د ملګرو ملتونو سرمنشي پر اوکراین د روسیې تازه بریدونه وغندل
د ملګرو ملتونو سرمنشي انتونیو ګوترېش د روسیې له لوري پر اوکراین د بې پېلوټه الوتکو تازه بریدونه غندلي او په سملاسي توګه یې یو ځل بیا د اوربند غوښتنه کړې ده.
د ملګرو ملتونو سرمنشي انتونیو ګوترېش د روسیې له لوري پر اوکراین د بې پېلوټه الوتکو تازه بریدونه غندلي او په سملاسي توګه یې یو ځل بیا د اوربند غوښتنه کړې ده.
هغه نن یکشنبه د (چنګاښ ۱۵مه) پر اېکس پاڼه زیاته کړې: « د بریدونو له کبله د ژاپوریژیا اټومي بټۍ ته د برېښنا رسول یو ځل بیا ګډوډشوي، چې دا د اټومي خوندیتوب په تړاو دوامداره خطرونه څرګندوي».
د ملګرو ملتونو سرمنشي یو ځل بیا د دواړو هېوادونو ترمنځ د جګړې د پای ته رسېدو لپاره له ځنډ او ځنډ پرته پراوربند ټینګار کړی دی.
په دې وروستیو څو ورځو کې د روسیې لهخوا د اوکراین پر پلازمېنه کییف او یو شمېر نورو ښارونو پراخ توغندیز او د ډرون الوتکو بریدونه شوي. د یاد هېواد د ولسمشر په وینا، د بریدونو په دغه لړۍ کې لږه تر لږه ۴۴۰ ډرونونه او ۳۲ توغندي کارول شوي دي.
