سرچینې: په کابل کې پاکستان پر دوو اهدافو هوايي بریدونه کړي

دغه طالب چارواکي د پاکستان او دې ډلې ترمنځ د روانو شخړو په تړاو پر خپله اېکسپاڼه لیکلي، چې افغانان دې د یوې بشپړې دفاع لپاره ځانونه چمتو کړي او د دې ډلې ترڅنګ ودریږي.

نوموړي ویلي، « افغانان دې د هغه چا په وړاندې د دفاع لپاره چمتو شي، چې د لویدیځ په نیابت سیمه د ناامنۍ په لور بیايي او د ګاونډیتوب او اسلامي ورورولۍ هېڅ اصل ته ژمن نه دی».

مهاجر فراهي د پاکستان له نوم یادولو پرته ویلي، چې دغه هېواد هم خپل ملت یرغمل نیولی او هم په سیمه کې شومې موخې لټوي.

د پاکستان د حکومت له خوا په خپره شوې خبرپاڼه کې راغلي، دواړو لوریو د هېواد د داخلي او بهرني امنیت پر وضعیت خبرې وکړې.

پاکستانۍ رسنۍ وايي، چې عاصم منیر زرداري ته د پوځ د «محتاطو او موثرو اقداماتو» په اړه معلومات ورکړل، چې ددوی په وینا، د افغان طالبانو بریدونو په وړاندې ترسره شوي دي.

زرداري د پاکستاني پوځ د وړتیا او چمتووالي ستاینه کړې او ټینګار یې کړی، چې پاکستان به د خپل ملي حاکمیت او سرحدي بشپړتیا د دفاع لپاره هر اړین ګام پورته کړي.

د پاکستان دغه بندي پخواني لومړي وزیر ویلي، چې په پښتونخوا کې د ترهګرۍ د له منځه وړلو په هره تګلاره جوړولو او پرېکړه کې، د ایالتي حکومت، مرکزي مرکزي حکومت، سیمه ییزو قبایلي مشرانو او افغانستان ګډون اړین دی.

عمران خان ویلي:« له افغانستان سره له جدي خبرو اترو پرته د ترهګرۍ مساله نه شي حل کېدای.»

نوموړي ویلي، چې د خیبر پښتوخوا له مشورې او ګډون پرته د ترهګرۍ د له منځه وړلو لپاره هېڅ تګلاره ورته د منلو وړ نه ده.

همدارنګه عمران خان ویلي، چې په خیبر پښتونخوا کې پوځي عملیات ورته د منلو وړ نه دي، ځکه په یادو عملیاتو کې تر ډېره ملکي وګړو ته ډېر زیانونه اوړي.

نوموړي د خیبر پښتونخوا پر نوۍ حکومت غږ کړی، چې په یاد ایالت کې دې د ترهګرۍ پر وړاندې جامع تګلاره جوړه کړي.

فوزیه کوفي د ایکس په یوه پوسټ کې لیکلي چې هغې د ملګرو ملتونو د امنیت شورا د ۱۳۲۵ پرېکړه لیک او د ښځو، سولې او امنیت د اجنډا د پلي کېدو په اړه د برېتانیا د پارلمان د نړیوالې پرمختیا کمېټې ته شفاهي شواهد وړاندې کړل.

دغه غونډه د پارلمان د غړې سارا چمپیون په مشرۍ ترسره شوې وه.

هغې په خپله وینا کې ټینګار کړی چې: «نړۍ د افغانستان د ښځو او نجونو په اړه ناکامه شوې ده، حتا بهرني ډیپلوماتان هڅه کوي د طالبانو تبعیضي تګلارې توجیه کړي، څو خپله دنده بریالۍ وښيي.»

کوفی زیاته کړې چې افغان ښځو ته باید د مقاومت او مبارزې لپاره فضا او سیاسي ملاتړ ورکړل شي، څو وکولای شي د خپل هېواد لپاره داسې لاره ومومي چې د خلکو له‌خوا او د خلکو لپاره وي.

نوموړې د برېتانیا د پارلمان د نړیوالې پرمختیا کمېټې مننه کړې چې د دې خبرو ته یې ځای ورکړ، او هیله یې څرګنده کړې چې د کمېټې راپور به د برېتانیا د بهرنیو چارو وزارت پر تګلارو اغېز ولري او د افغانستان له ښځو او نجونو سره د تعامل په برخه کې به بدلون راولي.

د طالبانو د حکومت د خبرپاڼې له مخې، ملا عبدالغني برادر اخوند نن په خپل کاري دفتر کې د یو شمېر روسي شرکتونو له مسوولینو سره وکتل.

خبرپاڼه زیاتوي، د روسي شرکتونو استازو ویلي چې دوی به د افغانستان په بېلابېلو اقتصادي او تخنیکي برخو کې پانګونه وکړي او د دې موخې لپاره به په کابل کې خپل دفتر پرانیزي، څو له اړوندو افغان ادارو سره همغږي رامنځته کړي.

د طالبانو د حکومت د ریاست‌الوزرا اقتصادي مرستیال د روسي پانګوالو د لېوالتیا هرکلی کړی او هغوی ته یې ډاډ ورکړی چې له دوی سره د هر ډول همکارۍ لپاره چمتو وي.