، ایران په ۱۲ ورځنۍ جګړه کې لږ تر لږه شپږ توغندي د اسراییل د شمال، جنوب او مرکز په برخو کې پر پنځو مهمو نظامي تاسیساتو ویشتلي دي. دا بریدونه تر دې دمه د اسراییلي چارواکو له لوري رسمي نه دي اعلان شوي.

د ټلګراف په رپوټ کې ویل شوي، سره له دې چې زیات شمېر توغندي د اسراییل د هوايي دفاعي سیستم له خوا شنډ شوي، خو د بریدونو په لومړیو اتو ورځو کې، د هدف ته د رسیدو کچه په پرله‌پسې ډول لوړه شوې ده.

د متقابلو بریدونو له اوومې ورځې وروسته، شاوخوا ۱۶سلنه ایراني توغندي د اسراییل د دفاعي سیستم له لارې تېر شوي او ټاکل شوي اهداف یې په نښه کړي دي.

د یادونې وړ ده چې اسراییل د جون پر ۱۳مه پر ایران پراخ بریدونه کړي وو، چې د دغو بریدونو هدف د ایران اټومي تاسیسات او لوړپوړي نظامي مشران وو.

د اسراییل د لومړي وزیر دفتر د یوې اعلامیې په خپرولو سره ویلي، چې حماس د اوربند په طرحه کې د ځینو بدلونونو وړاندیز کړی خو قطر ته د اسراییلي پلاوي له استولو سره سره د حماس دغه وړاندیزونه د منلو وړ نه دي.

د اسراییل د لومړي وزیر بنیامین نتنیاهو دفتر ویلي:« د حماس هغه بدلونونه چې د قطر وړاندیز کې یې غوښتنه کړې، موږ ته رسېدلي، خو دا بدلونونه د اسراییل لپاره د منلو وړ نه دي.»

نتنیاهو د شنبې په شپه د کابینې بېړنۍ ناسته کې قطر ته د پلاوي استولو پرېکړه کړې ده، خو ټینګار کوي چې له حماس سره به تر هغه هوکړه و نه کړي، څو چې دا ډله بې‌وسلې شوې نه وي.

حماس د امریکا په ملاتړ د اسراییل د اوربند طرحې ته مثبت ځواب ویلی، خو درې پړاویزه هوکړه یې وړاندیز کړې، چې له مخې به یې د ۶۰ ورځو په موده کې ژوندي او مړه شوي یرغمل شوي کسان په څو پړاوونو کې خوشې کیږي او غوښتنه کوي، چې د دایمې اوربند خبرې به دوامداره ساتل کیږي.

همدارنګه حماس غوښتنه کړې، چې د بشري مرستو بشپړ بهیر دې بیا ځلي پیل او د اسراییل ځواکونه دې خپلو پخوانیو موقعیتونو ته ور وګرځي.

پر همدغه مهال د یرغمل شویو کسانو کورنیو د اسراییل له حکومت څخه غوښتنه کړې، چې د ټولو یرغمل کسانو د خلاصون لپاره یو جامع او وروستی تړون لاسلیک شي.

یو شمېر مظاهره‌چیان وایي، که دا فرصت له لاسه ورکړل شي، نو دا به یوه “سیاسي ناکامي” وي.

د اسراییل له خوا په غزه کې د اوربند مساله په داسې حال کې ګرمه شوې، چې د اسراییل او حماس ترمنځ جګړه کې تردې مهاله تر ۵۷۰۰۰ ډیر فلسطینیان وژل شوي او له ۱۲۰۰ ډیر اسراییلیان وژل شوي دي.

د اوکراین او روسیې په جګړه چې له درې کلونو زیات وخت یې کیږي، کیېف اوس ډېر زیات له ډرونونو کار اخلي څو د روسیې دننه هدفونه په نښه کړي.

د روسیې دفاع وزارت ویلي، چې د رانسکورو شویو ډرونونو له ډلې ډېری یې د بریانسک، کورسک، او بیلګورود په سیمو کې ویشتل شوي دي.

وزارت وايي، چې ۳۰ ډرونونه یې په بریانسک سیمه کې، ۲۹ په کورسک، ۱۷ په بیلګورود او ۱۸ نور یې په اوریول سیمه کې غورځولي دي. دا سیمې ټولې له اوکراین سره ګډه پوله لري.

د روسیې د ملکي هوايي چلند ادارې هم اعلان کړی چې د ډرونونو د خطر له امله د شپې بندیزونه یې بېرته لرې کړي دي.

دا بندیزونه په سینټ پیټرزبورګ، کالوګا، مسکو او نږني نووګورود کې د هوايي ډګرونو لپاره عملي شوي وو.

د چین مالیې وزارت زیاته کړې، اروپایي شرکتونو ته به نور اجازه ور نه کړل شي چې د دغه هېواد له دولت سره د ځینو طبي تجهیزاتو د پیرودلو تر ۴۵ مېلیون ډالرو لوړو قراردادونو کې برخه واخلي. دا بندیزونه به سر له نن څخه وضعه شي.

د بلومبرګ د راپور پر بنسټ، اروپايي چارواکو په تېره جون میاشت کې پرېکړه کړې وه چې د دغه اتحادیې په غړو هېوادونو کې عامه قراردادونو ته د چینایي طبي تجهیزاتو جوړونکو لاسرسی محدود کړي، دا یو داسې اقدام دی چې چین یې تازه پر وړاندې خپل غبرګون اعلان کړ.

کارپوهان وايي، دا اقدامات د چین او اروپايي ټولنې ترمنځ د سوداګریزو ناندریو یوه برخه ده چې په وروستیو میاشتو کې یې شدت موندلی دی.