په اسلام‌کلا کې څو نړیوالو بنسټونو خپل فعالیتونه وځنډول

یاد وزارت د سې شنبې په ورځ، د لړم پر ۱۳مه وویل، چې دغه بهیر د کندهار په مرکز کې د یوې ځانګړې غونډې په ترڅ کې پیل شوی.

د صادراتو د دغه بهیر د پرانیستې په مراسمو کې د طالبانو د کرنې وزارت چارواکو، د «کندا فروټ» شرکت مسوولانو او د طالبانو یو شمېر سیمه‌ییزو چارواکو ګډون درلود.

یاد خصوصي شرکت، چې د کرنیزو محصولاتو د پروسس او بسته‌بندۍ په برخه کې فعالیت کوي، اعلان کړی، چې سږ کال پلان لري ټول ټال ۱۰۰۰ متریک ټنه مڼې او انار روسیې ته صادر کړي.

د طالبانو د کرنې وزارت د اطلاعاتو مسوول ویلي، چې بهرنیو هېوادونو ته د افغانستان د کرنیزو محصولاتو صادرات د بزګرانو د اقتصاد د پیاوړتیا لپاره یو اغېزناک ګام دی.

هغه دغه راز د کرنې وزارت د هغو هڅو یادونه کړې، چې د بازار موندنې، معیاري‌ کولو، تولید، پروسس او کڅوړبندۍ په برخه کې د خصوصي سکتور په نږدې همکارۍ ترسره کېږي.

نوموړي ډاډ ورکړی چې دا بهیر به په راتلونکي کې هم دوام ولري.

د ترکي رسنیو د راپور له مخې، نیول شوي افغانان د استوګنې قانوني اسناد نه‌لري او د بهرنیانو د ایستلو مرکز ته لېږدول شوي دي.

راپورونه وایي، ترکیې په وروستیو میاشتو کې د پناه‌غوښتونکو، په ځانګړي ډول د افغانانو، د نیولو او ایستلو بهیر چټک کړی دی.

د ترکیې د کورنیو چارو وزارت ویلي، له روان کال څخه تر اوسه پورې له ۳۰ زرو زیات افغانان په بېلابېلو ښارونو کې نیول شوي دي.

د یاد وزارت د معلوماتو له مخې، افغانان د نیول شویو پناه غوښتونکو په سر کې دي، او وروسته تر هغوی د سوریې، ازبکستان، ترکمنستان او ایران اتباع راځي.

د خبرپاڼې له مخې؛ نوموړي په دغه لیدنه کې ترکمني چارواکو سره د برېښنا د لېږد پر پراختیايي پروژو هم خبرې کړې دي. خبرپاڼه زیاتوي، دواړه خواوو د ۵۰۰ کیلو ولټ برېښنا د لېږد مزي پروژې، د بالامرغاب ولسوالۍ د برېښنا رسونې پروژې او نورالجهاد سب‌سټېشن د تطبیق او پرمختګ پر چارو خبرې اترې کړې دي.

خبرپاڼه کاږي، چې په دې برخو کې د دواړه خواوو خبرې ګټورې وې. دا په داسې حال کې ده، چې په افغانستان کې د هوا په سړېدو یو ځل بیا د برېښنا د پارچاوۍ په اړه اندېښنې مخ پر زیاتېدو دي.

وړاندې د طالبانو تر کنټرول لاندې د افغانستان برېښنا شرکت ویلي و، چې د افغانستان له بل ګاونډي ازبکستان نه په وارداتي برېښنا کې ۵۰ سلنه کموالی راغلی دی. هر کال د ژمي په رارسېدو د افغانستان په ګڼو ولایتونو کې د برېښنا پرچاوي زیاتېږي، چې ورسره د خلکو ستونزې هم پراخېږي.

د یادونې ده، چې افغانستان تر ډېره په وارداتي برېښنا متکي دی چې د ژمي په رارسېدو په واردېدوونکو هېوادونو کې د اوبو د کښمت او په خپله دغه هېوادونو کې د برېښنا مصرف ته په کتو د برېښنا په کچه کې د پام وړ کموالی راځي.

دغه سیالۍ نن د سعودي عربستان په پلازمېنه ریاض ښار کې پیلېږي. په یادو سیالیو کې د ګډون لپاره ډېری افغان لوبغاړې سعودي عربستان ته رسېدلې؛ خو ځینې هغه یې د ویزو د ستونزو له کبله تراوسه هم له لوبډلې سره نه‌دي یوځای شوې.

د افغانستان د والیبال فدراسیون منشي خوشحال ملکزي ویلي، له ۱۲ټاکل شویو لوبغاړو څخه یوازې اته لوبغاړې تر اوسه ریاض ته رسېدلې دي. د والیبال فدارسیون د مسوولینو په خبره، که څه هم افغان ښځینه ملي لوبډلې پرله‌پسې تمرینونه کړي او د سیالیو لپاره چمتو ده؛ خو لومړنۍ لوبه یې له پیاوړې لوبډلې سره ده.

د معلوماتو پربنسټ؛ د افغانستان د والیبال په ښځینه‌و ملي لوبډله کې د افغانستان دننه او بهر لوبغاړې برخه لري. د اسلامي هېوادونو ترمنځ د همغږۍ په سیالیو کې د افغانستان، ترکیې، ایران او اذربایجان لوبډلو ګډون کړی دی.

د راپورونو پربنسټ؛ لاهم د تورخم دروازې ته څېرمه سلګونه بند پاتې کورنۍ له بېلابېلو ستونزو سره لاس او ګرېوان دي. که څه هم د طالبانو حکومت ویلي، چې د ستنېدونکو افغان کډوالو لپاره یې تابیا نیولې؛ خو یو شمېر ستانه شوي کډوال بیا د امکاناتو له نشتوالي شکایت کوي.

وړاندې د چمن – سپین بولدک لارې په اوږدو کې هم د سلګونه کورنیو د بند پاتې کېدو په اړه خبرونه ورکړل شوي وو. په سپین بولدک کې یوې ځايي سرچینې افغانستان انټرنشنل پښتو ته ویلي و، چې د چمن – سپین بولدک دروازې ته څېرمه سلګونه کورنۍ په شپو، شپو د کرښې دې غاړې ته د اوښتو په تمه وي.

که څه هم د پاکستان حکومت د ډیورنډ کرښې په اوږدو کې د هر ډول تګ راتګ او د سوداګریزو توکو د لېږد رالېږد لپاره د لارو د بشپړ خلاصون په اړه څه نه‌دي ویلي؛ خو وړاندې د پاکستان د بهرنیو چارو وزارت ویلي و، چې تر بلې خبرتیا به د ډیورنډ کرښې په اوږدو کې لارې تړلې وي.

له دې ټولو سره، سره پاکستان په ټولو ښارونو او په ځانګړي ډول په پنجاب ایالت کې د افغانانو پر وړاندې عملیات پراخ او چټک کړي. د پنجاب پولیسو ویلي، د لسګونه افغانانو سربېره د کورونو یوشمېر هغه خاوندان یې هم نیولي چې افغانانو ته یې کورونه په کرایه ورکړي وو.

که څه هم تمه کېده، چې د ترکیې په استانبول ښار کې د طالبانو او پاکستان ترمنځ د خپلمنځي شخړو د حل په موخه د خبرو له پای ته رسېدو وروسته به لارې پرانېستل شي؛ خو تر دې دمه لارې تړلې پاتې دي او د دواړه خواوو خلک یې له بېلابېلو ستونزو سره مخامخ کړي دي.