د خېبر پښتونخوا اسمبلۍ نن دوشنبه د رایو په اکثریت د تحریک انصاف ګوند نوماند سهیل اپریدی د دغه ایالت د نوي سر وزیر په توګه وټاکه. تر دې دمخه علي امین ګنډاپور دغه څوکۍ سمبالوله؛ خو د ګوند د بنسټګر عمران خان په غوښتنه یې له دندې استعفا وکړه.
د پاکستان د پوځ د عامه اړیکو دفتر اعلان وکړ، چې د طالبانو د تېرې شپې په بریدونو کې یې ۲۳ سرتېري وژل شوي او ۲۹ نور ټپیان دي. پاکستاني پوځ ویلي، چې له ۲۰۰ ډېر افغان طالبان او د هغوی ملاتړي جنګیالي یې وژلي دي. طالبانو ویلي، چې په جګړه کې یې ۵۸ پاکستاني پوځیان وژلي دي.
د پاکستان پوځ په خپله اعلامیه کې ویلي چې د ځان د دفاع په حق کې یې د ډیورنډ کرښې په اوږدو کې د طالبانو بریدونه ځواپ کړي دي.
د اعلامیې له مخې، د توپانې، هوايي او ځمکنیو بریدونو په پایله کې د افغانستان ګڼې سرحدي پوستې په نښه شوې دي او د پاکستاني طالبانو مرکزونه هم په نښه شوي دي. پاکستاني پوځ ادعا کړې، چې د داعش مرکزونه یې هم په نښه کړي دي.
د طالبانو ویاند ذبیح الله مجاهد نن پر پاکستان تور ولګاوه، چې داعش ته یې پټنځایونه ور کړي دي. نوموړي دغه راز وویل، چې ددوی په ځوابي بریدونو کې ۵۸ پاکستاني پوځیان وژل شوي دي.
د پاکستان پوځ دغه راز په اعلامیه کې ویلي، چې پر افغان لوري یې ۲۱ سرحدي پوستې د لنډ وخت لپاره تیولې دي او د جنګیالیو مرکزونه یې له منځه وړي دي.
پاکستاني پوځ ویلي، چې له ۲۰۰ ډېر افغان طالبان او د هغوی ملاتړي جنګیالي یې وژلي دي.
پاکستاني پوځ ویلي، چې دوی به د پاکستان خلاف د ورانکاریو لپاره د افغان خاورې کارول ونه زغمي او که طالبان لازم ګامونه وانخلي، په افغان خاوره کې به د پاکستاني جنګیالیو پر مرکزونو بریدونو ته دوام ور کړي.
سرچینې افغانستان انټرنشنل ته وايي، طالبان پر کابل او ځینو سوېل ختیځو ولایتونو د پاکستان د هوايي بریدونو په غبرګون کې هلمند، پکتیا، پکتیکا، ننګرهار او کونړ ولایتونو ته څېرمه د فرضي کرښې په اوږدو کې له پاکستاني ځواکونو سره نښتي دي.
سرچینې زیاتوي، په دغو جګړو کې له سپکو او درنو وسلو استفاده کېږي. لا تر اوسه د اوښتې مرګ ژوبلې په اړه څه نه دي ویل شوي.
له دې سره سم، په ننګرهار کې د طالبانو د ۲۰۱ خالد بن وليد قول اردو مسوولین وايي، د ننګرهار اچين ولسوالۍ بانډر درې ساحه کې فرضي کرښې ته پورې غاړې د پاکستاني ځواکونو یوه پوسته نیولې او بیا یې په بمونو الوزولې ده.
د دغې قول اردو د خبرپاڼې لهمخې، د دغه ولایت د دوربابا ولسوالۍ د ماشين ناو ساحه کې هم د پاکستاني ځواکونو یوه پوسته یې نیولې او په وینا یې ډېر ژر به په بمونو والوزول شي.
په خبرپاڼه کې ویل شوي، چې دغه عملیات هم د طالبانو د ۲۰۱ خالد بن وليد قول اردو د مشرتابه تر ځانګړي څار لاندې روان دي.
خېبر پښتونخوا کې پولیسو د یوې خبر پاڼې په خپرولو سره ویلي چې په ډېره اسماعیل خان کې د د دوی په یو ځای مرکز د وسله والو برید یې شنډ کړی او شپږ وسله وال یې هم وژلي دي.
په خبرپاڼه کې راغلي چې د تېرې شپې برید له کبله ۷ تنه پولیس وژل شوي او ۱۳ نور ژوبل دي.
په ډېره اسماعیل خان کې د پولیسو چارواکو ویلي چې تر برید وروسته د پولیسو او وسله والو ترمنځ څو ساعته جګړه هم شوې ده. خبرپاڼه کې همدا شان راغلي چې اوسپه سیمه کې وضعیت عادی شوی؛ خو د امنیتي ځواکونو چاڼیز عملیات لا هم روان دي.
د پاکستان د پارلمان پخوانی غړی مراد سعید وايي، بالاخره د پوځ ویاند اعتراف وکړ، چې په خیبر پښتونخوا کې په قصدي توګه ترهګرو ته ځای ورکړل شوی و. د هغه په وینا، اوس باید د پوځ اوسنيو او پخوانیو مشرانو ته په یاده سیمه کې د ولسي وګړو د وژل کېدو په تړاو تر ټولو سخته سزا ورکړل شي.
مراد سعید د جمعې په ماښام (د تلې ۱۸مه) په اېکس پاڼه کې د ۲۰۲۱ کال څخه تر اوسه د خیبر پښتونخوا په بېلابېلو سیمو کې د پاکستان د پوځ له لوري د ترهګرو د ځای پر ځای کېدو په تړاو له ډېرو توضېحاتو ورکړې وروسته ویلي، د روان کال د بارانونو او سېلابونو د راوتلو په موسم کې د پاکستان پوځ ترهګر له باجوړ څخه د دېر او سوات غرونه ته ولېږدول.
سعید زیاتوي، «ایاېسای هغو ته د تللو لارې ښودلې او په هغه شپه د لارې په اوږدو کې هر ډول دولتي دفتر او د پولیسو پوستو ته ویل شوي وو، چې څراغونه بند کړي او ځایي خلکو ته امر شوی و، چې له کورونو ونه وځي.»
د هغه په باور، د پاکستان پوځ او استخباراتي ادارې دغه چارې له بهرنیو هېوادونو سره د کړو ژمنو او همداراز د خپل واک د اوږدولو لپاره کوي.
مراد سعید زیاتوي، «زما د هر ځوان د وینې مسوولیت ستاسو پر غاړه ده، ولې نور زموږ د غریبو اولادونه ستاسو د جګړو لپاره د سون توکي شي؟»
نوموړی د پاکستان پوځ ته په خطاب کې په ټينګار سره وايي، «دوی [ترهګر] مو چې څنګه راوړي او خپاره کړي نو بېرته یې ټول کړۍ.»
هغه په پای کې ویلي، «بس ډېرې شوې ستاسې دا اداکارۍ او رياکارۍ!»
سرچینې وايي، چې نن سهار (جمعه د تلې ۱۸مه) د خیبر پښتونخوا د باجوړ ولسوالۍ په ماموند سیمه کې د «ټي ټي پي» وسله والو او پاکستان امنیتي ځواکونو تر منځ په نښته کې ۲ پاکستاني سرتېري وژل شوي دي. له سيمې داسې راپورونه ورکول کېږي چې لا هم جګړه روانه ده.
سرچینې زیاتوي، د دغې جګړې په ترڅ کې نن ماښام یو توغندی پر یوه کور هم لګېدلی او له امله یې ۳ ولسي وګړي وژل شوي او ۱۱ نور ټپيان دي.
دا په داسې حال کې ده چې، د خېبر پښتونخوا ایالت په دېره اسماعیل خان کې هم د ځايي امنیتي ځواکونو او وسله والو جنګیالیو تر منځ نښته روانه ده.
ډېره اسماعیل خان کې د پولیسو او وسلهوالو تر منځ نښته روانه ده | افغانستان انټرنشنل پښتو
دغه برید هغه مهال پیل شو چې یو شمېر وسله والو جنګیالیو په دېره اسماعیل خان سیمه کې د امنیتي ځواکونو پر یوه روزنیز مرکز برید وکړ.
د پاکستان امنیتي چارواکو لا تر اوسه د دغې جګړې له امله د اوښتې مرګ ژوبلې په تړاو څه نه دي ویلي.
لا تر اوسه هېڅ یوې ډلې هم د دغه برید مسوولیت نه دی منلی.