د خېبرپښتونخوا اعلی وزیر علي امین ګنډاپور د عمران خان په امر له خپلې دندې استعفا وکړه

د جمعیت علمای اسلام مشر مولانا فضل الرحمن د چارشنبې په ورځ، د تلې پر ۱۶مه، په پېښور کې د یوې خبري غونډې پرمهال د افغانستان انټرنشنل د خبریال د یوې پوښتنې په ځواب کې وویل، چې که اعتماد موجود وي او امنیت ټینګ شي، شکایتونو ته اړتیا نه پېښیږي.

پاکستان په دې وروستیو کې پر طالبانو نیوکې کوي، چې ترهګرو ډلو او ټي ټي پي ته یې په افغانستان کې ځای ور کړی دی.

فضل الرحمن د پوښتنې په ډول وویل، چې « ایا دا موږ ردولای شو، چې دا شل کاله چې افغانستان کې جګړه وه مجاهدین او القاعده د اسټبلشمنټ په نګرانۍ کې افغانستان ته نه لاړل؟ ایا موږ قسم خوړلی، چې افغانستان باید مستقل ونه اوسي؟».

هغه د افغانستان د پخوانیو ولسمشرانو حامد کرزي او اشرف غني د دورو ناامنیو ته په اشارې وویل، چې هغوی کله هم شکایت نه دی کړی، چې د پاکستان له اړخه جنګیالي ورځي.

فضل الرحمن د پاکستان له اړخه د امنیتي اقداماتو پر ټینګېدو ټینګار وکړ.

هغه وویل، چې ناکراره او بې ثباته افغانستان هیڅکله د پاکستان په ګټه نه دی او په یو اړخیز ډول باید عمل ونه شي.

د جمعیت علمای اسلام مشر وویل، چې د ډیورنډ کرښې په دواړو لوریو کې پښتانه پراته دي او په دې لارو پښتون قوم یو له بله نه شي بېلېدای.

د ګوند سرچینو د پاکستان نیوز ورځپاڼې ته ویلي، چې د خیبر پښتونخواد نوي اعلی وزیر په توګه د سهیل اپریدي نوم تر غور لاندې دی، خو د تحریک انصاف لوړپوړو مشرانو لا تر اوسه دا خبر نه دی تایید کړی او نه یې رد کړی.

د ګوند مشر بیرسټر ګوهرخان ویلي دي، « زه د وزیراعلی علي امین د لرې کولو په اړه هېڅ معلومات نه لرم».

دغه پرمختګ په داسې حال کې دی، چې د ګوند دننه د اختلافاتو خبرونه زیات شوي دي.

له دې مخکې ګنډاپور د عمران خان خور علیمه خان تورنه کړې وه چې له ادارو سره اړیکې لري او علیمه خان هم پر ګنډاپور متقابل تورونه لګولي وو.

ویل کېږي عمران خان پخپله د خیبر پښتونخوا د حکومت پر کړنو او د ګوندي چارو پر سمبالښت ناخوښي څرګنده کړې، چې دا هر څه د خیبر پښتونخوا د رهبرۍ د بدلون اوازې لا پیاوړې کوي.

د جیو نیوز کوربه شاهزیب خانزاده ویلي، « ښکاري چې د علیمه خان دریځ بریالی شوی. د هغې او ګنډاپور تر منځ اختلافونه پخواني دي».

د اعلی وزیر د بدلولو پروسه د پاکستان د اساسي قانون د ۱۳۰ او ۱۳۶ مادو له مخې ترسره کېږي.

د واکمن ګوند مشرتابه لومړی د بدلون پرېکړه کوي او که اعلی وزیر استعفا ورنه‌کړي، نو د هغه پر ضد د بې‌باورۍ تحریک وړاندې کېږي.

تحریک انصاف ګوند تر اوسه په رسمي ډول په دې اړه څه نه دي ویلي.

د پاکستان پوځ نن د چار شنبې په ورځ، د تلې ۱۶مه د یوې خبرپاڼې په خپرولو سره ویلي، چې د اکټوبر په ۷مه او ۸ نېټه یې د خیبر پښتونخوا په اورکزۍ په ولسوالۍ کې د وسله والو پرضد عملیات ترسره کړي.

پوځ د یادو عملیاتو پرمهال د ۱۹ وسله والو د وژلو خبر ورکړی او له خپله اړخه یې هم د دوو افسرانو په ګډون د ۱۱ سرتیرو د وژل کېدو پخلی کړی دی.

د پاکستان د پوځ له خوا وژل شوي وسله وال د «فتنه الخوارج» په نوم یاد شوي دي.

پاکستاني طالبانو د یوې خبرپاڼې په خپرولو سره ویلي، چې دغه ۱۱ پوځیان یې په ډوګر سیمه کې پر یوه پوځي کاروان د برید پرمهال وژلي دي.

پاکستاني طالبانو د خپلې مرګ ژوبلې په اړه څه نه دي ویلي.

د خیبر پښتونخوا امنیه قوماندان ذوالفقار حمید د شنبې په ورځ، د تلې پر ۱۲مه، د مرکزي حکومت په لارښوونه د عوامي نیشنل ګوند (اې اېن پي) له سناتور ایمل ولي خان نه امنیتي ساتونکي او پولیس بیرته واخېستل، خو ایمل ولي خان د یکشنبې په ورځ اعلان وکړ، چې د ولي باغ او خپلې کورنۍ امنیتي چارې یې د ګوند غړو ته سپارلې دي.

د خیبر پښتونخوا د اعلی وزیر ویاند پرون روښانه کړه چې د امنیت بېرته اخېستلو پرېکړه د فدرالي حکومت له خوا شوې، خو ډاډ یې ورکړی چې اعلی وزیر به د ایمل ولي خان امنیت تضمین کړي.

دا پرېکړه د پاکستان په مشرانو جرګې کې د پوځ او حکومت خلاف د ایمل ولي خان له څرګندونو وروسته شوې ده.

په کورنیو چارو کې د پاکستان د دولت وزیر طلال چودري د جمعې په ورځ د سناتور ایمل ولي خان څرګندونې وغندلې او ویې ویل چې نوموړی د «بل چا په اجنډا» پسې روان دی. هغه په پارلمان کې خبریالانو ته وویل: « د تبلیغاتي شهرت لپاره بې‌مسوولیته څرګندونې کول د هغه عادت دی. داسې څرګندونې د زغملو وړ نه دي. ما غوښتل په مشرانو جرګه کې ځواب ورکړم، خو ناسته پای ته ورسېده».

چودري ادعا وکړه چې د اې اېن پي مشر بې‌ دلیله منفي تبصرې کوي او نه پوهېږي چې «څوک پرې خوشاله کوي».

د اې اېن پي مشر انجینر احسان‌الله خان فدرالي حکومت «هایبرډ رژیم» وباله او ویې ویل چې د خیبرپښتونخوا اعلی وزیر یې د امنیه قوماندان تر واک لاندې «ګرو» کړی او هېڅ واک نه لري.

هغه وویل، « اې اېن پي به نن د خپل ګوند د مشر ایمل ولي خان د امنیت په اړه نوې تګلاره اعلان کړي».

ایمل ولي خان پر خپل اېکس ولیکل، چې فدرالي حکومت او د کورنیو چارو وزارت « زما او زما د پلار او کورنۍ لپاره ورکړل شوي ټول امنيتي کسان بیرته اخیستي دي».

هغه خبرداری ورکړی، چې که ده او یا د ده کورنۍ ته څه زیان ورسیږي، مسوولیت به یې د حکومت پر غاړه وي.

هغه دغه راز ټینګار کړی، چې د خلکو غږ پورته کولو په بدل کې هرڅه ته تیار دی.

ډېری دغه کورنۍ په افغانستان کې له کورنیو جګړو د ژوندي پاتې کېدو، د کار روزګار او د خپلو ماشومانو د تعلیم د دوام لپاره پاکستان ته تللي او دغه پي‌او‌ار او اې‌سي‌سي کارټ لرونکي افغانان له شاوخوا ۴۰ کلونو راهیسې هلته ژوند کوي.

یو له دغو افغانانو فضل خان نومېږي او د کراچۍ په شاه فیصل ټاون کې اوسېږي او دمګړی خپله بار او بستره تړي او افغانستان ته د تللو لپاره تیاری نیسي. دی وايي، د خپل کور په شاوخوا کې یې د سبزیو کاروبار کاوه او زیاتوي، «له دغومره سختیو سره زړه مې خوشحاله و چې زما ماشومان ښوونځي ته ځي. همدا فکر زما د ژوند تر ټولو ستره هیله وه، خو اوس دا ټول خوبونه مات شول.»

100%

فضل خان د افغانستان انټرنشنل- پښتو خبریال ته وايي، په پاکستان کې یې د پولیسو له ځورونو سره سره شپه او ورځ چلېدله، خو اوس افغانستان ته په خالي لاسونو روان دی او هلته به ژوند له صفر څخه پیلوي.

دی زیاتوي: «موږ خالي لاسونه روان یو، نه کور لرو نه روزګار او نه د سبا ضمانت. دا وطن ته تګ د مجبورۍ او لاچارۍ تګ دی.»

په پاکستان کې ډېری مېشت افغانان یوه ګډه اندېښنه لري او هغه د ماشومانو او په ځانګړې توګه د نجونو د زده کړو د دوام مساله ده.

100%

یوه بله افغان کونډه ښځه زرغونه چې له اتو کلونو راهیسې له خپلو درېیو ماشومانو سره په پېښور کې اوسېږي، دا هم د خپلو ماشومانو د زده کړو نیمګړي پاتې کېدو ته سخته اندېښمنه ده.

یاده مېرمن چې خپل ژوند په خپل کور کې د خیاطۍ له لارې چلوي زیاتوي: «زه هېڅکله هم ښوونځي ته نه یم تللې، خو غوښتل مې چې زما ماشومان درسونه ووايي او ما د دوی لپاره هر تکلیف زغملی دی.»

دا چې اندېښنو وړې ده وايي: «که موږ بېرته ولاړ شو، نو زما د ماشومانو تعلیم به هم ختم شي ځکه په افغانستان کې د نجونو ښوونځي تړلي دي. زه نه‌غواړم زما لور هم زما په شان بې‌تعلیمه پاتې شي.»

په افغانستان کې د طالبانو له بیا واکمنېدو یعنې څه باندې څلورو کلونو راهیسې له شپږم ټولګي پورته د نجونو پر زده کړو بندیز لګېدلی دی. په دې برخه کې کورنیو او نړۍوالو غبرګونونو او فشارونو هم څه ګټه نه ده کړې او دغه بهیر همداسې په ټپه ولاړ دی.

د رسمي راپورونو له‌مخې، د ۲۰۲۳ کال له سپټمبره د ۲۰۲۵ کال تر اګست پورې پاکستان یوازې د تورخم له لارې څه باندې ۸۰۰ زره افغان کډوال په زوره اېستلي او دغه بهیر همداراز دوام لري.

په دوی کې نږدې ۳۰۰ او۵۰ زره یې ښځې دي او له دې ډلې تر ۳۸ زره زیاتې نجونو د خېبرپښتونخوا، پنجاب، سند، بلوچستان او کشمیر په بېلابېلو ښوونځیو، کالجونو او پوهنتونونو کې زده‌کړې کولې.

د خېبرپښتونخوا د داخلې او قبایلي چارو د محکمې د معلوماتو له‌مخې، د روان کال د اګست له لومړۍ د اکتوبر تر درېیمې ۱۳۵۸۸۹ د پي‌او‌ار او ۵۳۱۳۴ د اې‌سي‌سي کارټونو لرونکي افغانان په زوره بېرته افغانستان ته استول شوي دي.