د افغانستان کرېکټ ملي لوبډلې د اسیا جام سیالیو په لومړۍ لوبه کې هانګ کانګ ته ماتې ورکړه

په دغه سیالیو کې به افغانستان دویمه لوبه (د سپټمبر په ۱۶مه) له بنګله‌دېش او د همدې میاشتې (په ۱۸مه نېټه) به درېیمه لوبه له سریلانکا سره وکړي.

د کرېکټ اسیا جام سیالۍ د روانې سپټمبر میاشتې تر ۲۸مې نیټې دوام کوي، چې اته لوبډلې په‌کې ګډون کوي. دغه لوبډلې په دوو ګروپونو وېشل شوې دي. په لومړي ګروپ کې هندوستان، پاکستان، عمان او متحده عربي امارات شامل دي او په دویم ګروپ کې افغانستان، سریلانکا، بنګله‌دېش او هانګ کانګ لوبډلې شاملې دي.

د هر ګروپ دوه غوره لوبډلې به نیمه پای‌لوبې ته لار ومومي. په اسیا جام کې به ټولټال ۱۹ لوبې وشي، چې ۱۱هغه به یې په دوبۍ او اته نورې به یې په ابوظبي کې ترسره شي.

د اسیا جام سیالیو لومړی پړاو په ۱۹۸۴ کال کې ترسره شو، چې یوازې درېیو هېوادونو هند، پاکستان او سریلانکا په‌کې ګډون کړی و.

د دغه جام سیالۍ له هرو دوو کالو وروسته په دواړو شل اوریزو او پنځوس اوریزو فارمټونو کې ترسره کېږي. په سږني اسیا جام سیالیو کې افغانستان هم یو له پیاوړو لوبډلو بلل کېږي، چې د کرېکټ د مبصرو په باور د مخ ته تګ امکان یې ډېر دی.

د افغانستان کرېکټ بورډ یاده درې اړخیزه لوبلړۍ د راتلونکي کال شل اوریز نړیوال جام لپاره د چمتووالي په هدف خورا مهمه بللې ده.

د کرېکټ بورډ اجرايوي رییس نصیب خان وايي:« دا د افغان کرېکټ لپاره یو ستر زېری دی چې یو په بل پسې له سترو لوبډلو سره سیالۍ ترسره کوي او دا سیالۍ په داسې حال کې ترسره کېږي چې د راتلونکي کال د شل اوریز نړیوال جام لپاره هم د درې واړو هېوادونو لپاره یو بشپړ چمتووالی دی.»

پر همدغه مهال د پاکستان کرېکټ بورډ ویلي، چې د دغه هېواد په کوربه توب د افغانستان او سریلانکا کرېکټ لوبډلو سره یې یادې درې اړخیزې سیالۍ د راتلونکي کال شل اوریز نړیوال جام لپاره د غوره چمتووالي په موخه چمتو کړې دي.

د مهال وېش له مخې د یادو سیالیو لومړۍ نړیواله شل اوریزه لوبه به د نومبر میاشتې پر ۱۷مه د راولپنډۍ په کرېکت لوبغالي کې د افغانستان او پاکستان په لوبه پیل شي.

دوهمه لوبه به د نومبر په ۱۹مه نېټه د افغانستان او سریلانکا ترمنځ، درېیمه لوبه د نومبر په ۲۲مه د پاکستان او سریلانکا ترمنځ، څلورمه لوبه د نومبر په ۲۳مه د افغانستان او پاکستان ترمنځ، پنځمه لوبه د نومبر په ۲۵مه د افغانستان او سریلانکا ترمنځ او شپږمه لوبه د نومبر په ۲۷مه نېټه د پاکستان او سریلانکا ترمنځ ترسره کېږي.

د یادې درې اړخیزې سیالۍ پایلوبه به د دوو مخکښو لوبډلو ترمنځ د نومبر په ۲۹مه په لاهور کې ترسره شي.

افغان ملي لوبډلې تېره جمعه متحده عربي اماراتو ته په دې لوبلړۍ کې د ۴ وېکټو په توپیر ماتې ورکړه او له دې سره یې درې سیالۍ وګټلې.

په دې لوبلړۍ کې افغان لوبډلې دوه لوبې له اماراتو او یوه هم له پاکستان ګټلې ده. افغانستان په یادې لوبلړۍ کې خپله لومړنۍ لوبه پاکستان ته بایللې وه.

د کرېکټ چارو کارپوهانو په اند، افغان لوبډله اوس مهال په روانو سیالیو کې له ښه مورال څخه برخمنه ده او د بریا چانس یې هم ډېر دی.

د یادونې ده چې دا سیالۍ د متحده عربي اماراتو په کوربه‌توب د دغه هېواد په شارجه کرېکټ لوبغالي کېږي.

د افغانستان او متحده عربي اماراتو کرېکټ لوبډلو ترمنځ د څلورمې سیالۍ پچه افغان لوبډلې وګټله او لومړی یې د توپوهنې پرېکړه وکړه.

افغان ملي لوبډلې د خپلو ۴ لوبغاړو په سوځېدو ۱۷۱ منډې هدف وټاکه.

د افغان لوبډلې توپوهونکي ابراهیم ځدران ۴۸ او رحمان الله ګربز ۴۰ منډې جوړې کړې.

متحده عربي اماراتو د خپلو پنځو لوبغاړو په سوځېدو ۱۶۶ منډې جوړې کړې او د ۴ منډو په توپير یې ماتې وخوړه.

افغانستان کرېکټ ملي لوبډله به د یکشنبې په ورځ د همدې لوبلړۍ وروستۍ لوبه د پاکستان لوبډلې سره تر سره کړي.

د افغانستان د شل اوریزو ملي بولډلې لوبډلمشر راشد خان په شل اوریزو نړۍوالو سیالیو کې نوی ریکارډ جوړ کړ او د دغو سیالیو په تاریخ کې یې تر ټولو ډېرې ویکټې ترلاسه کړې.

راشد خان تر اوسه په شل اوریزو نړۍوالو سیالیو کې ۱۶۵ ویکټې ترلاسه کړي او پر بنسټ یې د نیوزیلنډ د تکړه توپ‌ اچوونکي «ټېم ساوتي» د ۱۶۴ ویکټو ریکارډ مات کړ او نوی تاریخ یې په خپل نوم ثبت کړ.

د یادونې وړ ده چې راشد خان په ټولو شل اوریزو سیالیو (هغه چې نړۍوالې نه شمېرل کېږي) کې هم د نړۍ په کچه تر ټولو ډېرې ۶۶۴ ویکټې ترلاسه کړې دي.