ترکیې د ۲۵ ټنه مرستو یوه جوپه، چې د استوګنې توکي، د حفظالصحې کېټونه او خوراکي مواد پکې شامل دي، کونړ ته لېږلې ده. دغه مرسته د تېرې یکشنبې د شپې د ۶ درجې زلزلې له امله د طالبانو د بېړنۍ غوښتنې په ځواب کې ترسره شوې ده.
د ترکیې د افتونو او بېړنیو حالاتو ادارې چارواکي ویلي، چې دغه مرستې به د افغاني سرې میاشتې او د ترکیې د سرې میاشتې په همکارۍ زلزلهځپلو کورنیو ته ووېشل شي.
سيف الدین کارابولوت، چې د یادې ادارې د نړیوالو بشري مرستو د څانګې مشر دی او د مرستو د لېږد مشري کوي رسنیو ته ویلي، چې کونړ د دې زلزلې تر ټولو سخت ځپل شوی ولایت دی.
د نوموړي په وینا، د ځایي چارواکو د وروستیو معلوماتو له مخې، لږ تر لږه ۱۴۵۷ کسان وژل شوي او له درې زره ډېر نور ټپيان دي.
کارابولوت زیاته کړه چې د ترکیې د ولسمشرۍ، د کورنیو چارو، د بهرنیو چارو او د ملي دفاع وزارتونو تر همغږۍ وروسته، دا مرستې د کایسري له ایرکیلت هوايي ډګر څخه د ترکیې د هوايي ځواکونو د A۴۰۰M پوځي الوتکې له لارې جلال اباد ته استول شوي.
