بنیامین نتنیاهو: زموږ دوښمنان باید پوه شي چې اسراییل به خپلې لارې ته دوام ورکړي

سټارمر د چهارشنبې په ورځ په کلکه د خپل سفیر ملاتړ وکړ ځکه چې د امریکا د ولسمشر ډونالډ ټرمپ رسمي سفر، چې منډیلسن ورسره قوي اړیکې جوړې کړي، راتلونکې اونۍ د راتلو په حال کې دی.

ټرمپ هم د اپسټین سره د اړیکو په تړاو تر پوښتنولاندې راغلی، خو سپینې ماڼۍ ویلي چې د ټرمپ له خوا اپسټین ته د زېږون مبارکۍ لیک جعلي دی.

امریکايي قانون جوړوونکو داسې لیک خپور کړی چې په هغه کې منډلس اپسټین «نږدې ملګری» بللی دی.

رسنیو هم ځیني ایمیلونه خپاره کړي چې ښیې منډلس په ۲۰۰۸ کې اپسټین ته مشوره ورکړې وه چې د ۱۸ میاشتو بند سزا د مودې له تېرولو مخکې دې د خوشې کېدو هڅه وکړي.

د بریتانیا د بهرنیو چارو وزارت ویلي: «ایمیلونه ښيي چې د منډلسن اړیکې له اپسټین سره تر هغه ډېرې وې څومره چې د ده د ګمارنې پر مهال معلومې وې.»

سټارمر د همدې امله د هغه د لرې کېدو غوښتنه وکړه.

منډلسن د چهارشنبې په ورځ ویلي و چې له اپسټین سره په لیدو ډېر پښیمان دی او دا اړیکه یې “له اړتیا ډېر اوږده” وساتله، ځکه یې د یوه “فریبکاره جنایتکار” پر درواغو یې باور کړی و.

زیلینکسي په کیېف کې د فنلنډ له ولسمشر الکساندر سټوب سره په ګډ خبري کنفرانس کې ویلي، چې اوکراین چمتو دی د خپلو متحدینو د هڅو ملاتړ وکړي.

نوموړي ویلي، د پولنډ په څېر هېوادونه دې د هوايي دفاع تګلارې وڅېړي، ځکه د امریکا له خوا جوړ شوي پرمختللي سیستمونه د روسیې د ارزانه ډرونونو پر وړاندې نه شي کارولی.

نوموړي زیاته کړې:« په نړۍ کې هېڅوک دومره توغندي نه لري چې د ډرونونو ټول ډولونه په نښه کړي.»

زیلینسکي ویلي، چې اوکراین د لویدیز له اوږد واټنه دفاعي سیستمونو څخه استفاده کوي، خو په کور دننه یې د روسي بریدونو د مخنیوي لپاره پرمختللی سیستم جوړ کړی او اوکراین چمتو دی چې په دې برخه کې همکاري وکړي.

هغه زیاته کړه ، د امریکا د جوړ شوی«پېټریوت» توغندیز سیستم په څېر وسلې ډېرې ګرانې دي چې د روسیې د ارزانه ډرونونو پر وړاندې وکارول شي.

د اوکراین ولسمشر زیلینسکي دغه څرګندونې پر داسې مهال کړې، چې د پولنډ لومړي وزیر د چهارشنبې په ورځ ویلي و، چې په خپل فضايي حریم کې یې د روسیې ۱۹ بې‌پيلوټه الوتکې ویشتلې دي.

د ځوانانو اعتراضونه هغه مهال پيل شول چې حکومت پر ټولنيزو شبکو بندیزونه ولګول.

په دغو اعتراضونو او مظاهرو کې لسګونه کسان ووژل شول، سلګونه نور ټپيان شول او يو شمېر دولتي او سوداګريزې ودانۍ وسوځول شوې. د اعتراضونو په پراخېدو سره، د نیپال حکومت پوځي حالت اعلان کړ.

د نیپال پخوانۍ قاضي القضاته سوشيلا کارکي د لنډمهالې مشرۍ لپاره کلیدي نومانده ګڼل کېږي او ډېری معترض مشران یې ملاتړ کوي. نوموړې په ۲۰۱۶ کال کې د نیپال لومړنۍ مېرمن وه چې د سترې محکمې د مشرې په توګه وټاکل شوه.

د معترضانو د غورځنګ ۳۴ کلن ملاتړي سوجيت کمار جاه ويلي دي: «موږ سوشيلا کارکي همغسې وینو لکه چې ده؛ رښتینې، زړوره او باجراته، هغه یو ښه انتخاب دی».

يوې باخبرې سرچينې چې نه يې غوښتل نوم يې واخیستل شي رویټرز ته ويلي چې ۷۳ کلنې سوشيلا کارکي د مشرۍ لپاره رضایت ښودلی، خو د ټاکلو لپاره یې د قانوني لارې موندل لا هم تر غور لاندې دي.

که څه هم، د هغې د نوماندۍ په اړه د معترضانو ترمنځ اختلافونه شته او دوی هڅه کوي يوې ګډې پرېکړې ته ورسېږي. پوځ تر اوسه په دې اړه رسمي دريځ نه دی څرګند کړی.

د پوځ وياند راجا رام باسنت وړاندې ويلي و: «لومړنۍ خبرې روانې دي او نن به هم دوام ولري. موږ هڅه کوو چې حالات ورو ورو عادي شي.»

په پلازمېنه کتمندو او شاوخوا سيمو کې پلورنځي، ښوونځي او پوهنتونونه تړل شوي دي، خو ځينې اړين خدمتونه بېرته پيل شوي دي. پوځ ويلي چې بندیزونه به په پلازمېنه او شاوخوا سيمو کې پر ځای وي.

د نیپال د روغتيا وزارت د پنجشنبې په ورځ اعلان وکړ چې د اعتراضونو د قربانيانو شمېر ۳۰ تنو ته رسېدلی او ۱۰۳۳ تنه نور ټپيان شوي دي.

د طالبانو د کورنیو چارو وزارت ویاند عبدالمتین قانع د پنجشنبې په ورځ وویل، چې په خوست ښار کې د کمرو لګولو پروژه د دغه ولایت د امنیه قوماندانۍ له خوا د ۳،۵۹ میلیونه افغانیو په ارزښت پلې شوې ده.

طالبانو ویلي، چې د څارونکو کمرو لګول به په خوست ښار کې د جرمي پېښو په کنټرول، د مجرمانو پېژندنې او ژر نیولو کې مهم رول ولري.

په ورته وخت کې په خوست کې د طالبانو د والي ویاند مستغفر ګوربز ویلي، د دې کمرو له لارې به د ښار مهم سړکونه، څلورلارې، مارکېټونه، دولتي ادارې او ګڼ مېشتي ځایونه ۲۴ ساعته تر څارنې لاندې وي.

دا په خوست ولایت کې د امنیتې کمرو لګولو دویمه پروژه ده او تردې وړاندې هم په دغه ولایت کې ۱۵ امنیتي کمرې لګول شوې وې.

ټرمپ په خپل پیغام کې ویلي چې چارلي کرک «د ریښتینولۍ او خپلواکۍ یوه نمونه» بللی دی.

د امریکا ولسمشر نږدې ملاتړی او د محافظه‌کارو ځوانانو پېژندل شوی فعال چارلي کرک د چهارشنبې پر ورځ د یوتا ایالت په یوه پوهنتون کې د وینا پرمهال په یوه وسله‌وال برید کې ووژل شو.

چارلي کرک په بېلابېلو پوهنتونونو کې په عام محضر کې په بحثونو او مناظرو مشهور و او میلیونونه څارونکي او مینه‌وال یې لرل.