فضلالهادي مسلمیار له زلزلهځپلو سره د مرستندویو ادارو د مرستو غوښتنه وکړه
د تېر جمهوري نظام د مشرانو جرګې پخواني مشر فضلالهادي مسلمیار د تېرې شپې له زلزلهځپلو سره د غمشریکۍ تر څرګندولو وروسته، له ملي او نړۍوالو مرستندویو بنسټونو وغوښتل، چې د یادو زلزلهځپلو لاسنیوی وکړي.
مسلمیار د دوشنبې په ورځ (د لړم ۱۲مه) وویل: «د هېواد په فعاله خیریه بنسټونو او ملي و نړۍوالو مرستندویه ادارو غږ کوم، چې له زلزلهځپلو هېوادوالو سره بېړنۍ مرستې وکړي.»
