د طالبانو د لومړۍ دورې په اسلام اباد کې سفیر عبدالسلام ضعیف پاکستان ته د «غدار» په خطاب کولو سره د جمعې په ماخوستن (د تلې ۲۵مه) ویلي، چې دغه هېواد اوربند مات کړی دی. هغه زیاته کړې، «الله دې خیرکړي دپاکستان غدار پوځ لهخوا اوربند مات شو.»
عبدالسلام ضعیف همداراز په ډاګه کړې، «افغانان دچاسره جنګ نه غواړي خوکه ورباندې تحمل شي بیا یې استقامت حق دی.»
یاد بریدونه او نښتې په داسې مهال کې رامنځته کېږي، چې تازه د افغانستان او پاکستان ترمنځ لنډمهالی اوربند د دوحې د روانو مذاکراتو تر پایه غځول شوی و.
تر دې مخکې د طالبانو ویاند ذبیحالله مجاهد ویلي و، چې طالبان هېڅکله هم متجاوز نه و، او د اړتیا پر مهال یې دفاع ته کلکه ملا تړلې او په وینا یې په سپین بولدک کې پاکستاني لوري له درنو تلفاتو وروسته د اوربند غوښتنه کړې وه.
د نوموړي په وینا، له پاکستان سره په اوربند کې طالب ځواکونو ته ویل شوي، تر هغې چې پرې برید نه وی شوي، پر پاکستان لوري به برید نه کوي.
