د امریکايي مرستو له کمښت سره د ملګرو ملتونو د کډوالو ادارې ۵زره کارکوونکي بېکاره شوي دي
د نړۍوالو مرستو له کمېدو سره د ملګرو ملتونو د کډوالو چارو ادارې ۵زره کارکوونکي بېکاره شوي دي. د ملګرو ملتونو د کډوالو چارو ادارې مشر فیلیپو ګراندي ویلي، د ۱.۳ مېلیارډه ډالرو بودجې له کمښت سره د خوړو نړۍوال پروګرام، د کډوالو بیامېشتېدنې او نورو برخو کې پروژې په ټپه درېدلې دي.
له بل پلوه امریکا چې مخکې یې د دغه ادارې ۴۰سلنه بودجه ورکوله؛ له خپلې پرېکړې دفاع کړې او ویلي یې دي، چې د اقتصادي لاملونو کډوالۍ د پناه غوښتنې پر سیسټم فشار ډېر کړی دی.
