د باجوړ ځايي چارواکي: د ګرځ‌بندیز پرمهال به هم د خلکو د تګ راتګ لپاره مهمې لارې خلاصې وي

د پاکستان پوځ د تازه عملیاتو د پېل په اړه رسمي اعلان نه دی کړی، خو د سیمې یوه دولتي چارواکي سعیدالله رسنیو ته وویل، چې دا پراخ پوځي عملیات نه دي او یوازې د وسله والو پټنځایونه په نښه کېږي څو د ملکي تلفاتو مخه ونیول شي.

د نوموړي په وینا، په وروستیو ورځو کې شاوخوا ۲۰ زره کورنیو، چې ۵۰زره تنه کیږي، د عملیاتو له وېرې خپل کورونه پرېښي دي.

د سیمې اوسېدونکو ویلي چې امنیتي ځواکونو د چورلکو په ملاتړ ډېورنډ کرښې ته نږدې غرنیو سیمو کې د وسله والو پټنځایونه بمباري کړي دي.

چارواکي وايي، ډېری بې ځایه شوي کسان په دولتي ودانیو او ښوونځیو کې ځای پر ځای شوي چې هلته ورته د خوړو او اړینو توکو مرسته ورکول کېږي.

د خیبر پښتونخوا امنیه قوماندان ذوالفقار حمید ویلي چې د بې ځایه شویو کسانو د شمېر دقیق مالومات لا نشته.

باجوړ په ۲۰۰۹ کال کې هم د پاکستاني او بهرنیو وسله والو پر ضد د پراخو پوځي عملیاتو شاهد و چې سلګونه زره کسان یې بې ځایه کړل.

پاکستاني طالبان چې د تحریک طالبان پاکستان(ټي ټي پي)په نوم پېژندل کېږي، له افغان طالبانو نه جلا خو له دوی سره نږدې ملګرتیا لري.

دغه عملیات د باجوړ قومي جرګې او طالبانو ترمنځ د خبرو اترو له ناکامۍ وروسته پیل شوي دي.

پاکستاني طالبانو جرګې ته وړاندیز کړی و، چې دوی په قبایلي ولسوالیو کې د شریعت نفاذ او د افغان طالبانو په څېر د امر بالمعروف او نهی عن المنکر په څېر ادارې جوړول غواړي.

د پښتونخوا د باجوړ ولسوالۍ مرستیال کمېشنر شاهد علي خان نن سې‌شنبه ( د زمري ۲۱مه) په فیسبوک پاڼه خبرداری ورکړی، چې د دغه اعلان سره سره که بیا هم خلک په خپلو ځایونو کې پاتې شول او د عملیاتو پرمهال زیان ورورسېد؛ نو مسوولیت به یې پرخپله غاړه وي.

په سیمه کې ځايي سرچینو ویلي، چې څه باندې ۷زره کسان لا له وړاندې د خپلو مېنو پرېښودو ته اړ شوي؛ خو لاهم ګڼ کسان په دغه سیمه کې پاتې دي.

په ورته وخت کې د پښتونخوا حکومت بیا ویلي، چې د بې‌ځایه شویو کسانو لپاره لازم تدابیر په پام کې نیول شوي دي.

هاخوا بیا د پښتونخوا حکومت د باجوړ ولسوالۍ د ماموندو په ۲۷ سیمو کې د وسله‌والو پرضد د عملیاتو له امله د درې ورځو لپاره ګرځ‌بندیز هم اعلان کړی دی.

د سرچینو د معلوماتو له مخې؛ «ټي‌ټي‌پي» نن سهار د صدیق اباد نوي کلي کې د امنیتي ځواکونو پر موټریز کاروان بمي چاودنه کړې او بیا یې پرې له څو خواوو ډزې کړې دي.

سرچینو له افغانستان انټرنشل – پښتو سره د وژل شویو او ټپي شویو ځواکونو نومونه هم شریک کړي دي. لاتراوسه «ټي‌ټي‌پي» د اوښتې مرګ ژوبلې په اړه څه نه‌دي ویل شوي.

د پښتخونخوا په باجوړ ولسوالۍ کې د ځايي جرګې او ټي‌ټي‌پي ترمنځ د سولې د خبرو له ناکامېدو سره سم پوځي عملیات پیل شوي، چې له کبله یې سلګونه کورنۍ هم له خپلو سیمو بې‌ځایه شوې دي.

د یادونې ده، چې د پښتونخوا حکومت د باجوړ ولسوالۍ د ماموندو په ۲۷ سیمو کې د وسله‌والو پرضد د عملیاتو له امله د درې ورځو لپاره ګرځ‌بندیز هم اعلان کړی دی.

د سرچینې د معلوماتو له مخې؛ تر دې دمه د باجوړ له ماموندو سیمو څخه ۱۴۰۰ کورنۍ چې د غړو شمېر یې ټولټال تر ۷زره کسانو هم ډېر دی، له خپلو مېنو بې‌ځایه شوې دي.

که څه هم امنیتي ادارو په رسمي توګه د عملیاتو په اړه څه نه دي ویلي؛ خو ځینې پاکستاني رسنیو ویلي، چې په یادو چاڼیزو عملیاتو کې له چورلکو هم کار اخیستل شوی دی.

وړاندې د خیبرپښتونخوا حکومت د باجوړ ولسوالۍ د ماموندو په ۲۷ سیمو کې د وسله‌والو پر ضد د عملیاتو له امله د درې ورځو لپاره ګرځ‌بندیز اعلان کړی و.

د باجوړ ولسوالۍ د امنیتي ادارو په وینا؛ دغه ګرځ‌بندیز به د سهار له ۱۱ بجو څخه د ماښام تر ۱۱ بجو پورې وي او تر درېیو ورځو به دوام وکړي. چارواکو له خلکو غوښتي، چې د ګرځ‌بندیز پر مهال په کورونو کې پاتې شي.

د باجوړ ولسوالۍ د امنیتي ادارو په وینا، ګرځبندیز به له سهار ۱۱ بجو څخه تر ماښام ۱۱ بجو پورې نافذ وي او تر درې ورځو به دوام وکړي. چارواکو له خلکو غوښتي چې خپلې ټولې چارې پای ته ورسوي او د ګرځبندیز پر مهال په کورونو کې پاتې شي.

بل‌خوا د خیبرپښتونخوا د اطلاعاتو سلاکار محمدعلي سیف د ټول ایالت په کچه د ګرځبندیز خبرونه «بې‌بنسټه اوازې» بللې دي.

نوموړي ویلي: «د ګرځبندیز خبره یوازې د باجوړ او میرانشاه په ځینو ځانګړو سیمو پورې محدوده ده، دا مساله د ټول ایالت لپاره نه ده».

د سیف په وینا، د ګرځبندیز په اړه خپرېدونکې پراخې اوازې «سیاسي تبلیغات» دي چې د خلکو د ذهنونو د مغشوشولو لپاره کارول کېږي.