د تاجکستان د استخباراتو وزیر: د طالبانو ضد ډلې نور تاجکستان کې ځای نه لري

په بلخ کې د طالبانو د والي ویاند ویلي، چې یوسف وفا د تاجکستان په بلنه د یاد هېواد پلازمېني دوشنبې ته سفر کړی او د یاد سفر پرمهال یې د تاجکستان د سرحدونو د قوماندان خورشید عطازاده او د استخباراتو وزیر سیدمومن ستاراویچ سره په کتنه کې د امنیتي ګواښونو پر وړاندې پر ګډې همکارۍ ټینګار کړی دی.

وفا ویلي، چې په افغانستان کې هر ډول ناامني د ګاونډیو هېوادونو لپاره زیان لري.

په بلخ کې د طالبانو د والي ویاند ویلي، چې تاجکستاني چارواکو هم د خپلو خبرو پرمهال د امنیتي او استخباراتي همکاریو پر پراختیا ټینګار وکړ.

تاجکستان له طالبانو سره ډېپلوماتیکې اړیکې نه لري او د جمهوریت له نسکورېدو راهیسې یې د طالبانو ضد یو شمېر شخصیتونو کوربه‌توب هم کړی دی.

تاجکستان د منځنۍ اسیا د نورو هېوادونو خلاف تر اوسه په تاجکستان کې د افغانستان سفارت طالبانو ته نه دی سپارلی.

تاجکستان په ځلونو د طالبانو تر واک لاندې افغانستان کې د ترهګرو ډلو شتون په اړه اندیښنې ښودلي دي.

دا په داسې حال کې ده، چې د تاجکستان د امنیت د دولتي کمېټې مشر سید مومن یتیموف تېر کال کابل ته د سفر پرمهال د طالبانو د استخباراتو له چارواکو سره ولیدل. هغه مهال ډېپلوماټیکو سرچینو افغانستان انټرنشنل ته ویل و، چې د تاجکستان امنیتي چارواکي کابل ته د سفر پرمهال له طالبانو سره د اړیکو د پیاوړتیا په اړه خبرې کړې وي.

دغه سرچینه وايي، د خلیلزاد او د طالبانو د بهرنیو چارو وزیر ترمنځ دا لیدنه د خلیلزاد په غوښتنه ترسره شوې وه، چې د افغانستان او پاکستان ترمنځ د وروستیو نښتو وړاندې یې غوښتنه کړې وه.

د سرچینې په وینا، د غونډې په پیل کې د طالبانو د بهرنیو چارو وزیر د افغانستان او پاکستان د وروستي جنګ په اړه د طالبانو د دریځ او غبرګون په اړه له خلیلزاد څخه وپوښتل.

په دې لیدنه کې د امریکا او افغانستان ترمنځ د اړیکو د تنظیم، د سیمې، روسیې، چین او هند په اړه د امریکا ستراتیژیک نظر، د انټرنېټ وضعیت او د پاکستان سره د اړیکو د تنظیم په اړه هم خبرې شوې دي.

سرچینې وویل، د غونډې په پای کې د طالبانو د بهرنیو چارو وزیر او خلیلزاد د شاوخوا نیم ساعت لپاره په جلا توګه سره ناست وو، خو د هغو خبرو جزییات معلوم نه دي.

د یادونې وړ ده، چې د افغانستان لپاره د امریکا د بهرنیو چارو وزارت دغه پخوانی استازی څو ورځې وړاندې کابل ته په یو نااعلان شوي سفر تللی و، چې هلته یې د طالبانو د بهرنیو چارو د وزیر سربېره یو شمېر لیدنې کړې دي.

د پکتیا پوهنتون په خبرپاڼه کې ویل شوي، چې د یاد پوهنتون د نهو پوهنځیو محصلانو تېره ورځ د پکتیا ولایت ګردې څېړۍ ولسوالۍ کې په افغانستان کې د لومړي ځانمرګي بریدګر حیات الله له مقبري څخه لېدنه وکړه.

د پکتیا پوهنتون د زده کړیالانو او همغږۍ امر نصرالله ظهیر دا ډول سفرونه د زده کړیالانو لپاره خورا مهم بللي دي.

پر همدغه مهال بیا د پوهنتون یو شمېر استادانو د ځانمرګي له مقبرې څخه د زده کړیالانو لېدنې په اړه سختي نیوکې کړي، دوی وایي، طالبان په دې ډول کړنو سره د زده‌کړیالانو په ذهن کې افراطي او جنګي مفکوره پیچکارې کوي.

ددغه وزارت په خبرپاڼه کې چې د پنجشنبې په ورخ یې خپره کړې راغلي، د نیمروز ولایت د ترانسپورټ رییس ملا محمد اقبال کلیم الله په مشرۍ، د طالبانو د بېلابېلو ادارو استازو د ایران زاهدان ولایت ته سفر کړی او هلته یې له ایراني چارواکو سره ګډه ناسته کړې ده.

د خبرپاڼې له مخې، په دې ناسته کې د دواړو هېوادونو ترمنځ د ټرانسپورټي وسایطو فعالیت، د مسافرو او سوداګریزو توکو د خوندي تګ راتګ او د ترانزیټي اسانتیاوو د برابرولو پر موضوعاتو بحث شوی.

د ناستې هدف د طالبانو او ایران ترمنځ د ترانسپورټي اړیکو پیاوړتیا او د سیمه‌ییزو سوداګریزو لارو د اسانتیا رامنځته کول بلل شوي دي.

سرچینو افغانستان انټرنشنل ته وویل، چې د ټي ټي پي مشر مفتي نور ولي مسید پر کابل د پاکستان له هوايي برید څخه څو ورځې وړاندې د خپلو ټپیانو د لیدلو لپاره کابل کې هېواد شفاء خصوصي روغتون ته تللی و.

سرچینو ویلي، چې د کابل ـ لوګر پر سړک په قلعچه سیمه کې د هېواد شفاء روغتون له ټي ټي پي سره د یوه قرارداد له مخې د یادې ډلې د ټپیانو درملنه کوله.

سرچینو ویلي، چې دغه روغتون پر کابل له برید وروسته له ټي ټي پي سره خپل قرارداد لغوه کړی دی، خو روغتون دا ډول قرارداد ردوي.
د پاکستان هوايي ځواکونو د تلې په ۱۷مه نېټه پر کابل ښار او د پکتیکا د برمل ولسوالۍ مرغۍ سیمه کې هوايي بریدونه وکړل.

پاکستان په غیر مستقم ډول ویلي و، چې د کابل په برید کې یې د ټي ټي پي مشر نور ولي مسید وژلی دی.

خو له یادو بریدونو څو ورځې وروسته د ټي ټي پي مشر نور ولي مسید په یوې تازه ویډیو کې، چې په غرنیو سیمو کې یې اخیستې وه وویل د خېبر پښتونخوا ایالت په خېبر ولسوالۍ کې اوسیږي او له خپلو قبایلي سیمو فعالیت کوي.

د طالبانو او پاکستان ترمنځ جګړه د قطر او ترکیې په منځګړیتوب په دوحه کې د دواړو لوریو ترمنځ مذاکراتو وروسته ودرول شوه او طالبانو ژمنه کړې، چې د افغانستان خاوره به د هېڅ ګاوندي هېواد پر ضد نه کاریږي.

تردې وړاندې پاکستان ویلي و، چې افغان طالبانو په خپله خاوره کې ټي ټي پي ته پټنځایونه ورکړي دي او د کابل په ګډون د افغانستان په نورو ولایتونو کې یې د هوايي بریدونو په ترڅ کې د ترهګرو پټنځایونه په نښه کړي.