حقاني یوځل بیا د طالبانو له پولیسو نه له خلکو سره د ښه چلند غوښتنه کړې
د طالبانو د کورنیو چارو وزارت ویلي، چې د سراج الدین حقاني په مشرۍ د رهبرۍ ناسته ترسره شوې او په دې ناسته کې حقاني د دې ډلې پولیسو ته له خلکو سره پر ښه چلند کولو ټینګار کړی دی.
د طالبانو د کورنیو چارو وزارت ویلي، چې د سراج الدین حقاني په مشرۍ د رهبرۍ ناسته ترسره شوې او په دې ناسته کې حقاني د دې ډلې پولیسو ته له خلکو سره پر ښه چلند کولو ټینګار کړی دی.
د طالبانو د کورنیو چارو وزارت د یوې خبرپاڼې په خپرولو سره ویلي، چې د چار شنبې په ورځ د دې ډلې د کورنیو چارو وزیر سراج الدین حقاني په مشرۍ د رهبرۍ ناسته کې د امنیتي موضوعاتو ترڅنګ پر ټولنیزو موضوعاتو هم بحثونه شوي دي.
سراج الدین حقاني په دې ناسته کې ټینګار کړی، چې د خلکو د فردي او ټولنیز امنیت د ټینګښت لپاره دې زیاتې هڅې وشي.
نوموړي ویلي:« د هېواد په کچه د پولیسو ټول ځواکونه باید د ولس او خلکو لپاره ریښتینی خدمت وړاندې کړي او د ولس د اعتماد ترلاسه کولو په موخه باید پوره هلې ځلې وشي چې د ولس او پولیسو ترمنځ هېڅ ډول واټنونه رامنځته نه شي.»
طالب مشرانو له دې وړاندې هم تر خپل لاس لاندې جنګیالو ته له خلکو سره پر ښه چلند کولو ټینګار کړی، خو لا هم د یادې ډلې د کورنیو چارو وزارت او استخباراتو اړوند کسانو څخه خلک شکایتونه کوي.