طالبانو په ۲۴ ساعتونو کې ۳۳ کسان د بېلابېلو جرمونو په تور نیولي

یاده جبهه وايي، چې ځواکونو یې دغه عملیات د یکشنبې په شپه، د وږي پر ۳۰مه، د لویې لارې په مسیر کې ترسره کړل.

ملي مقاومت جبهه وايي، چې د طالبانو فیلډر موټر، چې وسله وال پکې سپاره وو، د برید هدف ګرځېدلی او وسلې یې هم نیول شوې دي.

طالبانو تر اوسه ددې پېښې پخلی نه دی کړی.

د یاد وزارت په خبرپاڼه کې چې په ایکس خپره شوې راغلي، جلالي د دواړو هېوادونو ترمنځ روغتیایي همکارۍ اړینې وبللې او زیاته یې کړه: «له دې امله چې ختیزو ولایتونو کې وروستیو زلزلو خلکو ته پراخ زیانونه اړولي، اړینه ده چې ټپيانو ته ښه او اغېزناک روغتیایي خدمتونه وړاندې شي.»

د خبرپاڼې د معلوماتو له مخې، جلالي له قزاقستان څخه د زړه او سرطان ناروغیو، رادیولوژۍ او عصبي جراحي په برخه کې د تجربو د شریکولو غوښتنه کړې ده او هیله یې څرګنده کړې چې تېرې همکارۍ دوامدارې شي.

په خبرپاڼه کې همدا راز راغلي، د قزاقستان سفیر افغانستان "دوست هېواد" بللی او ویلي یې دي چې قزاقستان به د افغان روغتیايي کارکوونکو د روزنې ترڅنګ، دوامدارې همکارۍ وکړي.

د خبرپاڼې له مخې، نوموړي ویلي په نږدې راتلونکې کې به د ۲۰ کسانو تخنیکي جراحي ډله کابل ته واستول شي چې د زلزله‌ځپلو ناروغانو وړیا عملیات ترسره کړي.

د راپورونو له مخې، پېښه د خار ـ ناوګۍ سړک په خزانې سیمه کې شوې ده.

د دوی په وینا، میر اعظم خان چې ۴۵ کاله عمر یې درلود، له کوره د خزانې ډاګ سیمې پر لور روان و، چې وسله والو پرې ډزې وکړې او سخت ټپي شو او وروسته په روغتون کې ومړ.

عوامي نېشنل ګوند د یوې خبرپاڼې په خپرولو سره د میر اعظم خان وژنه غندلې او هغه یې د سیمې لپاره یوه زړور او ولس‌پاله څېره بللې ده.

د عوامي نشنل ګوندپه اعلامیه کې ټینګار شوی چې تاوتریخوالي او دغه ډول بریدونه به د دوی او ولس اراده کمزورې نه کړي، بلکې د ترهګرۍ پر وړاندې به یې د مبارزې هوډ لا پیاوړی کړي.

ګوند د پاکستان له حکومت نه غوښتي چې د میر اعظم خان قاتلان ونیسي او د قانون منګولو ته یې وسپاري.

د روسي رسنیو د رپوټ له مخې، ضمیر کابلوف ټینګار کړی، چې په افغانستان کې د حضور په تړاو د امریکا هر ډول هڅه د واشنګټن لپاره ډېرې منفي پایلې لرلای شي.

تر دې وړاندې د امریکا ولسمشر ډونالډ ټرمپ طالب چارواکو ته ګواښ کړی و چې که د بګرام هوايي اډه امریکا ته ونه سپاري، بدې پایلې پېښېدای شي.

امرالله صالح پر ایکس لیکلي، چې د پاکستان هوايي ځواک په خیبر پښتونخوا کې د ملکي خلکو پر کورونو بمونه غورځولي او د ښځو او ماشومانو په ګډون یې ۲۳ ملکي وګړي وژلي دي.

هغه پوښتنه کړې: «ایا فکر کوئ که په پنجاب کې ۲۳ ملکي کسان وژل کېدلای، څه به پېښ وای؟»

صالح ټینګار کړی، چې د پخوانيو قبایلي سیمو خلک تل د پاکستان د سیاست د قربانۍ برخه ګرځول شوي او ان د دغه هېواد اصلي رسنۍ هم ورته پوره پام نه کوي.

د ده په وینا، دا ډول کړنې د پاکستان د بالکاني کېدو یا وېش او ټوټې کېدو پیل ښيي.

نوموړي زیاته کړې: «طالبان، که د افغانستان دي او که د پاکستان، د اسلام‌اباد جوړ شوي زهر دي، پوځ یې هم حل لري، خو دا حل د ایف ۱۶ الوتکو له لارې د ملکي خلکو وژل نه دي.»

پخواني مرستیال ولسمشر څرګنده کړې، چې د پاکستان اوسنی دفاع وزیر باید د خپلو پخوانیو څرګندونو له امله، چې په ۲۰۲۰ کال کې یې د طالبانو او ترهګرۍ ستاینه کړې وه، له افغانانو بښنه وغواړي.