په بلغاریا کې پولیسو ۲۴ افغان کډوال نیولي دي
د بلغاریې سرحدي پولیسو په «لوزینټ» کلي کې د ۲۴ افغان کډوالو د نیولو خبر ورکړی. پولیسو ویلي، چې دغه افغان کډوال یې په یوه قاچاق وړونکي موټر کې نیولي.
د بلغاریې سرحدي پولیسو په «لوزینټ» کلي کې د ۲۴ افغان کډوالو د نیولو خبر ورکړی. پولیسو ویلي، چې دغه افغان کډوال یې په یوه قاچاق وړونکي موټر کې نیولي.
د بلغاریې سرحدي پولیسو د جمعه په ورځ (د وږي ۷مه) خبر ورکړی، چې د افغان کډوالو قاچاق وړونکې موټر د تېښتې هڅه کول، چې له امله یې د نورو موټرو سره ټکر وکړ او دوی ونیوه.
پولیسو ویلي، چې یو شمېر کډوال د اوبو د نشتوالي له کبله بې هوښه شوي وو او تر لومړنۍ طبي درملنې وروسته یې د کډوالو مرکز ته انتقال کړي دي.
د پولیسو چارواکو ویلي، چې افغان کډوالو له ترکیې څخه تر اروپا پوري د ناقونه تګ لپاره قاچاقبرانو ته ۴ زره یورو ورکړي وې.
د بلغاریا د پولیس مشر خبردارۍ ورکړی، چې قاچاقي لارې خطرناکه او د خلکو ژوند له ګواښ سره مخ کوي.
د نوموړي په خبره، چې هره ورځ پر پولو د کډوالو ډلې نیول کیږي.
د کډوالو په چارو کې کارپوهان د ناقانونه کډوالۍ لاملونه د افغانستان اقتصادي ناورین او ناامني ګڼي.
دوی اندېښنه ښودلې، چې که پر وخت د دې ستونزو د حل لپاره اقدام ونه شي دا ډول پېښې به نوري هم جدي انساني او حقوقي ستونزې را ولاړي کړي.
