طالبانو د اروپا امنیت او همکارۍ سازمان نه د متقابل تعامل غوښتنه کړې

د سې‌شنبې په شپه د کابل–کندهار پر لویه لار د کابل ولایت اړوند ارغندۍ سیمه کې یو مساپر وړونکی بس له سړکه اوښتی او یوې درې ته لوېدلی چې له کبله یې ۲۵ کسان مړه او ۲۷ نور ټپیان شوي دي.

د طالبانو د کورنیو چارو وزارت ویاند عبدالمتین قانع د چهارشنبې په ورځ وویل، چې د وزارت په دې بیړنۍ غونډه کې د کورنیو وزارت د امنیتي چارو د ستر معینیت مرستیال مولوي عطاالله انوري، د کابل امنیه قوماندان ملا ولي جان حمزه، د مقام د دفتر سر یاور مولوي عبدالرحیم ثاقب، د ترافیکو لوی رییس سید رحیم جاهد او د پالیسۍ او ستراتیژۍ معینیت علمي او مسلکي مرستیال مولوي شمس الدین ابومنصور ګډون کړی و.

په ناسته کې د ترافیکي پېښو د مخنیوي پر عملي لارو چارو بحث شوی او د ترافیک پولیسو او عامه امن پولیسو تر منځ پر دوامدارې همغږۍ ټینګار شوی دی.

په غونډه کې دا پرېکړه هم شوې، چې د امنیتي چارو د ستر معینیت په همغږۍ هغه مسافر وړونکي موټر چې له ترافیکي قوانینو سرغړونه کوي، ودرول شي او د کابل امنیه قوماندانۍ پولیس د سرغړوونکو د نیولو په برخه کې عملي ګامونه پورته کړي.

پر افغانستان د طالبانو له بیا واکمنیدو سره، په ټول هېواد کې ټرافیکي پېښې زیاتې شوې. طالبان یې لامل د موټرچلوونکو بې پروایي بولي خو خلک یې د ترافیکو په لیکو او مشرتابه کې د غیر مسلکي کسانو ګومارنې ښيي.

طالب چارواکي وايي، چې دا د افغانستان د روغتیا سکټور په تاریخ کې لومړی ځل دی چې په دولتي روغتون کې د ماشومانو د زړه عملیات ترسره کېږي.

د کوچنيانو د زړه جراحۍ څانګه په عصري وسایلو سمباله ده او د ۵۰ بسترونو وړتيا لري.

همدا راز په دې څانګه کې د زړه درې عمليات د افغان متخصصانو له لوري په برياليتوب ترسره شوي او په ورځني ډول د زړه څلور عملیات پکې ترسره کېږي.

د اندراګاندي صحت طفل روغتون بنسټ په ۱۳۴۵ل کال کې د ظاهر شاه او د هند پخواني مرستیال ولسمشر ذاکر حسین له خوا اېښودل شوی او وروسته چې په ۱۳۶۴ کال کې د هند لومړۍ وزیره اندراګاندي ووژل شوه، روغتون د هغې په نامه ونومول شو.

د کوچنيانو د زړه جراحۍ او هيموډیالیز یا وینې تصفیې خدمتونو څانګو په پرانېسته کې د طالبانو د بهرنیو چارو وزیر امیرخان متقي هم ګډون درلود.

ټاکل شوې وه چې متقي نن هند ته لاړ شي، خو د ملګرو ملتونو د امنیت شورا د بندیزونو له کمیټې نه د هغه د معافیت نه ترلاسه کېدو له امله د نوموړي سفر لغو شو.

متقي ته له دې وړاندې د پاکستان د سفر بلنه هم ورکړل شوې وه، چې د سفر معافیت نشتوالي له امله یې تګ وځنډېد.

ددغه معاونیت د معلوماتو له مخې، د طالبانو د ریاست‌الوزرا اقتصادي معاون ملا عبدالغني برادر د عزېزي انرژي ګروپ له رییس میرویس عزېزي او د هغه له تخنیکي ټیم سره لیدلي دي.

په خبر پاڼه کې راغلي، په دې لیدنه کې میرویس عزېزي د پروژې د پرمختګ راپور وړاندې کړ او څرګنده یې کړه چې د تفاهم‌لیک له لاسلیک کېدو وروسته، د اړوندو وزارتونو په همکارۍ تخنیکي ټیمونه بغلان، بلخ، جوزجان، هرات او بامیان ته استول شوي او د تېرو دوو اونیو په ترڅ کې یې د لومړنیو پروژو سروې او تخنیکي معلومات راټول کړي دي.

د خبرپاڼې له مخې، د عزېزي انرژي ګروپ مسوولینو ویلي چې د پروژې د لومړي پړاو عملي چارې به ډېر ژر د اړوندو وزارتونو او ادارو په همکارۍ پیل شي.

خبرپاڼه زیاتوي، میرویس عزېزي خپلې غوښتنې د ریاست‌الوزرا له اقتصادي معاون سره شریکې کړې، چې ملا عبدالغني برادر ا د هغوی د پوره همکارۍ ډاډ ورکړ.

په خبرپاڼه کې همدا راز راغلي چې، د ملا عبدالغني برادر په لارښوونه د اړوندو وزارتونو، ادارو او د عزېزي انرژي ګروپ له استازو ګډه کمېټه جوړه شوې، څو د لس زره مېګاواټه برېښنا د تولید د پروژې چارې تعقیب او څارنه وکړي او خپل منظم راپورونه د اقتصادي معاونیت له مقام سره شریک کړي.

افغانستان د خپلې برېښنا شاوخوا ۷۰ سلنه له ګاونډیو هېوادونو واردوي او یوازې ۳۰ سلنه یې له کورنیو سرچینو ترلاسه کوي.

طالبانو په ګڼو برخو کې د پروژو د پیلیدو ژمنې کړې دي، خو تر اوسه هیڅ یوې سترې پروژه چې ددې ادارې د واکمنۍ پرمهال پیل شوې وي، عملي اړخ نه دی خپل کړی.

سیمه ییزو سرچینو افغانستان انټرنشنل ته ویلي چې دغه نښته د کان کیندنې چینايي شرکتونو له پرمختګ او د امو سیند د څنډو له تخریب وروسته پیل شوه.

په هغو ویډیوګانو کې، چې افغانستان انټرنشنل ته رسېدلې، په داونګ سیمه کې د ډزو غږونه اورېدل کیږي.

د شخړې اواري په موخه د طالبانو او تاجکستان چارواکو د سې شنبې په ورځ (وږي ۴مه) په بدخشان کې سرحدي سیمې ته څېرمه سره ولیدل.

په دې لیدنه کې دواړو لوریو، د نښتې او د کان کیندنې شرکتونو په پرمختګ سربېره، یو بل تورن کړل چې مخالفانو ته په افغانستان او تاجکستان کې پناه ورکوي او روزنه ورکوي.

د طالبانو د بدخشان د کانونو مشر شفیق‌الله حفیظي وايي چې تاجکستان د دې ډلې ۳۵۰ وسله‌وال مخالفین روزي.

نوموړي په خپلو خبرو کې تاجکستاني پلاوي ته وویل، چې ستونزو ته لمن ونه وهي او اوارې یې کړي.

طالب چارواکو د امو سیند د څنډو د تخریب مساله هم راپورته کړې، چې باید سیند د پخوا په څېر په مخکیني ځای کې جریان ومومي.

د تاجکستاني پلاوي یوه غړي په دې ناسته کې طالبانو ته وویل، چې « که تاسې غواړئ او یا نه، موږ درسره دوستي کوو».

خو په ناسته کې طالب چارواکي یې په ځواب کې وویل، چې « دوستان یئ، نو پر موږ ظلم مه کوئ».

د راپورونو له مخې، دوه ورځې وړاندې د بدخشان په داونګ سیمه کې د طالبانو او تاجکستاني ځواکونو ترمنځ نښته کې یو طالب جنګیالی وژل شوی او څلور تنه نور ټپیان شوي دي.

طالبانو خپله مرګ ژوبله تراوسه رسمي نه ده تایید کړې.

هغه وایي له دې سره به د لومړنیو او ثانوي روغتیايي خدمتونو کیفیت لوړ شي، د خلکو روغتیا به خوندي پاتې شي او د هغوی اړتیاوې به پوره شي.

نوموړي دا څرګندونې له تمویل کوونکو او د روغتیا سکتور له نړیوالو شریکانو سره د همغږۍ په ناسته کې د چهارشنبې په ورځ کړې دي.

په دې ناسته کې د طالبانو د عامې روغتیا وزارت د روغتیايي خدماتو د عرضې معیین عبدالولي حقاني، د روغتیا نړیوال سازمان، یونیسف، نړیوال بانک او نورو تمویل کوونکو ادارو استازو ګډون کړی و.

یاد وزارت وایي چې په دې غونډه کې د افغانستان د روغتیايي سکتور اوسنی وضعیت، د مرستو اهمیت او راتلونکي پروګرامونه هم وڅېړل شول.

په ناسته کې جلالي د منابعو اغېزمن مدیریت، د شفافیت اصل ته ژمنتیا او د فساد پر وړاندې مبارزه یوه ګډه دنده وبلله او زیاته یې کړه چې له ۲۰۲۶ کال وروسته به د افغانستان د روغتیايي سکتور لپاره یو روښانه او اوږدمهاله ستراتېژیک پروګرام موجود وي، چې په هغه کې به د وزارت د تمویل کوونکو رول روښانه وي او د خدمتونو ادغام به له هراړخیزې ارزونې وروسته په منطقي ډول عملي شي.