د ایران ولسمشر: ایران هېڅکله هم د اټومي وسلو د جوړولو په لټه کې نه و، نه دی او نه به وي

مسعود پزشکیان زیاته کړه: «په ټينګاره سره وایم چې ګاونډیان مو وروڼه دي. په اصل کې د یوې خاورې او اوبو یو، خو اوس یو سرحد زموږ په منځ کې جوړ شوی او دا زموږ وروري نشي زیانمنولی.»

پزشکیان په ډاګه وویل، هر هغه وینا چې د مسلمانانو او ګاونډیانو وحدت او انسجام ته زیان رسوي، خیانت دی او په وینا یې نه ښايي په دې تصور چې ګواکې خدمت دی، هر چا ته هر څه وویل شي.

نوموړي زیاته کړه، «هر هغه وینا چې په کور دننه او ان د مسلمانانو او ګاونډیانو یووالی او انسجام ګډوډ کړي، خیانت له هغې لارې سره ده چې پرې روان یو.»

د پزشکیان په باور، د اسراییل او امریکا ټوله هڅه دا ده چې ایرانیان په خپل منځ کې واچوي او په سیمه کې مسلمانان د یو بل پر وړاندې ودروي او په وینا یې په کور دننه او اسلامي هېوادونو سره باید لاسونه ورکړل شي او په باور یې د تفرقې رامنځته کول اسراییل ته خدمت کول دي.

100%

د ایران ولسمشر په ډاګه کړه، «که موږ په خپل منځ کې یووالی ولرو، له اسراییل سره د جګړې اړتیا نشته، ځکه هغوی بیا مسلمانانو ته په چپ نظر هم نشي کتلی.»

د ایران ولسمشر په داسې حال کې ګاونډي هېوادونه خپل وروڼه او خپل خپلوال ګڼي، چې له څو میاشتو راهیسې یې اړمن افغانان چې د کار روزګار، د خپلو بچیانو د زده کړو د دوام او یا هم د خپلو ځانونو او کورنیو د خوندینې لپاره ایران ته تللي، په زور سره یې راوباسي او یوازې په شاوخوا یوه میاشت کې یې څه باندې ۱ میلیون افغانان له خپل هېواده په جبر سره اېستلي او دغه بهیر همداراز په شدت سره دوام لري.

د رویټرز خبري اژانس د راپور له مخې، ټرمپ په یوه خبري غونډه کې وویل: «زه هیله لرم چې په مناسب وخت کې له کیم جونګ اون سره بیا لیدنه وکړم.»

ټرمپ د خپلې لومړۍ دورې په جریان کې درې ځله د شمالي کوریا له مشر سره کتلي وو، لومړی ځل په سینګاپور کې په ۲۰۱۸، دویم ځل د ۲۰۱۹ کال د فبرورۍ په میاشت کې په هانوي او درېیم ځل په همدې کال د دواړو کوریاوو په غېر پوځي شوې پوله کې چې د لومړي ځل لپاره د امریکا ولسمشر د شمالي کوریا خاورې ته دننه شو.

که څه هم دغه لیدنې د واشنګټن او پیونګ‌يانګ ترمنځ د لنډ مهال لپاره د تاوتریخوالي د کمېدو لامل شوې، خو د شمالي کوریا د اټومي پروګرام پر سر خبرې «بې‌پایلې» پاتې شوې. د ټرمپ د دورې له ختمېدو وروسته مذاکرات ودرېدل او اړیکې یو ځل بیا ترینګلې شوې.

اوس هم د امریکا او شمالي کوریا ترمنځ اساسي اختلاف د پیونګ‌يانګ د اټومي وسلو او توغندیو ازموینې دي.

واشنګټن او متحدان یې دا پروګرام د نړۍوال امنیت لپاره جدي ګواښ بولي، خو پیونګ‌يانګ ټینګار کوي چې دا د دوی د حکومت د بقا تضمین دی.

د راپورونو له مخې، د غزې په ناصر روغتون کې د اسراییل په برید کې لږ تر لږه ۲۰کسان وژل شوي، چې پکې پنځه خبريالان هم شامل وو.

حمدالله فطرت وايي: « اسراییل د جنايتونو او ټولوژنو په دوام، يوازې نن ورځ د لسګونو مظلومو فلسطينيانو تر څنګ پنځه تنه خبريالان هم په شهادت رسولي دي. موږ يو ځل بيا د فلسطين د مسلمانانو روانه نسل وژنه او د اسراییل وحشيانه يرغل په کلکو ټکو غندو.»

هغه زیاته کړې: «د خبريالانو وژنه يو ستر جنايت او د بيان د ازادۍ د مدعيانو پر لمن تور داغ دی.»

د راپورونو له مخې، دجګړې له پیل راهيسې د فلسطين په غزه کې د وژل شویو خبريالانو شمېر له ۲۵۰ څخه اوړي.

د فلسطين خبريالانو اتحاديې او نړيوالو ادارو د دې پېښو غندنه کړې او له نړیوالې ټولنې يې غوښتنه کړې چې د خبريالانو د خونديتوب لپاره جدي اقدامات وکړي.

پاکستان وویل چې هند دغه معلومات له دیپلوماتیکو لارو ور رسولي، نه د ۱۹۶۰ کال د «اېندوس اوبو تړون» له مخې.

د هند یوې سرچینې رویټرز ته ویلي، چې خبرداری یوازې د «بشري خواخوږۍ» له مخې ورکړل شوی.

د روانو بارانونو او سېلابونو له امله تر اوسه په پاکستان کې ۷۹۹ او په هند کې لږ تر لږه ۶۰ تنه مړه شوي دي. چارواکي وايي د سپټمبر تر لسمې به د نورو سختو بارانونو احتمال هم وي.

د پاکستان د پېښو مدیریت ادارې ویلي، د هند له لوري شریک شوي اطلاعات د تاوي سیند د اوبو د ډېرېدو په اړه وو، چې له سرحده تر تېرېدو وروسته د ستلج سیند بڼه خپلوي.

پاکستان بیا هم له هند څخه غوښتي چې د «اېندوس د اوبو تړون» ټول شرایط عملي کړي او خبرداری یې ورکړی چې د تړون ځنډول د نړیوال قانون جدي سرغړونه ده چې د سیمې پر سولې او ثبات منفي اغیزې لرلی شي.

مومني د ایران له تسنیم خبري اژانس سره په ځانګړې مرکه کې وویل، د روان کال له پیل راهیسې نږدې یو میلیون او ۲۰۰ زره کسان خپلو هېوادونو ته ستانه شوي، چې د هغه په وینا، ۷۰ سلنه یې په خپله خوښه وتلي او پاتې نور د ایران د چارواکو په همغږۍ ستانه شوي دي.

نوموړي ټینګار وکړ چې د ایران د میشتونې ظرفیت محدود دی او باید د ناقانونه کډوالو د ستنولو لړۍ دوام ولري.

که څه هم د ایران چارواکي د افغان کډوالو بېرته ستنول د نړیوالو اصولو په چوکاټ کې ګڼي، خو په وروستیو میاشتو کې د بشري حقونو سازمانونو او د کډوالو کورنۍ وايي، چې د ایران حکومت د خپلې خوښې ستنېدنې تر نامه لاندې، په پراخه کچه افغان کډوال په جبري ډول ایستلي دي.

د راپورونو له مخې، یوازې په تېرو میاشتو کې له یو میلیون څخه ډېر افغانان د ایران له خاورې شړل شوي او افغانستان ته ستانه کړل شوي دي.

ستنېدونکي افغانان زیاتوي چې ډېری یې له قانوني پروسې او د ژوند د اساسي اړتیاوو له برابرولو پرته ایستل شوي، چې له امله یې په افغانستان کې د بېوزلۍ، بېکارۍ او د بشري ناورین کچه نوره هم لوړه شوې ده.

ایران د طالبانو تر بیا واکمنېدو وروسته په وار وار اعلان کړی چې د ناقانونه مېشتو افغانانو ستنول به چټک کړي.

دایران د کورنیو چارو وزیر په خپله وروستۍ مرکه کې وویل، چې د افغان کډوالو د ستنولو بهیر له طالبانو سره په همکارۍ پلی کوي.