د طالبانو امر بالمعروف وزارت: د شریعت او افغاني کلتور په چوکاټ کې د بیان ازادۍ ملاتړ کوو

د فرهاد په نوم یو افغان ځوان چې په یو دوکان کې مزدور و، په خپل دوکان کې یې د افغان کډوالو په تړاو د پاکستان پر سیاستونو نیوکه کړې وه او ویډیو یې د ټولنیزو رسنیو یو کاروونکي ثبت او خپره کړې وه.

دویمه ویډیو هم د یو افغان ځوان محب‌الله ده چې د چای‌ په یو هوټل کې کار کوي، هغه هم د پاکستان پر سیاستونو نیوکه کړې وه.

په کراچۍ کې مېشت افغان کډوال امین احمدزي افغانستان انټرنشنل - پښتو ته ویلي چې فرهاد او محب الله دواړه د کراچۍ د پولیسو له خوا نیول شوي او وهل شوي دي.

نوموړی زیاتوي چې یادو دواړو ځوانانو څخه په جبري ډول بښنه په ویډیويي بڼه ثبت شوې ده.

په خپره شوې ویډیو کې فرهاد ژاړي، د خپلې تېروتنې له امله پښېماني څرګندوي او له پاکستان او خلکو بښنه غواړي.

فرهاد په دغه نوې ویډیو کې ویلي چې "له ما ډېره لویه تېروتنه شوې ده، بښنه غواړم او دا کار به بیا هېڅکله تکرار نه‌شي."

ده د بښنې پر مهال د "پاکستان زنده باد" شعارونه هم ورکړي دي.

په پاکستان کې د افغان کډوالو چارو یو بل فعال رسول خان مندیزي افغانستان انټرنشنل - پښتو ته ویلي چې دوی د کراچۍ له پولیسو سره اړیکه نیولې تر څو یاد ځوانان خوشې کړي.

د پاکستان د بهرنیو چارو وزارت ویاند طاهر حسین اندرابي د جمعې په ورځ اسلام اباد کې په اوونیز خبري کنفرانس کې وویل: «زموږ لپاره د عادي پاکستانيانو د ژوند ژغورل د توکو او سوداګرۍ له تګ راتګ ډېر مهم دي.»

نوموړي زیاته کړه چې که څه هم د تجارتي لارو تړل به د سوداګرۍ پر بهیر اغېز ولري، خو د خلکو امنیت د حکومت لومړیتوب دی.

ویاند تایید کړه چې د پاکستان او افغانستان د خبرو دویم پړاو به سبا (شنبه) په استانبول کې ترسره شي.

دغه خبرې د اکتوبر پر ۱۹مه په دوحه کې د دواړو هېوادونو ترمنځ د اوربند له هوکړې وروسته کېږي، چې د ده په وینا «د اړیکو د ښه‌والي مثبت ګام» دی.

اندرابي د قطر د منځګړیتوب هڅې «د ستاینې وړ» وبللې او وې ویل: «پاکستان هیله لري چې افغانستان به په خپله خاوره کې چاته د پاکستان پر ضد د فعالیت اجازه ورنه کړي او د اوربند له هوکړې وروسته به د سولې هڅې لا پیاوړې شي.»

ویاند د طالبانو له حکومت وغوښتل چې د نړیوالې ټولنې پر وړاندې خپلې ژمنې پوره کړي او د پاکستان د امنیتي اندېښنو د رفع کولو لپاره د وسله‌والو ډلو، په ځانګړي ډول د تحریک طالبان پاکستان او بلوڅ ازادۍ غورځنګ، پر وړاندې د باور وړ ګامونه پورته کړي.

هغه وویل، پاکستان تمه لري چې د استانبول په راتلونکې غونډه کې به د څارنې یو باور وړ میکانېزم جوړ شي، څو د افغانستان له خاورې د رامنځته کېدونکو ګواښونو مخه ونیول شي.

د هند د سفارت بېرته پرانیستلو په اړه د یوې پوښتنې په ځواب کې ویاند وویل، دا د افغانستان او هند ترمنځ داخلي موضوع ده، خو زیاته یې کړه چې «د افغانستان په چارو کې د هند رول په تېرو کې مثبت نه و» او پاکستان د سیمې پرمختګونه له نږدې څاري.

د کونړ سیند پر سر د افغانستان د اعتراضونو په اړه، ویاند وویل پاکستان به د نړیوالو قوانینو له مخې عمل وکړي.

هغه زیاته کړه چې دا ډول مسایل باید د ډېپلوماټیکو لارو او متقابل تفاهم له لارې حل شي، څو د سیمې د همکارۍ فضا زیانمنه نه شي.

دوشنبه کې د افغانستان سفارت له خوا په خپره شوې خبرپاڼه کې راغلي، چې ظاهر اغبر د دې مهمې نړیوالې ورځې په مناسبت د ملګرو ملتونو له ارزښتناکو هڅو ستاینه وکړه او د افغانستان له خلکو سره یې د دغې ادارې د دوامدار ملاتړ قدرداني وکړه.

اغبر ویلي، افغان ولس د ملګرو ملتونو د منشور له لوړو موخو، لکه تلپاتې سولې، عدالت، بشري حقونو او نړیوالو همکاریو پوره باور لري.

په خبرپاڼه کې راغلي چې، نوموړي ټینګار کړی چې د ملګرو ملتونو رول باید د افغانستان د ثبات، ټولنیز عدالت او د ښځو او نجونو د ملاتړ په برخه کې لا پیاوړی شي.

هغه په څرګند ډول وویل چې افغانان د داسې ډلې په رسمیت نه‌پېژندلو هرکلی کوي چې «ښځې له خپلو اساسي حقونو بې‌برخې کوي او بشري ارزښتونه تر پښو لاندې کوي.»

ځایي چارواکو ویلي د پېښې له ځایه د ۱۴ کسانو مړي راېستل شوي او د ورکو کسانو لټون لا روان دی.

د موغله ولایت د والي دفتر په یوه اعلامیه کې ویلي، چې د لټون ټیمونو تر اوسه د ۱۴ کسانو مړي له سمندر راېستلي او یو بل ژغورل شوی کس یې د «چلبی ټاپو» په سیمه کې موندلی دی.

په اعلامیه کې راغلي: «د ورکو کډوالو د موندلو لپاره د څلورو ساحلي څارنې بېړیو، یوه ځانګړې غوټه‌وهنې ډلې او یوه هلیکوپتر په مرسته عملیات روان دي.»

د پېښې افغان ژغورل شوي پناه‌غوښتونکي ویلي: «موږ له موغله څخه د شپې پر یو بجې وخوځېدو، کښتۍ ډېره کوچنۍ وه او له خلکو ډکه وه، لږ وروسته کښتۍ ته اوبه پورته شوې او هر څه په څو دقیقو کې پای ته ورسېدل.»

تر اوسه معلومه نده چې په کښتۍ کې نور سپاره د کومو هېوادنو وګړي وو.

د ترکیې د چارواکو په وینا، ډېری دا ډول پېښې هغه مهال رامنځته کېږي چې کډوال له ترکیې د ایجیېن سمندر له لارې یونان ته د تګ هڅه کوي.

د کډوالۍ د ادارې د معلوماتو له مخې، په ۲۰۱۹ کال کې په ترکیه کې نږدې ۴۵۵زره ناقانونه کډوال نیول شوي وو، چې ډېری یې افغانان او سوریایان وو.

د روان کال تر اکتوبر ۱۶مې نېټې پورې دا شمېر تر ۱۲۲ زرو ته پورته شوی دی.

د پاکستان د بهرنیو چارو وزارت ویاند طاهر حسین اندرابي د اونیز خبري کنفرانس پرمهال ویلي، چې له افغان طالبانو سره د مذاکراتو دویم پړاو سبا د ترکیې په پلازمېنه استانبول کې ترسره کېږي.

نوموړي وویل:«د ترکیې په کوربه‌توب د اکټوبر په ۲۵مه په استانبول کې د راتلونکې غونډې په ترڅ کې به د څارنې د یو مشخص او تایید وړ میکانیزم د جوړولو خبرې وشي، ترڅو د ترهګرۍ ګواښ ته رسیدګي وشي. په دې خبرو کې به د افغانستان له خاورې څخه سرچینه اخیستونکې ترهګرۍ په اړه بحث وشي.»

پاکستان بار-بار افغان طالبان په دې تورن کړي چې ترهګرو ته یې د افغانستان په خاوره کې ځای ورکړی او په پاکستان کې ناامني له افغانستان څخه پلان کیږي، خو طالبانو هر ځلي دا تورونه رد کړي دي.

د پاکستان هوايي ځواکونو د تلې په ۱۷مه نېټه پر کابل ښار او د پکتیکا د برمل ولسوالۍ مرغۍ سیمه کې هوايي بریدونه وکړل.

پاکستان په غیر مستقم ډول ویلي و، چې د کابل په برید کې یې د ټي ټي پي مشر نور ولي مسید وژلی دی.

خو له یادو بریدونو څو ورځې وروسته د ټي ټي پي مشر نور ولي مسید په یوې تازه ویډیو کې، چې په غرنیو سیمو کې یې اخیستې وه وویل د خېبر پښتونخوا ایالت په خېبر ولسوالۍ کې اوسیږي او له خپلو قبایلي سیمو فعالیت کوي.

د پاکستان د بهرنیو چارو وزارت ویاند دا هم ویلي، چې پاکستان د یو مسوول حکومت په توګه سیمه ییزې سولې او ثبات ته ژمن دی او د تاوتریخوالي د زیاتیدو هڅه نه کوي.

نوموړي له افغان طالبانو څخه غوښتنه وکړه، چې له نړیوالې ټولنې سره دې پر خپلو کړو ژمنو عمل وکړي او د پاکستان اندېښنو ته دې رسیدګي وکړي.

طالبانو ژمنه کړې، چې د افغانستان خاوره به د هېڅ ګاوندي هېواد پر ضد نه کاریږي.