د خېبر پښتونخوا ایالت په ډېره اسماعیل خان کې دا مهال د پولیسو او وسلهوالو تر منځ سخته نښته روانه ده. له سیمې څخه د افغانستان انټرنشنل خبریال وایي، چې وسلهوالو د ډېره اسماعیل خان پر یوه ټرینینګ سنټر برید کړی او د دواړو لورو تر منځ درنه نښته دوام لري.
د انټرنشنل خبریال زیاتوي چې سیمې ته د جګړې د پراخېدو د مخنیوي لپاره د پوځ نور سرتېري هم استول شوي دي.
د پاکستان امنیتي چارواکو تر اوسه د پېښې د دقیقو تلفاتو په اړه څه نهدي ویلي.
تر دې دمه هېڅ وسلهوالې ډلې د برید مسوولیت نهدی منلی.
دغه پېښه په داسې حال کې رامنځته کېږي چې په وروستیو میاشتو کې د خېبر پښتونخوا په بېلابېلو برخو کې وسلهوال بریدونه زیات شوي او امنیتي ځواکونو ته یې درانه تلفات اړولي دي.
په استعفا لیک کې راغلي: «کله چې ما د اعلی وزیر په توګه دنده پیل کړه، خېبرپښتونخوا له دوو لویو ننګونو سره مخ وه، مالي بحران او د ترهګرۍ ګواښ. په تېر یو نیم کال کې د خپلې کابینې د ګوند د غړو، کارکوونکو او د اداري ټیم په مرسته او همداشان د عمران خان په مستقیمو لارښوونو سره موږ وکولای شول، چې پښتونخوا د مالي ثبات لور ته سوق کړو او د ترهګرۍ پر ضد په زړورتیا سره مبارزه وکړو.»
نوموړي زیاته کړې، تر دې مخکې خېبرپښتونخوا د کلونو جګړو له امله د جنګي سیمې په توګه پېژندل کېده، خو ده په خپلې کاري دوره کې په دغې سیمه کې د بیارغونې یو شمېر پروژې پیل کړې دي.
امین ګنډاپور د خپلې کابینې له وزیرانو، د اسمبلۍ له غړو (د تحریک انصاف ګوند او اپوزېسیون) او د خېبرپښتونخوا له اداري کارکوونکو مننه کړې، چې د سختو سیاسي او اداري ننګونو په حل کې یې ورسره مرسته کړې ده.
هغه لیکلي: «زه دا نهشم ویلی چې پر ټولو ننګونو په بشپړه توګه لاس بری وم، خو په ډاډ سره ویلی شم چې ما د خېبرپښتونخوا د خلکو د خدمت لپاره په بشپړه اخلاص کار کړی او هره پرېکړه مې د پاکستان د ملي ګټو په رڼا کې کړې ده.»
د نوموړي استعفا د تحریک انصاف ګوند د مشر عمران خان له خوا د ګوندي جوړښت د بیا تنظیم او د سیاسي تګلارې د بدلون تر اعلان وروسته شوې ده.
د خېبرپښتونخوا اسمبلې او د تحریک انصاف ګوند مشرتابه لا تر اوسه خېبرپښتونخوا ته نوی اعلی وزیر نه دی نومولی.