طالبانو د یوه زنداني خبریال د جبري اعتراف ویډیو خپره کړه

د طالبانو د کډوالو ستونزو ته د رسېدو کمېسون د پنجشنبه په ورځ (د زمري ۳۰مه) په یوه خبرپاڼه کې ویلي، چې دغه کډوال د هرات د اسلام کلا، د کندهار سپين بولدک، د نیمروز ورېښمو لارې، د ننګرهار د تورخم او د هلمند د بهرامچې له لارې هېواد ته ستانه شوي دي.

طالبانو ویلي، چې ستانه شویو کډوالو ته یې مالي، ترانسپورټي، خوراکي او د روغیتا په برخه کې خدمات وړاندې کړي.

په خبرپاڼه کې راغلي، چې په همدې ورځ له کابل څخه ۲۵۹ کورنۍ، چې د غړو شمېر یې ۱۳۴۰ تنه و، بغلان، کندز، تخار، بلخ، جوزجان، بدخشان او سرپل ته په خوندي توګه لېږلي دي.

له پاکستان او ایران څخه د افغان کډوالو جبري ایستل اوس د طالبانو لپاره یوه ننګونه ده.

ځکه افغانستان ته ستانه شوي کډوال د کار، سرپنا، خوراکي‌ توکو د نشتوالي او د اولادونو ښې راتلونکي ته اندېښمن دي.

طالبان هم د کډوالو د وضعیت په اړه معلومات نه خپروي او نه هم چاته اجازه ورکوي، چې د هغوی سره خبرې وکړي.

د ایرنا خبري اژانس د راپور له مخې، نوموړي د دې بهیر پر وړاندې ژوره اندېښنه څرګنده کړه او زیاته یې کړه چې داعش، القاعده او نورې بهرنۍ ترهګرې ډلې لا هم د سیمې د بې‌ثباتۍ لپاره فعالیت کوي.

د ایران استازي په ملګرو ملتونو کې څرګنده کړه:«موږ د هغو معتبر راپورونو له امله سخت اندېښمن یو چې ښيي ځینې ترهګر عناصر او بهرني جنګیالي له سوریې څخه افغانستان ته انتقال شوي دي، دا د افغانستان ګاونډيانو او سیمې ثبات ته یو مستقیم ګواښ دی.»

ایرواني ټینګار وکړ چې ټول هېوادونه باید د ترهګرۍ پر وړاندې مبارزه کې د نړیوالو قوانینو سره سم عمل وکړي او له هر ډول سیاسي چلند یا دوه‌ مخۍ ډډه وکړي.

دا لومړی ځل دی، چې ایران په رسمي او علني ډول له سوریې څخه افغانستان ته د ترهګرو د انتقال موضوع راپورته کوي.

تر دې وړاندې په ملګرو ملتونو کې د روسیې استازي هم د منځني ختیځ څخه افغانستان ته د بهرنیو ترهګرو د انتقال په اړه اندېښنه څرګنده کړې وه.

د ملګرو ملتونو د امنیت شورا غړو د پنجشنبه ورځې په غونډه کې د افغانستان خاوره کې د ترهګرو ډلو د حضور او فعالیت په اړه اندېښنه څرګنده کړه. د پاکستان استازي وویل، چې له افغانستانه د ترهګرۍ ګواښ بېړنی او جدي دی.

هغه زیاته کړه داعش، چې شاوخوا ۲،۰۰۰ جنګیالي لري د سیمې او نړیوال امنیت لپاره یو جدي ګواښ دی.

خو طالبان بیا دا تورونه ردوي او وایي چې په افغانستان کې هېڅ ترهګره ډله فعاله نه ده او نه هم د هېواد خاوره د نورو پر وړاندې کارول کېږي.

ډاکټر تاج الدین، پروان ولایت ته په خپل وروستي سفر کې له هغو کورنیو او ټولنو سره کتلي چې د وروستیو اونیو په جریان کې د شدیدې نس‌نستې ناروغۍ د زیاتېدو له امله سخت زیانمن شوي دي.

هغه وویل: « موږ د خلکو ستونزې له نږدې ولیدلې، ماشومان او ښځې د ناروغۍ له امله تر ټولو ډېر زیان ویني. که جدي پانګونه ونشي، دا حالت د انساني ناورین لامل کېدای شي.»

د یونیسیف استازي زیاته کړه، چې د خپلو نړېوالو شریکانو په ځانګړي ډول د جاپان په مرسته، د ناروغانو درملنه، پاکې اوبه، د لاس مینځلو اسانتیاوې او د روغتیايي پوهاوي پروګرامونه پر مخ وړي دي.

د نوموړي په وینا، په پروان او نورو ولایتونو کې د اوبو د ککړتیا او د پاکوالي داسانتیاوو د نشتوالي له امله ګڼې کورنۍ له سختو روغتیايي ستونزو سره مخ دي.

هغه ټینګار وکړ چې د خوندي اوبو برابرول، د کثافاتو د مدیریت پروګرامونه او د ماشومانو او کورنیو لپاره د روغتیایي پوهاوي پراخ فعالیتونه باید د نړیوالو مرستندویانو او حکومتونو د جدي پاملرنې مرکز وګرځي.

یونیسیف په ځانګړي ډول له نړیوالې ټولنې وغوښتل چې د افغانستان د اوبو او روغتیا سکتور ته لا ډېرې مرستې برابرې کړي څو د راتلونکو ناروغیو مخه ونیول شي او د زرګونو ماشومانو ژوند وژغورل شي.

ښاغلي ورونکوف دغه څرګندونې تېره ورځ د ملګرو ملتونو د امنیت شورا په ناسته کې وکړې، چې په نړیواله کچه د داعش د ګواښونو ارزونې ته ځانګړې شوې وه.

نوموړي وویل: «د داعش خراسان څانګه په افغانستان کې ملکي وګړي په نښه کوي او د طالبانو پر وړاندې د خلکو له نارضایتۍ ناوړه ګټه پورته کوي.»

ناتالیا ګرمن، چې د ملګرو ملتونو د ترهګرۍ پر ضد د مبارزې د اجرایي کمېټې مشره ده، په همدې ناسته کې ټینګار وکړ چې داعش خراسان یوازې د افغانستان لپاره نه، بلکې د منځنۍ اسیا او حتی اروپا لپاره هم یو ستر ګواښ دی.

مېرمن ګرمن زیاته کړه،چې دغه ډله د انټرنېټ له لارې د تبلیغاتي کمپاینونو، انلاين استخدام او مالي سرچینو د جذب لپاره پراخ فعالیتونه کوي.

د ملګرو ملتونو چارواکو وویل، سره له دې چې په تېرو کلونو کې د داعش یو شمېر مشران وژل شوي، خو دغه ډله بیا هم د خپلو عملیاتو وړتیا ساتلې ده.

بلخوا بیا طالبانو ادعا کړې چې دوی د داعش خراسان ډله په افغانستان کې تر ډېره ځپلې ده او اوس دغه ډله هلته فعال حضور نه لري. هغوی د داعش وروستۍ حملې د پاکستان له خاورې سره وتړلې او ویې ویل چې بریدګر د افغانستان دننه نه وو.

د ملګرو ملتونو د ترهګرۍ پر ضد د مبارزې دفتر چارواکي وايي، داعش اوس د نوې ټکنالوژۍ په کارولو سره د جګړې دوام ته هڅې کوي او د نړۍ له بېلابېلو برخو څخه مالي مرسته ترلاسه کوي.

په ناسته کې د ملګرو ملتونو لوړپوړو چارواکو غوښتنه وکړه چې د داعش او نورو افراطي ډلو پر وړاندې د مخنیوي، اوږدمهاله او اصولي مبارزې لارې چارې باید عملي شي، څو د نړیوالې سولې او امنیت پر وړاندې د دغو ډلو ګواښونه مهار شي.

راجا د پنجشنبې په ورځ (۳۰اسد) په ایکس خواله رسنۍ کې د زلمي خلیلزاد د اندېښنو ملاتړ وکړ او دا ناسته یې د پاکستان د پوځ «کلاسیک اقدام» وباله چې موخه یې په افغانستان کې د واک بدلون دی.

هغه وویل داسي شواهد لري، چې د پاکستان استخباراتو ادارې دا غونډه په مستقیم ډول اسانه کړې او د ګډونوالو لپاره یې د استوګنې اسانتیاوي هم برابرې کړې دي.

هغه د سویلي اسیا د ستراتیژیک ثبات د انسټیټیوټ مشرې، ماریا سلطان، رول ته هم اشاره کړې ده او ویلي یې دي،چې نوموړې د پاکستاني استخباراتو له چارواکو سره د خپلو اړیکو له لارې د دې غونډې د تنظیم چارې پر مخ وړي.

ماریا سلطان تر دې وړاندې د خلیلزاد نیوکو ته په ځواب کې ویلي وو چې دغه غونډې د خلیلزاد اعصاب ګډوډ کړي دي.

هغې خلیلزاد ته د مشورې په ډول زیاته کړې وه، « خلک پرېږدئ چې پخپله خبرې وکړي»

راجا ادعا کړې،چې دا هڅه د پاکستان د پوځ مشر عاصم منیر له لوري د امریکا د ولسمشر ټرمپ د خوښۍ لپاره تنظیم شوې، خو د چین مخالفت کولای شي دغه هڅې له ستونزو سره مخ کړي.

د راپورونو له مخې، دا ناسته د روان میلادي میاشتې د ۲۵او ۲۶نېټو ترمنځ په اسلام‌اباد کې ترسره کېږي.

زلمي خلیلزاد د پاکستان د دې اقدام غندنه کړې او هغه یې «غیرمسوولانه، پاروونکی او ناسم» بللی دی.