د نیپال پخوانۍ قاضي‌القضاته سوشیلا کارکي د دغه هېواد د لنډمهاله مشرې په توګه وټاکل شوه

هغه د قطر پر پلازمېنې دوحې د وروستي برید یادونه کړې، چې پکې د حماس د سیاسي مشرانو استوګنځایونه موخه ګرځول شوي وو.

نوموړي ټینګار کړی، چې قطر باید اجازه ورکړي څو د سپاه پاسدارانو پرمختللي «فتاح» توغندي د دې هېواد په خاوره کې ځای پر ځای شي، څو د اسراییل د احتمالي بریدونو پر وړاندې د دفاع توان لوړ کړي.

زارعي په خپلو څرګندونو کې دا هم ویلي، چې د قطر لپاره اړینه ده څو د امریکا د پوځي ځواکونو وتل تضمین کړي.

د هغه په باور، د امریکا پوځي حضور په قطر کې نه یوازې د دې هېواد امنیتي خپلواکۍ ته زیان رسوي، بلکې د سیمې د کړکېچونو د دوام یو لامل هم دی.

امنیت شورا چې ټول ۱۵غړي یې د پرېکړې ملاتړ کوي، په خپلو خبرو کې ټینګار کړی چې پر قطر بریدونه د نړۍوالو قوانینو او د ملګرو ملتونو د منشور ښکاره سرغړونه ده. یادې شورا د ملکي وګړو د خوندیتوب غوښتنه وکړه او په ټینګار یې وویل، چې د هېوادونو ملي حاکمیت او د هغوی خاورې باید خوندي پاتې شي.

کارپوهان وایي، چې د قطر پر پلازمېنې برید د سیمې د لا ډېر بې‌ثباته کېدو لامل کېدای شي. قطر په تېرو کلونو کې د منځني ختیځ د شخړو د منځګړیتوب په چارو کې مهم رول لوبولی او د حماس د سیاسي دفتر کوربه هېواد ګڼل کېږي. د همدې موضوع له امله، د دوحې په نښه کېدل د دې هېواد د رول د کمزوري کولو هڅه ګڼل کېږي.

بلخوا، واشنګټن د برید پر وړاندې څرګند دریځ ونیوو او هغه یې په اوسني حساس وخت کې د امریکا او اسراییل په زیان وباله.

د امریکا د بهرنیو چارو وزارت ویلي، که څه هم امریکا د اسراییل د امنیت ملاتړ کوي، خو داسې یو اړخیز عملیات کولای شي د جګړې لمن پراخه کړي او د سیمه ییزو شخړو لپاره د سیاسي حل امکانات محدود کړي.

د ملګرو ملتونو د امنیت شورا د پرېکړې ترڅنګ، یو شمېر نړۍوالو بشري سازمانونو هم پر ملکي اهدافو د بریدونو په اړه اندېښنه څرګنده کړې ده. هغوی وایي، چې په تاوتریخوالي کې د زیاتوالي دوام به د بشري ناورین د پراخېدو لامل شي.

د نړۍوالو څارونکو په باور، که پر دوحه بریدونه دوام وکړي، دا نه یوازې د قطر ملي امنیت، بلکې د خلیج هېوادونو او پراخې سیمې ثبات ته جدي ګواښونه رامنځته کوي.

نتنیاهو دا څرګندونې وروسته له هغې وکړې، چې د اسراییل پوځ په یمن کې د حوثي یاغیانو پر مهمو ځایونو بریدونه ترسره کړل.

هغه ټینګار وکړ: «هېڅ ډول تضاد او دوه‌ګونی چلند نشته، بلکې یو ګډ ترکیب دی او دا ترکیب ډېر پیاوړی دی. زموږ ټول دوښمنان باید پوه شي چې موږ خپله لار تعقیبوو.»

د اسراییل لومړي وزیر زیاته کړه، چې د یمن په جګړه کې هم داسې کسان موجود وو چې د موضوع پر اهمیت نه پوهېدل او د اسراییل ترڅنګ و نه درېدل، خو هېواد یې «بې‌وېرې او په ستر باور» عمل کوي څو د اسراییل دوام او بقا ډاډمن کړي.

سټارمر د چهارشنبې په ورځ په کلکه د خپل سفیر ملاتړ وکړ ځکه چې د امریکا د ولسمشر ډونالډ ټرمپ رسمي سفر، چې منډیلسن ورسره قوي اړیکې جوړې کړي، راتلونکې اونۍ د راتلو په حال کې دی.

ټرمپ هم د اپسټین سره د اړیکو په تړاو تر پوښتنولاندې راغلی، خو سپینې ماڼۍ ویلي چې د ټرمپ له خوا اپسټین ته د زېږون مبارکۍ لیک جعلي دی.

امریکايي قانون جوړوونکو داسې لیک خپور کړی چې په هغه کې منډلس اپسټین «نږدې ملګری» بللی دی.

رسنیو هم ځیني ایمیلونه خپاره کړي چې ښیې منډلس په ۲۰۰۸ کې اپسټین ته مشوره ورکړې وه چې د ۱۸ میاشتو بند سزا د مودې له تېرولو مخکې دې د خوشې کېدو هڅه وکړي.

د بریتانیا د بهرنیو چارو وزارت ویلي: «ایمیلونه ښيي چې د منډلسن اړیکې له اپسټین سره تر هغه ډېرې وې څومره چې د ده د ګمارنې پر مهال معلومې وې.»

سټارمر د همدې امله د هغه د لرې کېدو غوښتنه وکړه.

منډلسن د چهارشنبې په ورځ ویلي و چې له اپسټین سره په لیدو ډېر پښیمان دی او دا اړیکه یې “له اړتیا ډېر اوږده” وساتله، ځکه یې د یوه “فریبکاره جنایتکار” پر درواغو یې باور کړی و.

زیلینکسي په کیېف کې د فنلنډ له ولسمشر الکساندر سټوب سره په ګډ خبري کنفرانس کې ویلي، چې اوکراین چمتو دی د خپلو متحدینو د هڅو ملاتړ وکړي.

نوموړي ویلي، د پولنډ په څېر هېوادونه دې د هوايي دفاع تګلارې وڅېړي، ځکه د امریکا له خوا جوړ شوي پرمختللي سیستمونه د روسیې د ارزانه ډرونونو پر وړاندې نه شي کارولی.

نوموړي زیاته کړې:« په نړۍ کې هېڅوک دومره توغندي نه لري چې د ډرونونو ټول ډولونه په نښه کړي.»

زیلینسکي ویلي، چې اوکراین د لویدیز له اوږد واټنه دفاعي سیستمونو څخه استفاده کوي، خو په کور دننه یې د روسي بریدونو د مخنیوي لپاره پرمختللی سیستم جوړ کړی او اوکراین چمتو دی چې په دې برخه کې همکاري وکړي.

هغه زیاته کړه ، د امریکا د جوړ شوی«پېټریوت» توغندیز سیستم په څېر وسلې ډېرې ګرانې دي چې د روسیې د ارزانه ډرونونو پر وړاندې وکارول شي.

د اوکراین ولسمشر زیلینسکي دغه څرګندونې پر داسې مهال کړې، چې د پولنډ لومړي وزیر د چهارشنبې په ورځ ویلي و، چې په خپل فضايي حریم کې یې د روسیې ۱۹ بې‌پيلوټه الوتکې ویشتلې دي.