کرملین: روسیه سوله غواړي خو پوځ مو هم پیاوړی کوو

هغه پر چاغو جنرالانو او د قومونو تنوع پر پالیسۍ د نیوکې پرمهال وویل، «لسیزې کیږي چې دا د پوځ د زوال لامل شوي». هیګسیټ د سې شنبې په ورځ د قوماندانانو یوې غونډې ته وویل،چې که څوک د هغه اجنډا نه مني، باید استعفا ورکړي.

د امریکا دفاع وزیر وویل: «بې‌پروا سیاسي مشرانو موږ په غلط لور بوتلو او موږ خپله لار ورکه کړه، خو نور داسې نه ده.»

هغه په ویرجینیا کوانټیکو کې د یوې غونډې د پرانیستې پر مهال د امریکا لوړپوړو جنرالانو د لرې کولو څخه دفاع وکړه . هغه وویل ګوښه شوي افسران د مات شوي کلتور برخه وو.

نوموړي وویل چې اوسنی سیسټم د جنرالانو ژوند داسې کړی لکه پر "هګۍ" تګ.

هیګسیټ زیاته کړه: «که نن زما خبرې ستاسې زړونه خفه کوي، نو ښه لار داده چې استعفا ورکړئ. زه پوهېږم، د اکثریت لپاره برعکس دي، دا خبرې ستاسو زړونه ډکوي.»

د امریکا دفاع وزیر پر چاغو سرتېرو نیوکه وکړه او ویې ویل: «پنټاګون کې د چاغو جنرالانو او سمندرمشرانو لیدل هېڅ د منلو وړ نه دي.»

هغه د ظاهري بڼې پر اهمیت د ټینګار تر څنګ وویل چې له ټولو به د فټنس ازموینه واخیستل شي.

د ایران د بهرنیو چارو وزارت د پارلماني چارو رییس حسین نوش‌ابادي تسنیم خبري اژانس ته وویل: «په لومړي ګام کې پرېکړه شوې چې ۱۲۰ایرانیان چې د امریکا خاورې ته په ناقانونه ډول، چې ډېری یې د مکسیکو له لارې ننوتي دي، بېرته واستول شي.»

هغه زیاته کړې چې دغه کسان به په یوه یا دوو راتلونکو ورځو کې ایران ته ستانه شي.

نیویارک ټایمز ورځپاڼې لیکلي، ځینې ایرانیان چې څو میاشتې د توقیف په مرکزونو کې ساتل شوي وو، په خپله خوښه ستنېدو ته تیار شوي، خو ځینې یې نه.

نوش‌ابادي له واشنګټن نه وغوښتل چې د امریکا په خاوره کې د ایراني کډوالو حقونو ته درناوی وکړي. هغه زیاته کړه: «ځینو ستنېدونکو د اوسېدو جوازونه لرل، خو د امریکا د کډوالۍ ادارې د ورکړل شویو دلیلونو له مخې د شړلو په لېست کې شامل کړل شوي. البته د هغوی خپله رضا د ستنېدو لپاره اخیستل شوې وه.»

ټرمپ پلان لري چې یو ستر شمېر ناقانونه کډوال له امریکا څخه وباسي. هغه ویلي چې د پخواني ولسمشر جو بایډن په وخت کې ناقانونه سرحدي تېرېدنې ډېرې شوې وې.

د ملګرو ملتونو د معلوماتو له مخې، شاوخوا څلور میلیونه افغانان د نشه‌ يي توکو د استعمال له امله له رواني او فزیکي اختلالاتو ځورېږي او افغانې ښځې او نجونې د فقر او د پوهاوي د نشتوالي له امله تر نورو ډېرې د روږدو کسانو د درملنې او بیارغونې خدماتو ته اړتیا لري.

ایتالیا د دغو مرکزونو د ملاتړ لپاره مالي مرسته ځانګړې کړې ده. د افغانستان لپاره ځانګړي وجهي صندوق د یکشنبې په ورځ (د تلې ۶مه) پر اېکس پاڼې په یوه یاداښت کې لیکلي: «دا مرسته به د روږدو د درملنې مرکزونه او د بیارغونې خدمات فعال وساتي، څو هغو کسانو ته رسېدګي وشي، چې له اعتیاد سره مبارزه کوي.»

د ملګرو ملتونو اړوند دغې ادارې زیاته کړې، چې د ایټالیا مالي مرسته به افغان ښځو او نارینه‌وو ته د ژوند د ښه والي او بیا جوړونې لپاره د عایداتي فرصتونو زمینه هم برابره کړي.

ملګري ملتونه وايي، چې په افغانستان کې د نشه‌ يي توکو د کاروونکو شمېر ۴ میلیونه تنه اټکل شوی، چې ۳۵ سلنه یې ښځې جوړوي.

طالبانو ویلي، واک ته د دوی له رسېدو را وروسته د هېواد لس سلنه وګړي په نشه‌يي توکو روږدي وو.

د دغو کسانو د درملنې څرنګوالي او د بیارغونې مرکزونو د کمښت په اړه اندېښنې لا هم پر ځای دي.

تر دې وړاندې د ملګرو ملتونو د نشه يي توکو او جرمونو پر وړاندې دفتر راپور ورکړی و، چې په افغانستان کې د نشه‌ يي توکو د «تزریقي استعمال» کچه په څرګند ډول لوړه شوې ده.

د دې څېړنې له مخې، که څه هم د دودیزو نشه‌يي توکو لکه چرس او تریاکو کارول لږ شوي، خو د هېرویینو او شیشې استعمال ورځ تر بلې زیاتېږي.

د قطر دولتي خبري‌ اژانس (کیو اېن اې) د بهرنیو چارو وزارت د دولت وزیر محمد بن عبدالعزیز بن صالح الخلیفي له قوله د طالبانو او د امریکا د ښې همکارۍ مننه کړې.

د دولت وزیر په افغانستان کې د امریکايي‌ وګړي امیر امیري خوشې کېدو ته په اشارې لیکلي: «دا یو مهم او هڅوونکی ګام دی، ترڅو د ښکېلو لوريو ترمنځ د مستقیمو خبرو او اړیکو لارې پياوړې او د تفاهم فضا جوړه شي.»

نوموړي زياته کړې، چې قطر د شخړو، اختلافاتو او پېچلو نړۍوالو مسایلو په حل کې خپل منځګړی رول فعال ساتي.

قطر دا ډول هڅې د خپلي بهرنۍ پالیسۍ برخه یادوي.

نن د طالبانو د بهرنیو چارو وزیر د امریکايي بندیانو په چارو کې د ټرمپ له استازي سره کتلي او د امیر امیري په نامه یې یو امریکایی وګړی خوشې کړی.

قطر د طالبانو او نړۍ ترمنځ د پله حیثیت لري او له دې ډلې سره نږدې اړیکې پالي.

د امریکا د بهرنیو چارو وزارت د یکشنبې په ورځ (د تلې ۶مه) په افغانستان کې د خپل امریکايي وګړي د خوشې د هرکلي‌ په خبرپاڼه کې د قطر له رول څخه هم مننه کړې.

په خبرپاڼه کې راغلي: «د امریکايي وګړي امیر امیري چې په ناحقه په افغانستان کې بندي وو، د خوشي کېدو هرکلی کوو، موږ په دې برخه کې د قطر د قوي ملګرتيا او ډیپلوماتیکو هڅو او رول څخه هم مننه کوو.»

په خبرپاڼه کې راغلي، چې یو شمېر نور امریکايي وګړي لا هم په افغانستان کې ناحقه بندیان دي.

د امریکا د بهرنیو چارو وزیر مارکو روبیو هم په دې اړه پر خپلې اېکس پاڼې لیکلي، چې حکومت یې په افغانستان کې د نورو امریکايي‌ وګړو په خوشې کېدو کې جدي دی.

نوموړي‌ لیکلي: «حکومت او ولسمشر ټرمپ به تر هغه وخته ارام و نه کړي، څو پورې چې زموږ ټول بندیان وطن ته راستانه شوي نه وي.»

نن د طالبانو د بهرنیو چارو وزیر د امریکايي بندیانو په چارو کې د ټرمپ له استازي سره کتلي او د امیر امیري په نامه یې یو امریکایی وګړی خوشې کړی.

د طالبانو د بهرنیو چارو وزارت وايي، دوی د اتباعو مسایلو ته له سیاسي زاویې نه ګوري او د ډیپلوماسۍ له لارې د مسایلو حل موندل کېدای شي.

دغه امریکایی وګړی په داسې حال کې خوشې کېږي، چې د افغان امریکايي وګړي محمود شاه حبیبي په اړه تراوسه طالبانو هېڅ اقدام نه دی کړی.