د طالبانو له پېښو سره د مبارزې او چمتووالي اداره وايي، د چین سفارت، چینایي بنسټونو او د بهر مېشتو چینایانو د ټولنې له لوري راټول شوي ۳۵۰ زره یوان (شاوخوا ۵۰ زره ډالر) دې ادارې ته سپارل شوي، چې د کونړ له زلزله ځپلو سره په بیړنیو مرستو ولګول شي.
کابل کې د چین سفارت د چارشنبې په ورځ د یوې خبرپاڼې په خپرولو سره ویلي چې باو شوهوی د افغانستان په خیتزو ولایتونو کې د زلزلې مرګژوبلې په اړه خواشیني دی.
هغه ویلي، چې چین د اړتیا له مخې هر ډول مرستې ته چمتو دی.
د طالبانو له پېښو سره د مبارزې ادارې رییس محمد عالم علمیار ویلي، چې «ریښتینی ملګری هغه دی چې په ستونزو کې تر څنګ وي.» هغه زیاته کړې، چې دا مرستې به په بشپړه توګه د بیړنیو مرستو او بیا رغونې لپاره وکارول شي.
