صالح: یرغمل نیول او د ښځو له حقونو سرغړونې له طالبانو سره د خبرو د اجنډا په سر کې دي

د طالبانو د بهرنیو چارو وزارت نن یکشنبه د (وږي ۲۳مه) د چاپان د سفیر په حواله لیکلي، چې نوموړي ویلي ځينې پاتې موضوعات بايد د مثبت تعامل او ډيالوګ په نتیجه کې حل او فصل شي.

د طالبانو د بهرنیو چارو وزیر امیرخان متقي په دې لیدنه کې په تېرو څلورو کلونو کې د طالبانو او د سیمې او نړۍ تر منځ د «مثبتو تعاملاتو» يادونه کړې ده.

متقي له افغانانانو سره د جاپان خواخوږي ستایلې او په دې وروستيو کې له زلزله ځپلو سره يې د جاپان د مرستو مننه کړې ده.

له دې وړاندې په افغانستان کې د چاپان سفیر اکويوشي کورمايا اندېښنه ښکاره کړې وه،چې د افغانستان خلک د خوراکي توکو له کمښت سره مخ دي، بهرنۍ مرستې کمې شوې او اقتصاد یې په ټپه ولاړ دی.

هغه ویلي و، چې جاپان د افغان مېرمنو ملاتړ کوي او هیله یې څرګنده کړې، چې طالبان به د ښځو په اړه له نسبتاً نرمې پالیسۍ څخه کار واخلي

په افغانستان کې د جاپان سفارت د ۲۰۲۱ کال د اګسټ په میاشت کې د طالبانو له راتلو سره سم په موقت ډول د قطر هېواد ته انتقال شو، خو د تېر کال په سپټمبر میاشت کې یې په کابل کې بېرته په فعالیت پیل وکړ.

د طالبانو ویاندویانو اعلان وکړ، چې د هبت الله د حکم پر اساس د دې ډلې د سترې محکمې اړوند د یو شمېر طالب چارواکو په دندو کې ادلون بدلون راغلی دی.

د هبت الله د حکم له مخې، د طالبانو د سترې محکمې نظامي مرستیال د دې ډلې د مرکزې دارالافتا د لوی رییس په توګه ټاکل شوی او د سترې محکمې پخوانی قضايي مرستیال شیخ سردار محمد ابو الفیضان یې د سترې محکمې د نظامي مرستیال په توګه په دنده ګومارلی دی.

د طالبانو مشر تردې وړاندې هم د خپلو حکمونو پر اساس د طالب وزیرانو، والیانو، امنیه قوماندانانو په ګډون د ګڼو ادارو د مسوولینو په دندو کې هم ادلون بدلون راویستی، خو نوموړي په خپلو ټاکنو کې ټول طالب چارواکي له یوې ادارې په بله اداره کې په دندو ګومارلي او له طالبانو پرته نور څوک نه دي ګومارل شوي.

پاکستاني رسنیو د ډیپلوماتیکو سرچینو له قوله راپور ورکړی، چې محمد صادق به د راتلونکي اونۍ په لومړیو ورځو کې کابل ته سفر وکړي او د یاد سفر په ترڅ کې به د افغان طالبانو له خوا له ټي ټي پي سره د همکارۍ او هغوی ته د خوندي پناه ځایونو ورکولو موضوع له کابل سره شریکه کړي.

په راپور کې ویل شوي، چې پاکستان طالبانو ته داسې سندونه وړاندې کړي، چې ټي ټي پي له هند څخه د پیسو په ترلاسه کولو ترهګر روزي او وسلې ترلاسه کوي.

د پاکستان د بهرنیو چارو وزیر په ګډون د دغه هېواد چارواکو تردې وړاندې هم د ټي ټي پي او کابل ترمنځ د ژورو اړیکو د پرې کولو او شکایتونو په اړه افغانستان ته سفرونه کړي دي، خو طالبانو تل ویلي، چې هېڅ ډلې ته اجازه نه ورکوي، چې د افغانستان خاوره د ګاونډيو هېوادونو پر ضد وکاروي.صادق خان کابل ته پر داسې مهال سفر کوې چې د سپټمبر له ۱۰مې تر ۱۳مې نیټې د خېبر پښتونخوا په بېلابېلو سیمو کې د نښتو په ترڅ کې ۱۹ پاکستاني سرتیري وژل شوي دي.

پر همدغه مهال د پاکستان لومړي وزیر شهباز شریف تېره ورځ د پاکستاني سرتیرو د جنازې په مراسمو کې تر ګډون وروسته ویلي و، چې افغانستان د ترهګرو او پاکستان ترمنځ باید یو انتخاب وکړي او د دې مسالې په اړه هېڅ ډول ابهام ورته د منلو وړ نه دی.

د پاکستان لومړي وزیر ادعا کړې وه، چې افغانان د پاکستان په ترهګریزو پېښو کې ښکیل دي.

د خوست امنیه قوماندان مطبوعاتي دفتر نن شنبه د (وږي ۲۳مه) د یوې اعلامیې په خپرولو سره ویلي، چې د متضرر کس له‌خوا د عرض پاڼې له مخې یاد شکمن کسان‌ نیول شوي دي.

دوی همدراز زیاتوي، چې تورن کسان دا مهال د نورو قانوني څېړنو لپاره د اسماعیلو خېلو او مندوزیو ولسوالۍ ابتدایه محکمې ته معرفي شوي دي.

طالبان وايي تراوسه معلومه نه ده، چې د زهرجنې دوا پاشلو انګیزه شخصي دښمني او که بله شخړه وه، خو موضوع د لا نورو څیړنو لپاره اړوندو ارګانونو ته سپارل شوې ده.

د طالبانو تر واک لاندې ملي راډیو او ټلوېزیون نن (یک‌شنبه، وږي ۲۳مه) لیکلي چې دغه هوکړه‌لیک د دې ادارې د پالیسۍ او مسلکي معین ملا زین‌العابدین عابد او افغانستان کې د ناروې کمېټې د مشر تاریا واتردال تر منځ لاسلیک شو.

د راپور له‌مخې، دا پيسې به په بدخشان، فاریاب، بلخ او تخار ولایتونو کې د زده‌کړو، د څښلو پاکو اوبو، روغتیا او چاپېریال ساتنې په برخو کې ولګول شي.

په راپور کې د ناروې کمېټې مشر په حواله ویل شوي چې هغه د ګډې همکارۍ او نورو پروګرامونو کې د ونډې اخیستلو ژمنه هم وکړه.