طالبانو له موسسو غوښتي چې په کونړ کې له زلزله‌ځپلو سره په بېلابېلو برخو کې همکاري وکړي

د طالبانو د بهرنیو چارو وزارت د سرپرست او د امریکايي بندیانو په چارو کې د ټرمپ د استازي تر منځ له نننۍ کتنې وروسته د امیر امیري په نوم یو امریکایی ازاد شو، خو د افغاني الاصله امریکايي محمود شاه حبیبي برخلیک لا تر اوسه نه دی مشخص شوی.

د طالبانو د بهرنیو چارو وزارت په یوې اعلامیه کې ویلي، دوی د اتباعو مسایلو ته له سیاسي زاویې نه ګوري او زیاتوي، چې د ډیپلوماسۍ له لارې د مسایلو د حل لپاره لارې چارې موندل کېدای شي.

د محمود شاه حبیبي ورور احمدشاه حبیبي له افغانستان انټرنشنل-پښتو سره په خبرو کې وویل: «د امریکا د حکومت مذاکرات له طالبانو سره جریان لري او دوی کوښښ کوي چې زما ورور محمود شاه حبیبي هم ژر تر ژره ازاد کړي.»

د نوموړي په وینا، دمګړی د محمود شاه حبیبي په ګډون ۳ امریکايان له طالبانو سره بندیان دي، خو طالبانو لا تر اوسه په روښانه ټکو د محمود شاه حبیبي د نیونې او برخلیک په تړاو څه نه دي ویلي.

احمد شاه حبیبي زیاتوي: «د امریکا له حکومت سره ټول شواهد او ثبوتونه شته چې هغه [محمود شاه حبیبي] د دوی [طالبانو] په بند کې دی.»

محمد شاه حبیبي چې یو افغان الاصله امریکایی دی، د ۲۰۲۲ کال په اګسټ کې د طالبانو د استخباراتو له خوا په کابل کې د القاعدې د مشر اېمن الظواهري د استوګنې ځای په پیژندلو کې د مرستې په تور نیول شوی دی.

تر دې مخکې د افغان سولې لپاره د امریکا پخواني ځانګړي استازي زلمي خلیلزاد ویلي، طالبان دې پایلې ته رسېدلي، چې د امریکایي یرغمل وګړو ساتل شتمني نه، بلکې د اوږو بار ګرځېدلی.

خلیلزاد د بندیانو مساله د امریکا او طالبانو د اړیکو پر وړاندې تر ټولو مهم خنډ بللی او همداراز یې هیله څرګنده کړې، چې په دې برخه کېبه ډېر ژر پرمختګ وشي.

د امریکا د بهرنیو چارو وزارت د یکشنبې په ورځ (د تلې ۶مه) په افغانستان کې د خپل امریکايي وګړي د خوشې د هرکلي‌ په خبرپاڼه کې د قطر له رول څخه هم مننه کړې.

په خبرپاڼه کې راغلي: «د امریکايي وګړي امیر امیري چې په ناحقه په افغانستان کې بندي وو، د خوشي کېدو هرکلی کوو، موږ په دې برخه کې د قطر د قوي ملګرتيا او ډیپلوماتیکو هڅو او رول څخه هم مننه کوو.»

په خبرپاڼه کې راغلي، چې یو شمېر نور امریکايي وګړي لا هم په افغانستان کې ناحقه بندیان دي.

د امریکا د بهرنیو چارو وزیر مارکو روبیو هم په دې اړه پر خپلې اېکس پاڼې لیکلي، چې حکومت یې په افغانستان کې د نورو امریکايي‌ وګړو په خوشې کېدو کې جدي دی.

نوموړي‌ لیکلي: «حکومت او ولسمشر ټرمپ به تر هغه وخته ارام و نه کړي، څو پورې چې زموږ ټول بندیان وطن ته راستانه شوي نه وي.»

نن د طالبانو د بهرنیو چارو وزیر د امریکايي بندیانو په چارو کې د ټرمپ له استازي سره کتلي او د امیر امیري په نامه یې یو امریکایی وګړی خوشې کړی.

د طالبانو د بهرنیو چارو وزارت وايي، دوی د اتباعو مسایلو ته له سیاسي زاویې نه ګوري او د ډیپلوماسۍ له لارې د مسایلو حل موندل کېدای شي.

دغه امریکایی وګړی په داسې حال کې خوشې کېږي، چې د افغان امریکايي وګړي محمود شاه حبیبي په اړه تراوسه طالبانو هېڅ اقدام نه دی کړی.

د طالبانو بهرنیو چارو وزارت په یوه اعلامیه کې وویل، چې دوی د اتباعو مسایلو ته له سیاسي زاویې نه ګوري او په ډاګه کوي، چې د ډیپلوماسۍ له لارې د مسایلو د حل لپاره لارې چارې موندل کېدای شي.

امیر خان متقي د امریکايي بندي د خلاصون د اسانچارۍ په برخه کې د قطر دولت د رول مننه کړې ده.

طالبان وايي،د ولسمشر ټرمپ استازي د امريکايي تبعه د خلاصون له پرېکړې هرکلی کړی دی.

اعلامیه وايي، چې اډم بولر د طالبانو او امريکا متحده ايالتونو ترمنځ د خبرو پخوانی پړاو رغنده وباله او هيله يې څرګنده کړه چې پاتې مواردو باندې به هم خبرې دوام پيدا کړي.

دغه امریکایی تبعه په داسې حال کې خوشی کیږي، چې د افغان امریکايي وګړي حبیبي په اړه تراوسه طالبانو هیڅ اقدام نه دی کړی.

د طالبانو د اوبو او انرژۍ وزارت نن یکشنبه د (تلې ۶مه) د یوې اعلامیې په خپرولو سره وویل، چې د یاد وزارت وزیر عبداللطیف منصور او د عزیزي شرکت ګروپ تخنیکي مسوولینو د یوې ناستې په ترڅ کې یاد ګروپ خپلو فعالیتونو او پرمختګونو راپور وړاندې کړی.

د ناستې په بهیر کې، د انرژي پروژو د تولید، پراختیا او لېږد د پانګونې چارو په برخه کې د دواړو لورو فعالیتونه او لاسته راوړنې څیړل شوې دي.

په اعلامیه کې راغلي، چې په چارو کې د انسجام او لا همغږي، د پروژو لومړیتوب‌بندي، د اطلاعاتو د تبادلې، د عملیاتي پلان د ترتیبولو، د راپور ورکولو ناستو د ترسره کولو او له نورو اړوندو ادارو سره د همغږي ترسره کولو موضوعاتو په هکله بحث شوی دی.

په دې ناسته کې د عزیزي شرکت ګروپ مسوولینو د چارو د چټکتیا لپاره خپل چمتووالی او هوډ څرګند کړی دی.

د یادونې وړ ده، چې د عزیزي شرکت ګروپ تر دې مخکې د طالبانو اوبو او انرژي له وزارت سره هوکړې ته رسیدلی، چې په افغانستان کې د ۱۰ میلیارد ډالرو په ارزښت د لس زره مېګا واټه انرژي د تولید، پراختیا او لېږد په برخه کې پانګونه وکړي.

کمالا هرېس ویلي، په ۲۰۲۴ کال کې د مناظرې پرمهال له افغانستان څخه د امریکا د ناکامه وتلو او هلته د ۱۳ امریکايي سرتیرو وژلو په اړه د جوبایډن ځواب د حیرانتیا وړ و.

په ۲۰۲۴ کال کې د جوبایډن او ټرمپ د ټاکنیزې مناظرې پرمهال بایډن د خبرو پرمهال فکر ګډوډ و او د زکام له امله یې دروند غږ درلود.

هرېس د خپلو یادښتونو په کتاب کې لیکلي چې جوبایډن ونه شو کولی چې د پوځ په اړه ساده پوښتنه ځواب کړي او د هغو ۱۳ سرتیرو یادونه یې ونه کړه چې د کابل هوايي ډګر په برېد کې وژل شوي وو.

هرېس لیکلي:« بایډن وویل د هغه په واکمنۍ کې هېڅ سرتیری په جګړه کې نه دی وژل شوی، خو د کابل هوايي ډګر خونړۍ پېښه یې هیره کړې وه. زه هغه مهال په ایر فورس ټو کې وم او زموږ د الوتنې پلان بدل شو، سملاسي واشنګټن ته ستانه شوو. زه حیرانه وم چې هغه څنګه دا ورځ هېره کړه.»

د جوبایډن اداره له افغانستان څخه له بې نظمه وتلو وروسته له سختو کورنیو او نړیوالو نیوکو سره مخ شوه.

هغه مهال د امریکا د جمهوري غوښتونکو یوه استازي ټیډ کروز ویلي وو، چې له افغانستان څخه په ناکامه ډول وتل د امریکا نړیوال حیثییت ته دروند زیان واړاوه او روسیې ته یې لاره هواره کړه چې پر اوکراین برید وکړي.

د کمالا هرېس د سیاسي یاداښتونو کتاب « ۱۰۷ ورځې» د سې شنبې په ورځ خپور شو. په دغه کتاب کې هرېس د ولسمشریزو ټاکنیزو خاطرې لیکلې دي.