د پاکستان د دفاع وزیر: ټول افغان کډوال دې وشړل شي او پوله دې ټینګه وتړل شي

دغه ایتلاف د یکشنبې په ورځ، د تلې ۲۰مه له ګډې ناستې وروسته په یوه اعلامیه کې ویلي، چې د پاکستان سیاسي او بهرنۍ وضع یې څېړلې ده او د اوپوزیسیون پر راتلونکې تګلارې باندې غږیدلي دي.

یاده ناسته د محمود خان اڅګزي په مشرۍ ترسره شوې، چې د تحریک انصاف او نورو ګوندونو مشرانو او سیاسيونو هم پکې ګډون درلود.

یاد ایتلاف له دواړو هېوادونو غوښتنه کړې، چې پر ډیورنډ کرښه د شخړو او پوځي کړکېچونو پر ځای دې د خبرو له لارې د سولې لاره غوره کړي او هم یې له خپل حکومت غوښتنه کړې، چې د سیمې او پاکستان د امنیتي وضعیت په اړه د خبرو لپاره د پارلمان غونډه راوبولي.

د یاد ایتلاف په اعلامیه کې د خیبرپښتونخوا په چارو کې د مرکزي حکومت پر لاسوهنو هم نیوکه شوې او خبرداری یې ورکړی، چې د مرکزي حکومت لاسوهنې به د دغه ایالت امنیتي وضعیت نور هم خراب کړي.

محقق د یکشنبې په ورځ، د تلې پر۲۰مه، پر خپله فېسبوک پاڼه لیکلي: «د طالبانو د نامشروع حاکمیت دوام او د تحریک طالبان پاکستان په څېر ډلو ملاتړ یوازې د تاوتریخوالي، جګړې او ورانۍ د زیاتېدو لامل ګرځي».

نوموړي زیاته کړې چې «د طالبانو په نظام کې د افغانستان ولس هېڅ ځای نه لري او له نړیوالو ترهګرو ډلو سره اړیکې او همکاري د هغوی د کار لومړیتوب دی».

هغه د سیمې له هېوادونو او نړیوالې ټولنې غوښتنه وکړه چې د طالبانو پر وړاندې خپله «تعامل‌محوره» تګلاره پای ته ورسوي او د افغانستان د اوسني وضعیت په اړه بې‌ تفاوته پاتې نه شي.

محقق ټینګار کړی، چې نړیواله ټولنه باید د یوې «سیمه‌ییزې او نړیوالې اجماع» د رامنځته کولو لپاره ګام واخلي، چې افغانستان یو ځل بیا د نړیوالو ترهګرو ډلو په پټنځي بدل نه شي.

د حزب اسلامي مشر ګلبدین حکمتیار ویلي، چې طالبان دې پر کابل او پکتیکا د پاکستان د وروستیو بریدونو او له هغه وړاندې د ټرمپ له خوا د بګرام د نیولو د ګواښونو او پایلو په اړه ولس ته وضاحت ورکړي.

حمکتیار وايي، افغانان په تمه وو، چې طالبان به د ټرمپ له خوا د بګرام د نیولو د ګواښونو او پر کابل او پکتیکا ولایتونو د پاکستان د وروستیو هوايي بریدونو ګډ دریځ او تګلاره روښانه کړي، خو تر اوسه افغانانو ته د یادو ګواښونو او بریدونو په اړه له رسمي ادرسه واضح دریځ نه دی څرګند شوی.

نوموړي پر خپله اېکسپاڼه لیکلي:«بریدونه د چا له لوري وو، چاودنې وې که له هوا بمونه او راکټونه ورېدلي، نتیجه یې څه او مرګ ژوبله یې څومره؟».

حکمتیار په دې باور دی، چې پر افغانستان د پاکستان هوايي بریدونه او د ټرمپ له خوا د بګرام د بېرته نیولو ګواښونه سره همغږي وو.

نوموړي د‌ پاکستان بریدونه او د ټرمپ ګواښونه ستره ملي قضیه بللې ده او د خپل منځي مخالفتونو پرېښودو او د افغانستان د دفاع لپاره د ملي اجماع رامنځته کېدو غوښتنه کوي.

نوموړی زیاتوي:«باید خلکو ته وویل شي چې څه روان دي او د ګواښونو په وړاندي څه کولو ته باید چمتو شو؟ دا ګواښونه له موږ د ټولو هغو افغانانو ګډ، معقول او علمي تصمیم ایجابوي چې متحد او خپلواک افغانستان ته ژمن دي او د هیچا تېری نه مني.»

نوموړي ویلي، چې په ملي مسایلو کې له غندونو او انفرادي پرېکړو څه نه شي ترلاسه کېدای او په دغه ډول مسایلو کې دې ملت له واقعیتونو خبر کړل شي.

ډوبرېنډت ویلي چې په نږدې راتلونکي کې به افغان کډوال په منظم ډول له جرمني څخه خپل هېواد ته بېرته واستول شي، ځکه حکومت یې د طالبانو له واکمنې ادارې سره د اخراج په تړاو د یوه رسمي تړون د بشپړېدو په حال کې دی.

هغه د «دی پیونیر» انټرنېټي وېب‌پاڼې ته وویل، « خبرې ډېرې مخ ته تللې دي او موږ تمه لرو چې ډېر ژر یوه موافقه ولرو، څو وکولای شو افغانان منظم ، حتا د عادي مسافر وړونکو الوتنو له لارې، بېرته واستوو».

د وزیر په وینا، د تېرې اونۍ په پای کې په کابل کې تخنیکي خبرې شوې دي او د دې هدف دا دی چې د اخراج منظمې الوتنې ترسره شي. نوموړي زیاته کړې، «نه یوازې د چارټر الوتنو له لارې، بلکې د عادي هوايي الوتنو له لارې هم».

ډوبرېنډت د هغو نیوکو په ځواب کې، چې د بشري حقونو ځینې سازمانونه یې کوي، ویلي چې دا نیوکې بې‌ځایه دي.

هغه زیاته کړه: « دا عجیبه ده چې یو څوک دا اخلاقي ګڼي چې قطر دې افغانستان ته د اخراج منځګړیتوب وکړي، خو دا بشپړ ناسم بولي که موږ خپله دا چارې ترسره کړو».

هغه وویل، موخه دا ده چې «تر ټولو خطرناک او درانه مجرمین له جرمني څخه افغانستان ته بېرته واستول شي».

ډوبرېنډت زیاته کړه، « زه به ټولې هڅې وکړم، چې دا له افغانستان سره عملي شي او دا هڅې به له سوریې سره هم وکړم».

دغه پخواني طالب ډیپلومات په یو تبصره کې څرګنده کړې، چې « پاکستان په نړیوالو غونډو کې په خپل سر د افغانستان غلط نیابت کوي».

نوموړي ویلي، چې پاکستان په ملګرو ملتونو او نورو نړیوالو غونډو کې افغانستان د تروریزم او مخدره توکو ځاله معرفي کوي، په سوداګریزه برخه کې غیر قانوني ستونزې جوړي او د افغانستان ارضي تمامیت نقض کوي.

عبدالسلام ضعیف ویلي، له افغانستان سره د ښو اړیکو لپاره پاکستان باید د افغانستان په اړه خپله ستراتیژي بدله کړي او د «سیمه ییزې امپراتورۍ» خوبونه پرېږدي.

دغه پخواني طالب ډيپلومات ویلي، چې پاکستان دې د افغانستان پر وړاندې د تخریب او مداخلې پالیسي پای ته ورسوي.

نوموړي ویلي، چې پاکستان دې د افغانستان د اقتصادي او سیاسي پرمختګ سره د مرستې ترڅنګ د افغانستان په سیاسي چارو کې د نفوذ په اړه له عکس العمل ښودلو ډډه وکړي.

عبدالسلام ضعیف دغه څرګندونې داسې مهال کړې، چې ډیلي ته د طالبانو د بهرنیو چارو وزیر امیرخان متقي له سفر وروسته پاکستاني ځواکونو پر پکتیکا ولایت هوايي بریدونه وکړل او کابل کې یې د طالبانو په وینا، الوتکې ښکاره شوې.

له دې وروسته طالبانو پر پاکستاني پوستو بریدونه وکړل، چې دواړو خواوو ته په متقابلو نښتو او بریدونو کې مرګ ژوبله اوښتې ده.