ایراني چارواکي وايي امریکا له تهران سره له هوکړې وروسته سلګونه ایرانیان وباسي

د ملګرو ملتونو د معلوماتو له مخې، شاوخوا څلور میلیونه افغانان د نشه‌ يي توکو د استعمال له امله له رواني او فزیکي اختلالاتو ځورېږي او افغانې ښځې او نجونې د فقر او د پوهاوي د نشتوالي له امله تر نورو ډېرې د روږدو کسانو د درملنې او بیارغونې خدماتو ته اړتیا لري.

ایتالیا د دغو مرکزونو د ملاتړ لپاره مالي مرسته ځانګړې کړې ده. د افغانستان لپاره ځانګړي وجهي صندوق د یکشنبې په ورځ (د تلې ۶مه) پر اېکس پاڼې په یوه یاداښت کې لیکلي: «دا مرسته به د روږدو د درملنې مرکزونه او د بیارغونې خدمات فعال وساتي، څو هغو کسانو ته رسېدګي وشي، چې له اعتیاد سره مبارزه کوي.»

د ملګرو ملتونو اړوند دغې ادارې زیاته کړې، چې د ایټالیا مالي مرسته به افغان ښځو او نارینه‌وو ته د ژوند د ښه والي او بیا جوړونې لپاره د عایداتي فرصتونو زمینه هم برابره کړي.

ملګري ملتونه وايي، چې په افغانستان کې د نشه‌ يي توکو د کاروونکو شمېر ۴ میلیونه تنه اټکل شوی، چې ۳۵ سلنه یې ښځې جوړوي.

طالبانو ویلي، واک ته د دوی له رسېدو را وروسته د هېواد لس سلنه وګړي په نشه‌يي توکو روږدي وو.

د دغو کسانو د درملنې څرنګوالي او د بیارغونې مرکزونو د کمښت په اړه اندېښنې لا هم پر ځای دي.

تر دې وړاندې د ملګرو ملتونو د نشه يي توکو او جرمونو پر وړاندې دفتر راپور ورکړی و، چې په افغانستان کې د نشه‌ يي توکو د «تزریقي استعمال» کچه په څرګند ډول لوړه شوې ده.

د دې څېړنې له مخې، که څه هم د دودیزو نشه‌يي توکو لکه چرس او تریاکو کارول لږ شوي، خو د هېرویینو او شیشې استعمال ورځ تر بلې زیاتېږي.

د قطر دولتي خبري‌ اژانس (کیو اېن اې) د بهرنیو چارو وزارت د دولت وزیر محمد بن عبدالعزیز بن صالح الخلیفي له قوله د طالبانو او د امریکا د ښې همکارۍ مننه کړې.

د دولت وزیر په افغانستان کې د امریکايي‌ وګړي امیر امیري خوشې کېدو ته په اشارې لیکلي: «دا یو مهم او هڅوونکی ګام دی، ترڅو د ښکېلو لوريو ترمنځ د مستقیمو خبرو او اړیکو لارې پياوړې او د تفاهم فضا جوړه شي.»

نوموړي زياته کړې، چې قطر د شخړو، اختلافاتو او پېچلو نړۍوالو مسایلو په حل کې خپل منځګړی رول فعال ساتي.

قطر دا ډول هڅې د خپلي بهرنۍ پالیسۍ برخه یادوي.

نن د طالبانو د بهرنیو چارو وزیر د امریکايي بندیانو په چارو کې د ټرمپ له استازي سره کتلي او د امیر امیري په نامه یې یو امریکایی وګړی خوشې کړی.

قطر د طالبانو او نړۍ ترمنځ د پله حیثیت لري او له دې ډلې سره نږدې اړیکې پالي.

د امریکا د بهرنیو چارو وزارت د یکشنبې په ورځ (د تلې ۶مه) په افغانستان کې د خپل امریکايي وګړي د خوشې د هرکلي‌ په خبرپاڼه کې د قطر له رول څخه هم مننه کړې.

په خبرپاڼه کې راغلي: «د امریکايي وګړي امیر امیري چې په ناحقه په افغانستان کې بندي وو، د خوشي کېدو هرکلی کوو، موږ په دې برخه کې د قطر د قوي ملګرتيا او ډیپلوماتیکو هڅو او رول څخه هم مننه کوو.»

په خبرپاڼه کې راغلي، چې یو شمېر نور امریکايي وګړي لا هم په افغانستان کې ناحقه بندیان دي.

د امریکا د بهرنیو چارو وزیر مارکو روبیو هم په دې اړه پر خپلې اېکس پاڼې لیکلي، چې حکومت یې په افغانستان کې د نورو امریکايي‌ وګړو په خوشې کېدو کې جدي دی.

نوموړي‌ لیکلي: «حکومت او ولسمشر ټرمپ به تر هغه وخته ارام و نه کړي، څو پورې چې زموږ ټول بندیان وطن ته راستانه شوي نه وي.»

نن د طالبانو د بهرنیو چارو وزیر د امریکايي بندیانو په چارو کې د ټرمپ له استازي سره کتلي او د امیر امیري په نامه یې یو امریکایی وګړی خوشې کړی.

د طالبانو د بهرنیو چارو وزارت وايي، دوی د اتباعو مسایلو ته له سیاسي زاویې نه ګوري او د ډیپلوماسۍ له لارې د مسایلو حل موندل کېدای شي.

دغه امریکایی وګړی په داسې حال کې خوشې کېږي، چې د افغان امریکايي وګړي محمود شاه حبیبي په اړه تراوسه طالبانو هېڅ اقدام نه دی کړی.

تر دې دمه په غونډه کې د ټرمپ پر ګډون سپینې ماڼۍ کومه تبصره نه ده کړې.

رویټرز وايي، تمه ده چې د دفاع وزیر پیټ هیګسیت د دې غونډې په جریان کې د پوځ په ټولو برخو کې د «جنګي روحیې»د خوندي کولو پر اړتیا خبرې وکړي او ښايي په دې شاوخوا یو ساعت اوږده غونډه کې نور موضوعات هم وڅیړل شي.

ټاکل شوې د اسراییل لومړی وزیر بنیامین نتنیاهو او د امریکا ولسمشر ډونالډ ټرمپ به د دوشنبې په ورځ سره وویني او پر بېلابېلو موضوعاتو به خبرې وکړي.

د یوروشیلم پوسټ د خبر له مخې، په دې خبرو کې به نتنیاهو د غزې د لوېدیځې غاړې د واکمنۍ موضوع راپورته کړي او ټرمپ بیا د جګړې پر ختمولو او زندانیانو پر تبادله ټينګار کوي.

د خبر له مخې، نتنیاهو د بندیانو د خوشې کېدو ترڅنګ د سوریې خوا ته د خوندي کمربند جوړېدو غوښتنه هم لري.

ټرمپ ویلي، چې حماس ډلې ته یې د سولې پلان وړاندې کړی، خو یادې ډلې ویلي چې تر اوسه ورته دا وړاندیز نه دی رسېدلی.