نړیوالو بازارونو ته د هرات د لاسي اوبدل شویو غالیو صادرات زیات شوي دي
د هرات د سوداګرۍ او صنایعو خونې رییس وايي، چې د روان کال له پیل راهیسې له دغه ولایت څخه اسټرالیا، جرمني او اتریش ته د ۲۷۰ زره ډالرو په ارزښت لاسي اوبدل شوې غالۍ صادرې شوي دي.
د هرات د سوداګرۍ او صنایعو خونې رییس وايي، چې د روان کال له پیل راهیسې له دغه ولایت څخه اسټرالیا، جرمني او اتریش ته د ۲۷۰ زره ډالرو په ارزښت لاسي اوبدل شوې غالۍ صادرې شوي دي.
د هرات د سوداګرۍ او پانګونې خونې اجرایوي رییس یوسف امین د طالبانو اړوندو رسنیو ته ویلي، چې تیر کال له هرات څخه د غالیو صادرات ۱۵۵ زره ډالرو ته رسیدلي وو.
هغه زیاته کړې ،چې د غالیو صادراتو کې وده د لوړ کیفیت لرونکو کورنیو محصولاتو له امله ده.
د هرات سیمه ییز طالب چارواکي وايي چې په نړیوالو بازارونو کې د دې محصول د بازار موندنې لپاره په نړیوالو نندارتونونو کې د تولیدوونکو حضور ته پاملرنه کېږي.
د افغانانو په لاس اوبدل شوې غالۍ د خپلو اصلي ډیزاینونو او طبیعي رنګونو له امله په نړیوالو بازارونو کې ځانګړی ځای لري.
د طالبانو د مالیې وزارت ویاند نن یکشنبه، د لړم ۳مه په خپل اېکس کې د اعلامیې په خپرولو سره لیکلی، چې دغه پرېکړه د یاد وزارت د وزیر په مشرۍ د تعرفې کمیټې په پنځمه ناسته کې شوې ده.
په دې ناسته کې د طالبانو د کرنې، اوبو لګولو او مالدارۍ وزیر، د کانونو او پټرولیم، اقتصاد او عامې روغتیا وزاتونو مرستیالانو او استازو، د استخباراتو لوی ریاست، د معیار او کیفیت ملي ادارې، د کانونو او صنایعو، پانګونې او د کرنې او مالدارۍ مسوولینو ګډون درلود.
یاد وزارت وايي، چې په دې ناسته کې د کورني صنعت او تولیداتو په ملاتړ د کرنې او سوداګرۍ د ودې اصل ته په کتو لاندې پرېکړې وشوې، چې تعرفې د اوصلو به سم پلي شي.
